一起食堂 (威利廣場)

营业中

休息中

比較近海旁的一個地下店入到有頗舒服的感覺，可能因為都是新裝潢，而且坐位都幾舒服雖然此是台灣菜，但個人感覺有點日系風因為枱椅都係啡系為主，而且天花掛了些燈籠日是假期，人流不算多我地一行2人可坐一個4人卡位，很闊落枱上放了一張黑白點菜紙，可以用鉛筆圈出喜歡的主要食品類有面﹑飯﹑小吃飲品同甜品如果午市(11:30-15:00)幫襯，可用$12自選$12以下既飲品﹑+$2有迷你芋圓仙草凍﹑+$6飲品可以加珍珠/仙草/紅豆食物方面，份量比想像中多好多好似我叫左一個魯肉飯，原來都會跟前菜同湯~呢樣佢個點菜紙冇寫到~所以大家要小心唔好眼闊肚窄味道方面，我和朋友都覺得整體是幾有水準而且價錢仲要幾抵食，性價比高呀!而且也不用加一服務費呢服務方面都算幾好有一個加分位係，我和朋友只點了一杯飲品，但侍應上飲品時，會再用紙杯上一杯暖水這個位真係好貼心，滿意➽魯肉飯 $58黎到有驚喜，因為我本身見價錢係$58，以為淨係一個碗仔size 就算，因為平時出面呢個價係差不多咁所以我叫左個滷水拼盤送魯肉飯，點知叫多左 …魯肉飯黎到個碗真係好鬼大，魯肉既量都好多佢仲跟埋前菜同一碗湯，原來係一個set 的安排前菜有迷你甜蕃薯

台灣美食必吃麻油雞🌸花雕麻油雞湯麵 $78🌟🌟🌟🌟🌟超正呀！有杯花雕自己倒落湯麵度，成個湯底好有藥材味、花雕味重、紅棗桂圓都入晒湯底味，配麵條同超嫩滑既雞卷，真係好好味！小編將成碗湯飲晒呀！🌸黑糖豬軟骨飯 $68🌟🌟🌟🌟🌟朋友揀左黑糖豬軟骨，有一塊超大超淋超入味完全冇骨既豬軟骨，配白飯一流。🌸古早滷水拼盆 $68🌟🌟🌟🌟🌟有厚切既牛𦟌，超入味超淋身，超入味既滷蛋，超爽脆入味既豬耳，仲有勁入味既雞翼，一碟就滿足既小編想試既小食。🌸芋圓仙草凍 $38🌟🌟🌟🌟🌟大大碗超足料呀！小編可以分到兩細碗，同朋友一齊分享，有好多紅豆、超有芋頭味既芋圓、勁香地瓜味地瓜圓、濃郁紫薯味紫地瓜圓，仲有滑捋捋既仙草。🌸愛玉鳳梨綠茶 $24🌟🌟🌟🌟鳳梨味比較淡，綠茶味特出，但配搭埋滑捋捋既愛玉，都唔錯。🌸仙草冬瓜茶 $24🌟🌟🌟🌟🌟平時飲冬瓜茶比較甜，估唔到今次唔會太甜，但冬瓜味十足，配搭埋仙草，個感覺又真係好夾。======詳情======一起食堂 (威利廣場) (觀塘)觀塘開源道48號威利廣場地下G5號舖================#yummy #香港美食指南 #香港美食 #hkfoodie #hkf

