一起食堂 (域多利皇后街)

营业中

休息中

同男朋友鵝左好耐想去台灣，呢日話帶我去食台灣野，心諗係香港食台灣野都唔夠feel點知坐低無耐就好鍾意呢間小店la. 全店keep 住play d 好台灣地道既歌曲，好多都係電影主題曲，e.g. love 入面既傻子，成個氣氛好文青，周圍既裝飾都簡單但有心思，一幅幅熱血台灣電影poster掛住牆上食物選擇比想像中多好多，忍唔住tick 左好多樣食物黎到全部嚇我一跳，性價比極高，好大份！特別係綜合關東煮，$68有好大碗，每樣都好淋好入味，我敢講台灣7-Eleven 都無咁抵！但味道係居酒屋水平！芋頭燒鮮草令短暫戒食冷野既我都可以一試甜品，好開心點餐加$12的飲品好高質素，呢杯冷泡茉莉毛尖茶超香茶味，估唔到咁高質，真係覺得自己置身台灣，一個好茶的國度

紅燒三寶麵湯頭味香偏淡酸，牛腱煮到好霖入味，牛丸口感彈牙 好香牛味，牛肋肉就不過不失。至於麵既口感比較軟身少少，但份量都唔少。三色海鮮茶漬飯三種海鮮都好鮮甜, 特別係蠔!!超甜超鮮, 仲有陣陣既海水味,超好味~炸花枝丸我個人最鍾意佢呢度既花枝丸, 成粒炸到金黃色, 花枝丸裡面真係有花枝, 好彈牙好好食~鹽酥雞講到台式小食, 當然唔少得鹽酥雞, 呢度既鹽酥雞唔會太厚粉,薄薄一層炸粉, 加上小小椒鹽已經好香口好好食~蘆薈桂花雪梨茶第一次見呢種台式飲品, 當然要試一試~最欣賞佢入口真係有桂花味,咬落去有啖啖既雪梨同蘆薈!雪梨同蘆薈既份量都唔少, 都佔左大約1/3杯, 好味!冷泡茉莉毛尖茶淡淡茉莉花香茶~清清地唔錯!

前幾日同朋友行完大館之後想係附近搵間餐廳食個晚飯 一search之下搵到呢間食台灣野就諗住去試下 去到7:30都要係門口等一陣 由於我地都幾肚餓 所以已經係等嘅同時諗定食咩***我地兩個係坐係bar枱 朋友叫紅燒牛肉麵 麵條幼幼幾煙韌 牛肉都幾軟稔 而我就叫左個紅燒三寶牛肉麵 三寶係指牛丸 牛肋肉同牛腱 個牛丸幾特別 有汁爆***之後我地叫左一d小食share 鹽酥雞炸得幾香脆 米紙蝦春卷有三條 熱辣辣幾好味 入面係包左蝦同蘿蔔絲 仲有少少沙律醬 燒台灣香腸切得厚薄適中 如果點都要食菜嘅朋友 可以叫肉燥燙青菜 少少肉燥可以吊下味***最後真係要講下個冷泡茉前毛尖茶 因為完全唔甜 但有淡淡茶味

今日同老公中環做 d野，順路食埋晏畫，中環街市裝修，兩邊還有好多餐廳選擇，見到有間小店有人排隊，好奇行去八下是什麼，原來係間食台灣日本式嘅小店，size唔算大但好有親切感，卦左簡簡單單的小燈籠寫著店名，又點像深夜食堂 feel , 就係咁兩公司排隊入坐，坐吧枱更有風味，食物價錢亦屬於合理(中環計嘛) ,主要我係比佢地嘅芋圓仙草吸引。紅燒牛肉麵 $89更係要食台灣代表嘅紅燒牛肉麵，牛肉燉得好軟淋配埋入晒紅蘿蔔同白蘿蔔，麵質便軟身但個人喜彈性高些湯底較清唔會過鹹。另外三款拌涼菜，有菜salad, 中華salad同木耳，味道也調得不錯能醒胃。加多隻滷蛋 $12滷得夠入味。綜合關東煮 $68日本代表關東煮，材料有鮮冬菇粟米除外，大部份都係魚肉製嘅餅，蛋糕，魚糕同花枝丸貢丸同竹輪....... 炸花姿丸$32香口惹味非常。鹽酥雞 $32金黃香脆上枱熱氣感極高，不過外表真脆口雞肉軟兼juciy, 估唔到咁好味！本人推介之甜品，仙草芋圓實在同我係台灣食嘅味道一樣，手製芋圓 QQ有嚼頭配仙草滑嘟嘟成對比，淡淡香甜花奶添加滑度，真係好鐘意嘅味道。

