一起果醬 (已結業)

午餐吃過隱世日式燒肉黃店,晚餐繼續選戰另一間在尖沙咀非常有名的深黃餐廳,單看門面就已經被震撼。沒想到打開門,迎接我卻是另一個震撼,無數由MEMO紙連結而成的連儂牆使我陶醉,所以環境是 無限/5分!這是一間西餐廳,主打手制果醬,價錢中上,菜式都是平常看到的西餐,但都會配上不同口味的手制果醬。海鮮意大利飯： (4/5分)相當出色的意大利飯,打破了我對炒飯的獨愛,沒有想過濕潤的意大利米可以吃而不膩;海鮮方面,虎蝦(應該沒錯的話)味道都不錯,而青口比較普通啦,個人認為非常值得一試豬肋骨配上草莓果醬： (3.5/5分)比較普通的一道料理。豬肋骨煮得很軟熟,但吃得出有冰鮮的感覺,肉質亦不太美味,幸好有手制草莓果醬補救,搶了不少分數。如果特別喜歡果醬的人就可能適合飲品 - 各自點了一杯特色飲品,印象中都很正常,但原諒我忘記了芝士蛋糕 - 由於點了一個套餐,所以會有甜品,需要上的時候跟服務員說就可以,味道亦是相當正常的總結：感覺比較適合女孩子的餐廳，如果喜歡果醬和西餐的人一定會很適合，我更多還是被環境所吸引，是一間很不錯的餐廳。重要提醒：一定千萬必須記得要寫ＭＥＭＯ紙支持手足，然後可以自己貼在連儂牆或

白湯好味！食左九宮格果醬多士，麵包鬆軟，d果醬好得意又好味！無一款係伏味😋士多啤梨牛仔骨好大件好抵食，唔會好甜，仲有個士多啤梨果醬俾埋你，中意更甜可以再落！叫set餐最後送既甜品絕對唔hea，係一件cheese cake！黑松露意大利飯好正宗，每粒飯都好有咬口，味道夠濃，雖然份量少，但都夠女仔飽肚😌店員都好nice，大家快啲懲罰佢，一齊支持黃色經濟圈啦💛

田園沙律配熱情果油醋汁Garden salad with passion fruit vinaigrette波浪🌊形碗，沙律菜多款包括有菠菜仔。熱情果粒超酸，超開胃。橄欖油足本Soup of the day菇菇忌廉湯水狀但有好多菇菌攻擊口！忌廉濃度岩岩好，咁飲都幾好味同唔係會太飽肚住。要留胃食紅蝦！雜菜湯近似羅宋湯，但又無左羅宋湯既辣刺刺味道。蔬菜一帶粒粒、仲有小薯仔粒，非常足料喔。蒜辣天使紅蝦意粉 $199Argentine red shrimp pasta with chili and garlic sauce4大紅蝦，超正超大超入味，必食。意粉夠兩人happy share，多蕃茄粒和香草，意粉有辣椒仔微香辣，但食落口蕃茄香口高分喔！紅蝦4大件，超抵！隻隻又肉爽爽地啦，未到好爽既！性價比高！慢煮極黑毛豬扒配肉桂蘋果汁 $229Sous-vide iberico pork butt with cinnamon apple sauce大件肉，慢煮嫩肉d。Dessert of the day芝士餅小巧但好飽啦食到，好滑滑痴痴嘴巴。香芝工既都，好奇點解包甜品，反而唔係包飲品？新嘗試！特製果

好難得可以自己一個人星期日14:00喺尖沙咀呢個地方食下午茶都仲要排隊食呢間好過份好難食嘅黃店到達嘅時候都已經有條人龍 排隊大概30分鐘入到去就大概14:30 未入去就已經見到餐廳外圍全部都係連儂牆入到去裏面見到原來其實餐廳都唔細 雖然我只係一個人 但係佢都唔使我搭枱同其他人坐我見佢其實有好多個人都係一個人自己食緊野可能就係因為餐廳唔想自己一個人食飯都要搭枱 所以就全部一個人嘅都係坐二人枱 難怪要排隊排咁耐 不過呢一樣野都係一個好貼心嘅想法入到去坐低其實眼見四周圍都係連儂牆店員係我坐低嘅時候就俾咗餐牌同埋餐具俾我 而餐具嘅籃裏面係有黃色memo紙筆俾我寫嘢我好想試晒佢所有嘢所以就叫咗9種果醬吐司另外好掛住係英國食到嘅英式鬆餅 所以就單叫咗個英式鬆餅唔要果醬反而叫佢嘅cream 飲品就叫咗日式抹茶當時送到黎嘅時候真係覺得好靚呀成件事好適合打卡好少女風其實如果佢唔寫明晒佢有咩果醬就真係完全靠自己舌頭去試佢係咩味我冇專登留意佢有咩果醬好想試晒佢所有味道9款裏面我諗我食得出大概六七款而我比較記憶猶新嘅係玫瑰味 同埋柚子味 其他味道就唔算太特別之後值得一讚嘅就係佢呢一個英式鬆餅連cream呢一個