🌸二訪一起食堂🤩 早排食完佢地嘅原條蒲燒饅魚飯之後念念不忘，呢日經過觀塘再見到一起食堂，就入左去食，睇下唔同分店會唔會好唔同😛-𝐅𝐨𝐨𝐝 𝐑𝐞𝐯𝐢𝐞𝐰 食評 🐟原條蒲燒饅魚飯 $𝟷𝟹𝟿饅魚依舊非常大條厚身，而且唔會好多碎骨，岩曬小編呢𝚍懶人食啊🙆🏻‍♀️ 呢個飯另外有送上湯同小菜，$𝟷𝟹𝟿咁大份又可以用黎打卡，小編覺得可以接受🫢-🍜 花雕麻油雞湯麵 $𝟽𝟾今次叫多左一份麵，係店內招牌之一，麵底口感有𝚍似烏冬，比較煙靭👍🏻 雞肉非常嫩滑，夾雜住陣陣花雕香，正啊🥳-🦐 府城蝦卷 $𝟸𝟾府城蝦卷煎得好香脆，餡料除左蝦肉，仲有增加口感嘅細粒馬蹄，好加分💕超推薦-🍮芋圓仙草凍 $𝟹𝟾呢份甜品分量大得驚人🫢同朋友諗住一細碗大家𝚜𝚑𝚊𝚛𝚎食，點知黎到先知分量足夠𝟹-𝟺人分享，最後我地飽到捧住肚仔離開😛 芋圓煙靭，有淡淡芋頭同番薯味👍🏻仙草都好彈牙，推薦🙆🏻‍♀️❗️-📍 一起食堂 觀塘開源道48號威利廣場地下G5號舖-環境：🌸🌸🌸🌸味道：🌸🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸🌸-#hkfoodie #foodbitxh #foodbitxh_kwuntong #hkeat #hkig #h

今日係觀塘做完野，同事提議去食台灣菜，最後搵左呢間一本食堂，平日lunch time都好full,等左陣位先有得食🤭。。🥢麻辣雞肉乾拌麵 $68鍾意食辣既我表示好欣賞👌🏻拌麵夠乾身彈牙，入口爽爽地，麻辣程度好麻，會追著食既feel，雞肉滑得黎好夾😋。🥢紅燒牛肉麵 $78牛肉超軟嫩好食，湯底既濃厚又帶微辣花椒味，肉質煮得鬆軟入味，入口軟腍，口感一流。🥢鹽酥雞 $38小食份量好多，岩晒我地share食，酥脆可口！好有台灣味！。🥢滷水雞翼 4件 $38偏甜左少少，但好淋好入味，有加分😋。跟主食野飲有加購價，「冷泡四季春」同「冷泡白桃烏龍茶」都唔錯，清清地。。最後叫左個「芋圓燒仙草 $32」大讚👏🏻👏🏻好好味又大碗。

今日突然想食台灣菜，就同男朋友去咗呢間餐廳～星期六日可能因為少人返工？店鋪唔算好多人，唔洗等位就入得～座位都好寬鬆～幾好！照舊叫咗碗原條蒲燒鰻魚飯真係原條鰻魚～質素冇變！依然好大份～精粹絕對係撈隻半熟蛋嘅蛋汁配埋飯一齊食！鰻魚好厚肉～一啖飯一啖肉好滿足！紅燒三寶牛肉麵入面有有牛腱、牛丸、牛肋條，我哋小食都叫咗牛腱～但真係唔建議叫🥲牛腱好un ，麵入邊啲可能因為浸住熱啲，所以相對叫冇咁un 。但小食個牛腱真係咬唔開香口膠咁濟🥲反而牛丸、牛肋條唔錯下次都係叫鰻魚飯啦😂

週末夜晚想吃台灣菜，就同老公去咗呢間一起食堂，週末無咗返工嘅人，店鋪比較少人，座位都好寬鬆。🔸 花枝丸肉燥米粉+鹽酥雞(💰68)(8/10)花枝丸彈牙有好多粒粒嘅墨魚碎喺入面。鹽酥雞亦係好味嘅推介，雞炸得酥脆乾身，椒鹽粉好均勻，唔會太鹹，的確不錯。肉燥亦好多好入味，食新竹米粉就無食粗麵咁肥😉🔸紅燒三寶牛肉麵(💰88)(8/10)有牛腱、牛丸、牛肋條，一次過食到三種牛👍🏻牛腱同牛肋條都好入味好腍。🔸 肉燥燙青菜(💰28)(7.5/10)青菜新鮮爽脆👍🏻份量都算幾多。🔸 冷泡四季春(💰24)(8/10)估唔到咁有茶味，好香👍🏻🔸 仙草奶茶(💰24)(7/10)叫咗無糖奶茶，加埋仙草，陣味有啲似涼茶😂總括來說，呢度嘅食物性價比幾高。以呢個價錢來說都很不錯了，用料不俗！如果湯麵嘅湯底可以再入味啲，咁就非常好了！Overall評分：8/10