同事話呢頭開咗間平民台灣餐廳就放工黎試下個位置都幾方便 係三聯隔離好日式feel嘅裝修 玻璃門嘅設計 睇到曬入面嘅間隔睇下個menu先有飯 有麵 有小食 飲品 甜品我哋就一人叫咗一個主食 一個面 一個飯 然後叫咗幾個小食 同埋一杯飲品紅燒三寶牛肉麵 有牛丸 牛肋肉牛腱鍾意食牛嘅我好鍾意 牛丸其實係牛筋丸咬落去呢同隻牛因為有啲唔同質感唔同而且我感覺係juicy得來唔會覺得好肥三色海鮮茶漬飯有三文魚子 廣島蠔 蟹肉比新鮮嘅廣島蠔同三文魚子吸引左 令我忽略咗啲蟹肉添🤭台式燙鮮蚵未食過 想試下係點嘅 （其實心裡面好怕中伏）點知好有驚喜 鮮蚵好鮮美 加埋啲汁 蔥花 薑絲 唔會覺得腥黑糖豬軟骨醃得好入味 夠曬lum身 炸花枝丸唔會覺得好熱氣 無咩粉鹽酥雞我好怕太鹹或者粉太厚 好彩粉好薄身 細細舊好易入口蘆薈桂花雪梨茶本身仲諗住叫少甜點知唔記得咗。好彩嚟到個甜度啱啱好清清地除咗有蘆薈肉仲有桂花添 整體來講食物質素好味 上菜好快 價錢較平民化夜晚6點零7點已經多人 值得再食👍🏻

看門面以及店名本以為係一間台灣菜，誰不知睇左下menu發現竟然係台式加日本的專門店。店內佈置了日本及台灣的電影海報，座位不算很舒適，但作為快食餐廳黎講都算不錯了。 紅燒三寶牛肉麵$99三寶其實是牛肋肉、牛腱、牛丸，其中牛丸最為出色，牛味濃郁之餘咬落仲超彈牙多汁，如果可以作為小食單點我一定會成日再黎呀！紅燒牛肉湯底濃郁，可是牛肉麵竟是手打烏冬，細心一想，這裡是台灣+日本菜，便覺得不用驚奇了。 三色海鮮茶漬飯$109茶泡飯加了大量紫菜、飯素，配上三文魚籽、廣島蠔、蟹肉，非常鮮甜！ 燙鮮蚵$68蠔肉大隻鮮味 芋圓仙草凍$38芋圓應該加了許多地瓜粉，所以口感偏硬偏脆身，仙草又滑又好味，配上花奶食一流 仙草豆漿$24豆漿濃郁，加了些仙草都不錯 這間食堂價錢不貴，推薦。

中環飯堂「一起食堂台日式便當🍱」木色黑字招牌，地點位於中環核心地段🤗夠方便上班族👩‍💼台式野食 仲有日本野🥳選擇種類繁多：有麵🍜便當🍱小吃、甜品同飲品，好多選擇，日台式風味好濃「綜合關東煮」🍢$48湯底較濃，味道還好👍下午茶可加$12有「迷你滷肉飯」食落油香滿溢，彷彿置身台灣的滋味女生最愛的「熱黑糖冬瓜茶」喝起來濃郁香，夏天喝太多甜飲料🥤不如多喝黑糖，養生又好喝！！「蒲燒鰻魚飯」 $99蒲燒鰻魚的皮韌性大，魚肉烤透了，口感好好，賣相金黃焦糖色澤燒鰻魚加上燒汁鰻魚好厚肉一流，碗邊仲有隻生蛋撈飯「三色海鮮（三文魚子、廣島蠔、蟹肉）茶漬飯」當中廣島蠔好大隻好肥有4隻咁多🥰而且蟹肉仲好甜，份量仲好多