最近家姐仔星期日學電繪，學完之後咁啱就見到有一起食堂，所以就去試吓😌🧋珍珠奶茶（半糖）$24 🧋鹽酥雞 $38🧋酥炸地瓜條 $38🧋芋圓仙草凍 $38 🧋花雕麻油雞麵 $78🧋日式咖喱唐揚雞飯 $68Overall嚟講都okay 上茶都快~ 花雕麻油雞麵真係好香花雕味，花雕酒仲可以另外再加，啱晒乍暖還寒依家既天氣祛濕下🤭咖喱飯份量都多，最中意係個炸地瓜條！唔覺唔覺就食晒，芋圓都夠煙銀！如果大家經開都可以一試～如果大家中意俾個like支持下🤟🏽 𝗖𝗶𝗮𝗼~🧋一起食堂 (威利廣場) (觀塘)🧋觀塘開源道48號威利廣場地下G5號舖

紅燒牛肉麵 $78紅燒牛肉大大舊，份量仲好多，每一舊牛肉都炆得好入味好冧身，唔洗太用牙力就可以咬開，好出色，牛肉仲要偏半肥瘦咁，食落好嫩滑，勁好食😋，麵係烏龍麵，麵質好Q彈嫩口，入面仲有蘿蔔同酸菜，整體份量都好足料，特別係牛肉真係勁多❤️肉燥貢丸湯米粉 + 鹽酥雞 $68貢丸咬落好有肉汁，肉燥湯米湯清得黎又唔會太Hea，食落好有台灣既古早味，鹽酥雞粒粒都炸得好香脆，鹹香味十足炸花枝丸（4粒）$38炸得外皮脆身，出面仲有啲椒鹽，食落味道鹹香味足，花枝丸好有肉感，入面肉質亦好彈口燙青菜🥬 $24有大量炸蒜係面，食落更香口芋圓仙草凍 $38一黎到既感想係，咁大碗既🤭，入面有3色芋圓，口感都好煙韌，好好咬好好食🤤，仙草都好嫩滑，仲有紅豆🫘愛玉鳳梨綠茶 $24飲落酸酸甜甜咁，好清新既感覺，鳳梨🍍既果香好自然，綠菜亦好清香，仲有愛玉粒入面，飲落好有口感仙草冬瓜茶 $24

工廠區台式野食 價錢合理 野食夠熱 炸花枝丸爽口彈牙，不會太粉肉燥燙青菜油麥菜依然爽口，舖滿炸蒜同肉燥，汁牆配搭適宜，餸飯不錯吉列炸蠔意外嘅驚嘉，外脆嘅表面，咬落沒有蠔腥臭味，反而蠔味好足😋😋😋同埋夠熱，炸野熱度真係好重要紅燒三寶牛肉麵有牛腱，牛丸，牛肋條。湯底入味，麵條煙韌彈口，配埋湯底嘅入味😋魯肉飯魯肉飯正常，無太大驚喜🔹🔹🔹🔹🔹🔹🔹🔹🔹🔹#一起食堂觀塘開源道48號威利廣場地下G5號舖🔸🔸🔸🔸🔸🔸🔸🔸🔸🔸#觀塘好食 #觀塘食好西

呢度提供台式料理🍽️, 有麵食、飯類、一系列小吃同台式飲品。室內環境嘅裝修以木系為主, 有啲似一個小型食堂, 座位寬敞, 坐得幾舒服～ 🍜豆乳雞烏龍麵 十分推介👍🏻豆乳湯底呈奶白色, 帶香濃嘅豆乳味, 又有蔥味同輕微鹹香, 雞卷大大件, 肉質嫩滑, 烏龍麵感覺似鳥冬, 口感彈牙又滑身, 煙煙韌韌的🍜花雕麻油雞湯麵 旁邊附上一小瓶花雕, 可以按個人喜好加入適當嘅份量於湯麵中, 好貼心呢💗～ 除咗有雞卷, 仲有冬菇、龍眼、紅棗、杞子。至於個湯底, 好香麻油同花雕酒味, 感覺好養生～🥚魯蛋 - 滷得夠入味, 蛋味濃, 食落好嫩滑🥬燙青菜 - 唐生菜清甜爽脆, 上面鋪滿炸蒜

今日難得放假 出咗觀塘去搵朋友一齊食lunch 順便傾下計 因為我本身都唔太熟觀塘 所以諗住係apm 簡簡單單揀間餐廳食 但我朋友話lunch time 比較多人怕要等好耐 同埋見我尊登出黎 就帶我去一間台灣特色小店食好嘢👏🏻🥳🥳餐廳位置其實都方便 觀塘廣場出口 一路直行約3-5 分鐘 不過如果冇人帶/ 唔係跟地址去 自己應該唔會食到d 間餐廳 多謝朋友推介 裝修簡潔乾淨 坐位舒服 職員安排我哋坐靠牆既沙發位 位置寬躺鹽酥雞🐔($38)好大碟 脆口 啖啖肉府城蝦卷🦐($28)個皮夠薄夠脆 即炸 熱辣辣魯旦🥚($12) 大大粒 好入味👍花雕麻油雞湯麵🍜($78) 花雕酒另上 可安自己口味加入湯麵 花雕和麻油味十足 連湯底都飲埋蔥油雞肉乾伴麵🍜 ($68)好香蔥油味 伴麵彈牙😋芋圓燒鮮草（熱）($32)芋圓有三包三種味道 煙煙韌韌 口感豐富 大碗 兩️個人share 都好足夠

係附近試完姐妹裙. 見到有之前食過既呢間一起食堂分店. 咁近, 梗係要去醫醫肚. 呢間既裝修同中環果間都好相似, 係台式, 木系既設計. 🐔 麻油花雕雞烏龍麵印象中, 呢到既烏龍麵係必叫既, 因為面質好滑同煙韌. 呢個主食仲好有誠意, 佢既花雕酒係分開上, 店員話食既時候淋上就得. 加左落湯底後, 即刻變左酒味濃濃, 如果冬天食一定成身暖晒. 麵既配料都好正, 花雕雞係雞卷黎, 無骨, 啖啖肉, 仲幾入味. 仲有幾粒花菇仔, 好香.🐤 蔥油雞肉乾拌麵拌麵的口感豐富，麵條本身有嚼勁，配上蔥香味濃郁的醬汁、乾蔥、乾蒜，再加上炒過的雞肉，口感更加豐富。而且佢仲有一隻完整既滷水蛋, 好入味, 又夠飽肚. 跟麵既湯, 清清地, 最岩濕下個口. 🦐 府城蝦卷原來係台南地既特色小食，入面有蝦肉和菜，同埋馬蹄，馬蹄完全加晒分， 好爽口，香甜。外面就係用左薄脆炸過既酥脆的外皮，金黃色既，口感同味道都非常不錯。仲可以加埋沙律醬食，好開胃。🐣 鹽酥雞呢到既鹽酥雞份量超多，成個碟都裝唔晒。外皮口感酥脆，內裡的雞肉則是好鮮嫩又juicy, 鹹香味滿滿。一口一粒， 好快就食晒。🍵 綠茶多多口感爽口香甜，綠茶茶底比