當我聽到一起食堂這個名字腦海中立刻閃過深夜食堂雖然兩者沒有太大關係但當我第一刻步入去一起食堂日式實木的風格怎麼有點像劇中的深夜食堂樸實舒適愛好湯的我要試一下三色海鮮茶漬飯 ($109)我試過好幾間餐廳的茶漬飯但分量一般都是很少， 吃不飽這裏的三色海鮮茶漬飯分量比我想像中多三色海鮮有三文魚子、廣島蠔和蟹肉廣島蠔很肥美，生熟程度剛剛好將三文魚子、蟹肉和飯撈在一起吃便把魚子的鹹香和蟹肉的鮮甜一起吃進肚裏紅燒牛肉麵 ($89)賣相挺吸引的牛肉分量多，偏瘦，沒有太多筋面底是台灣掛麵，夠勁度鹽酥雞($38)是到台灣夜市必吃的小吃我覺得從鹽酥雞做得好不好吃 便可以大概試出一間台式餐廳的水準因為如果連做台灣出名的小吃都拿捏不到都枉說做其他台灣菜了一起食堂的鹽酥雞炸得非常非常香脆一口炸雞，鹹香鬆脆吃得出一絲絲的雞肉另一樣做得不錯的是酥炸池魚仔 ($48)炸漿脆薄，池魚冇骨，一口一條確實滋味無窮餐廳沒有酒精飲品卻有特色茶飲冷泡茉莉毛尖茶 ($24) 花香清新菊香黑枸杞茶 ($18) 比較少見黑枸杞令茶慢慢變成深藍色菊花味濃，可作下火涼茶順帶一提，餐廳服務員親切友善這一點也和深夜食堂有一些相似吧餐廳價位在區

中環作為香港嘅核心地段商業中心自然林立美食當然都不少但價錢比起其他地方亦相當會高出不少🙇‍♀️最近搵到間台式餐廳可以話係中環高檔美食中嘅一道平民清泉.餐廳的的骰骰，加上全店以木系裝修好似入左間台式居酒屋咁🙈.以麵食同便當為主亦有小食，飲品同甜品款式吾算多，但價錢夠哂貼地仲要免加一服務費架😘.🔸紅燒牛肉麵 湯頭牛味十分濃郁中粗麵入口彈牙又滑溜，口感似烏冬麵牛肉已經炆得好入味肉質肉香十足，軟嫩味美🥰.🔸蔥油雞肉乾拌麵 雞肉份量多而且肉質又嫩滑香蔥同雞油炸成蔥油，淋上烏冬麵，再攪勻啖啖都係蔥香味✨.🔸炸花枝丸 花枝丸入口皮薄又彈牙再灑上椒鹽，更帶出鹽香.🔸魯蛋 魯蛋非常入味，外層吾係硬邦邦果種同拌麵或牛肉麵一齊食，正！.🔸綜合關東煮 關東煮最正嘅地方就係樣樣都有D，樣樣都可以食下🙈有大獅子狗，紅蘿蔔，白蘿蔔，貢丸，墨魚丸魚餅同福袋.🔸蘆薈桂花雪梨茶 入口清甜，甜度恰到好處以雪梨同桂花打成杯底有大量嘅碎碎，增添口感😋.🔸冷泡茉莉毛尖茶 呢款最岩中意飲茶嘅肥🐽茶底濃厚又帶有回甘香.🔸芋圓燒仙草 大大一碗，真係夠哂兩個人嘅份量呀！仙草吾會好甜，入面一粒粒暖笠笠嘅芋圓食落煙韌又彈牙，大讚😍

經過中環搵野食，一開始以為呢間一起食堂係日式小店，原來係台食店😂有麵有飯有小食，仲有好幾款特飲選擇，同朋友一齊試試。點左份古早爌肉飯，平時食台式野好似無見過咁，原來係大大舊既五花肉!便當都幾抵食，仲會跟湯同野飲，仲有粒泡芙!而個飯都好足料，有滷蛋有肉燥，一啲都唔dry。滷蛋夠入味，而肉燥夠香夠惹味👍🏻最正係佢既爌肉!! 半肥瘦，大啖入口油脂味出哂黎，真係超香，而且佢層脂肪都煮到好入味，豬肉都好香甜小食要左一份鹽酥雞，粉唔會太多，入口真係外脆內嫩，啖啖肉肉燥燙青菜，連茶都會加肉燥，岩哂肉食朋友飲品要再仙草豆漿，豆漿豆味好香，唔會太甜，加埋仙草凍，雙層順滑口感👍

話說小妹今日係中環放工，咁就約左男朋友係中環附近，但又唔知食咩，咁行下行下就係萬宜大廈後面搵到間台灣野食~我地叫左二個麵 (紅燒牛肉麵同和風牛肉烏冬) , 2 杯野飲 (桂花雪梨茶, 冷泡茱前毛尖茶) , 紅燒牛肉幾好食, 牛肉好入味, 而牛肉烏冬就相對比較清淡, 而野飲方便, 雪梨茶感覺上偏甜, 我個人喜歡冷泡茶, 茶味好濃, 入口回甘不錯, 我推介呢個飲品, 另外我地叫左小食, 鹽酥雞新鮮炸起, 食落仲有少少肉汁, 個人都好鐘意餐廳位置易搵, 環境ok, 經過附近既話值得一試

收工就近試左呢間好多同事叫lunch box既小店🙆‍♀️一入到去好有寶島格局，睇下餐牌，十分親民！ 今晚食左，牛肉🐂麵，原條鰻魚🐟飯，炸蕃薯🍠，青菜🥬，蘆薈桂花雪梨🍐茶，仲有飯後甜品芋圓燒仙草！ 好豐富，埋單都係361！ 好滿足🈵️！ 講番個🐂肉麵線，食得台灣野，🐂肉麵是必點吧？ 好好食，好有台灣既味道， 牛好諗份量啱啱好，麵質彈牙。 原條鰻魚🐟飯簡直係重本！好大條！ 好後肉，再加個生雞蛋。真係不得了！細食既人可以叫一碗呢個再加個白飯兩個人share條鰻魚🐟都得🉐️👍🏻所以你可以想像有幾大條啦？哈哈炸蕃薯🍠條我超鍾意食！點解可以咁正，好感動。好甜好脆。應該絕對可以係超級推薦！個芋圓仙草其實好多料，但店家用左大碗裝，賣相不吸引，但很地道台灣的感覺。 個蘆薈雪梨🍐茶，好清👍🏻如果你掛住台灣地道野，千萬唔好錯過啦！ ❤️