又到星期五，放工梗係約朋友晚飯，到咗一間食台灣菜既小店一人一碗麵share 食再點幾樣小食。牛肉麵個湯底都好濃郁，好入味，牛肉份量都慷慨，肉質鬆軟唔錯，連同彈牙既麵一齊食，有一定水準，唔錯唔錯。豆乳雞烏龍麵有啲日式加台式既麵食，個湯底好重豆乳味，香滑感覺滋潤，d雞卷都大塊，夠食，烏龍麵爽口彈牙，唔錯既新配搭。府城蝦卷上枱時以為俾錯，望落似炸餃子，原來係充滿蝦肉既腐皮卷，炸得金黃色，食落都好酥脆，價錢都合理。鹽酥雞另外一樣台灣嘅美味小食，同樣炸到金黃色，唔會只係得炸粉，炸粉唔厚，內面既雞肉都唔會炸到乾哂，食落唔嚡，外面夠脆，幾惹味。肉燥燙青菜油麥菜份量都好多，好爽脆，肉燥份量亦都唔少，好惹味。檸檬多多乳酸飲品本身已經健康好味，加埋檸檬，成個飲品健康指數即刻upupup由good 變excellent。仙草冬瓜茶甜度剛好，一大嚿仙草響底，飲館吸啜嘅時候就會啜到，滑嘟嘟，口感一流。

最近放工行過見到呢間個門面都幾神秘 價錢都幾抵仲要唔使加一主食都係6 70就搞掂 原來入邊裝修都幾日式㗎喎🏮❣️黑糖豬軟骨飯 $68豬骨超腍超大嚿 甜甜地嘅黑糖香味 一咬成件散開軟骨同樣入味 但食落爽口 撈埋溫泉蛋一齊食好正❣️紅燒三寶牛肉麵 $88一碗有齊牛腱 牛丸 牛肋條 紅燒湯底唔算太鹹反而仲有啲甜甜地添 吸滿湯底嘅牛腱相當大塊 唔會鞋口 另外牛肋條好軟身 入口即溶❣️貢丸湯 $15幾乎係台灣價嘅貢丸湯 一碗都有三粒丸 少少鹹但貢丸好鮮味 底部仲有啲蒜粒 一齊飲好香好濃❣️魯蛋 $12去台灣必買嘅手信之一 🥚滷得相當入味 係唔錯嘅餐前小食❣️鹽酥雞 $38估唔到份量咁多 雖然話係油炸 但比平時嗰啲乾身而且粉層唔算厚 依然keep到肉汁 食到一粒接一粒❣️烤台灣香腸 $28正宗台灣烤香腸 皮脆肉嫩嘅香腸好香豬肉香夾埋蒜片食微辣口味好過癮❣️肉燥燙青菜 $28肉燥汁浸淋青菜 代替一般熱水烚蔬菜🥬包住肉燥粒粒十足生菜包咁❣️綠茶多多(冷) $24原先以為溝益力多應該會好甜 意外地飲落竟然有啲小清新成餐食咗咁多油膩heavy嘢 啱啱好可以中和返下

觀塘嘅台式餐廳數落真係幾多，亦都試過唔少。今次就試下 一起食堂，相信都係附近唔少番工人士嘅食堂。花雕麻油雞湯面額外配上一杯花雕酒，可以自己倒落湯入面調味。我就將成杯倒哂入去，麻油加上濃郁嘅花雕酒味好香，味道都好夾。雞肉又好嫩好滑，仲有啲冬菇杞子紅棗。黑糖豬軟骨飯配上香甜嘅黑糖醬汁，加埋流心蛋一齊撈飯，絕對係非常開胃。豬軟骨亦都煮得好腍身，味道絕對係一流。鹽酥雞好酥脆，啖啖都充滿咸香，份量亦都好足。一口炸芝士炸得好香脆，咬落新鮮熱辣，啖啖都有好濃郁嘅芝士味，仲可以拉絲，係邪惡之選。另外仲叫左珍珠奶茶同愛玉鳳梨綠茶。愛玉鳳梨綠茶冇得揀甜度，仲擔心好甜，飲落甜度真係控制得剛好，鳳梨味又唔係太甜蓋過茶味，愛玉都好好咬口。