中環地段貴就人所皆知，但係原來都有平民高質食市鍾意食台灣菜的朋友，就絕對要黎試下👍🏻環境簡約，冷氣非常夠🌠原條蒲燒鰻魚飯 $139🌠原條巨型鰻魚躺在鰻魚汁飯上面，旁邊有隻流心蛋，蛋漿伴飯再加上鰻魚汁及少許蔥花，味道絕對令人非常滿足👍🏻鰻魚非常入味，塗滿甜甜的燒汁再加上紫菜及飯素，好味😋鰻魚肉嫩骨軟無腥味，正🎇酥炸地瓜條 $38🎇地瓜條熱辣辣，唔會好乾身， 能夠保留地瓜本身嘅甜味， 幾唔錯嘅小食✨炸花枝丸 $38✨炸花枝丸有墨魚香味， 少少煙韌嘅感覺，外皮有調味粉🌌魯蛋 1隻 $12🌌鹵蛋非常之入味， 外層唔會硬掘掘，配飯一流🎆牛油清酒煮巨蜆 3隻 $72🎆清酒煮蜆最緊要就係嗰陣 酒精揮發後嘅甜味，呢個清酒煮蜆帶少許蒜香味 ， 巨蜆無沙且鮮甜，肉質嫩口，好好食✨貢丸湯 $18✨最後必須為大家推介呢一個 貢丸湯， 貢丸肉汁多， 而且非常之彈牙， 彈牙嘅程度我諗同乒乓波差唔多😁👍🏻忍唔住再添食左多一碗總括嚟講， 呢間喺鬧市中嘅餐廳， 價錢都幾親民，味道又唔錯，行過路過都可以試一試

好耐無食台式野，係中環見到呢間非常有台灣風格既餐廳，店舖不太，非常有台灣氣息！店舖入面有非常多既台灣電影海報，木製既枱同椅子，加上射燈真的非常有特色！蘆薈桂花雪梨茶（右）$24淡淡既桂花香味加上清甜既雪梨茶，非常消暑解渴，蘆薈增加口感，不錯仙草豆漿（左）$24大大舊既仙草，豆漿不會太甜魯蛋$12/隻魯蛋非常入味，連蛋黃都入到味，正原條蒲燒鰻魚飯$139上枱個陣見到咁大條鰻魚真係嚇左一嚇，份量完全唔馬夫，而且仲有隻溫泉蛋，撈飯真係不得了！鰻魚汁甜甜地，而鰻魚非常入味，入口好快溶，一口蛋汁撈飯，一口鰻魚，非常幸福既感覺！炸花枝丸（前）$32花枝丸彈牙，外層炸得脆皮，花枝味香肉燥燙青菜（后）$28有肉燥點綴既青菜非常香口，青菜都算新鮮，配上肉燥不得了牛油清酒煮巨蜆$72/3隻小小牛油香味，巨蜆竟然食落唔韌，清酒煮過既蜆完全無腥味，清洗得非常乾淨，不錯酥炸地瓜條$38地瓜條非常香脆，用了少少砂糖炒過，甜甜地，比普通薯條更好味芋圓仙草凍$38超大碗既仙草凍，芋圓入面有芋頭泥，十分彈牙煙韌，仙草多到嚇親人，估唔到咁大碗！酥炸池魚仔$48炸脆左既池魚仔非常香口，過口癮一流貢丸湯$18是日精選：貢丸湯

星期六晚，諗唔到食乜嘢，朋友就推介左呢間餐廳。我哋特登搭車去中環站，由地鐵站行過去都係10分鐘之內，交通非常方便。鋪頭嘅門面細細地，但入到去即刻有驚喜：藍色格調嘅牆身，配合木質嘅擺設， 10分有渡假嘅感覺！！個人即刻放鬆晒，忍唔住影咗幾張相，扮去咗日本！朋友推介左「原條蒲燒鰻魚飯」，同埋「蟹肉茶漬飯」。係中環黎講，日式晚餐仲可以做到$100樓下真係好難得！佢嘅「蟹肉茶漬飯」，雖然只係買$89 ，但係真係啖啖蟹肉，材料十足！茶湯應該係用柴魚高湯，味道鮮甜得黎又唔會太濃郁。如果嗰日想食得清淡啲，可以考慮試吓嗌呢個。「原條蒲燒鰻魚飯」雖然賣得貴啲，要$139 ，但係佢嘅鰻魚真係好厚身，以呢個份量黎講，都係算好抵。咁厚身嘅鰻魚要燒得好唔係咁容易，但係佢都可以做到魚肉嫩滑鰻魚汁味道亦啱啱好呢間鋪頭價錢合理，食物質素又好，誠心推薦比喺中環嘅朋友試吓！