蒜辣天使紅蝦意粉 $139紅蝦睇落晶瑩剔透 賣相唔錯之餘食落都好新鮮🍤整體意粉唔會乾🤓加埋蕃茄粒好開胃👍🏻值得一試.玫瑰蘋果醬單骨雞翼 $39果醬唔會太甜 味道清新🤓玫瑰味重過蘋果味 雞翼唔會炸得太乾 肉質嫩滑.果醬雪糕窩夫餅 半份$59 全份$79窩夫外脆內鬆軟 因為整體都算大件 食落會比較飽肚 如果只當飯後甜品 建議叫半份都可以🤣果醬方面 佢有個list比你任選手工果醬味道 今次揀左雜莓味 食落比較酸啲 令窩夫食落冇咁漏😇但食耐左覺得有好輕微既藥水味🙈😂(只屬個人意見)好彩唔算好重味 所以都仲可以接受😄甜品可以配大碟寫字👍🏻慶祝生日一流🤓.味道:😋😋😋😋😋😋😋😋😋(9/10)推薦度:👍🏻👍🏻👍🏻👍🏻👍🏻👍🏻👍🏻👍🏻👍🏻(9/10).味道:😋😋😋😋😋😋😋(7.5/10)推薦度:👍🏻👍🏻👍🏻👍🏻👍🏻👍🏻👍🏻(7/10).味道:😋😋😋😋😋😋😋😋(8/10)推薦度:👍🏻👍🏻👍🏻👍🏻👍🏻👍🏻👍🏻👍🏻(8/10)環境: ⭐️⭐️⭐️⭐️⭐️⭐️⭐️⭐️⭐️(9/10)

諗住支持一下就黎到呢度食tea，之前都有聽講朋友話好味，值得一試。睇到個menu時即刻發現名乎其實，呢度係食果醬的。超多種類超特別的自家製果醬，我叫左木瓜醬，好鮮甜好好味，多士亦焢得岩岩好，脆脆地。另外有試過桂花雪梨醬，好fresh好清甜，決定之後黎多幾次要試哂佢啲果醬先得！仲有飲左木瓜雪耳鮮奶，都係真材實料，有好多果肉，鮮奶有打到起泡，好好味。絕對建議飲有生果既飲品。總括黎講，超級推薦大家黎一試！

#中意嘅請分享請點讚🍻----------#黃店 💛店外店內都貼滿memo紙，坐低店員會比memo紙同筆，你可以隨便寫隨便貼。有黃店推介可以inbox我，要大大力推薦比更多人去懲罰佢！！！----------😋晚市套餐 主食+沙律+餐湯+甜品-🥗沙律沙律配左熱情果油醋汁，生菜都好新鮮乾淨，食完好開胃。-🥣 餐湯餐湯可以揀羅宋湯/磨菇忌廉湯，磨菇忌廉湯質地比較傑身，味道比較濃味。-🐷慢煮黑毛豬扒配蘋果玉桂果醬 單叫$169 套餐$199三件黑毛豬肉質厚實，因為慢煮所以夠嫩滑，唔會太乾，再配蘋果肉桂果醬，黑毛豬冇咁單調。-🍓士多啤梨果醬燒豬肋骨套餐單叫$169 套餐$199套餐有士多啤梨果醬燒豬肋骨+炸薯角。出奇地士多啤梨果醬同豬肋骨好夾 , 燒豬肋骨好淋好入味 。 炸薯角係即炸所以勁脆 , 薯角加埋小小薯皮更香口 。 -🍰芝士蛋糕 芝士蛋糕勁好食勁濃味，完全唔似套餐包嘅甜品，再配士多啤梨紅莓果醬，更有層次味道更豐富。--------🔎一起果醬🚩尖沙咀松山道15-17號地下D舖🚩西貢市場街9號地下

聽人講呢間店舖好出名，有好多memo紙比你寫低啲對香港既心聲，作為香港人既一分子，緊係要親身去見識下啦，一入到去，唔係誇張，由大門直到餐廳既牆上面，全部都係memo紙，好厲害。我地兩個人，就打算叫一個set餐，再另外散叫一個主食。前菜 (沙律 + 湯)個set係有包到沙律同湯，食完仲有甜品添。而呢個田園沙律配熱情果油醋汁，味道方面幾好入口，熱情果既酸酸甜甜味配上清爽既沙律菜，好夾，非常開胃。1.士多啤梨醬燒豬肋骨 set $229呢個真係真心覺得正，首先份量絕對夠哂大份，兩大舊豬肋骨，加上下面有大量焗得好香脆既薯角，一定夠哂飽啦，同埋豬肋骨燒得剛剛好，外層少少脆，内𥚃肉質保持到鮮嫩，再加上店舖自家製既士多啤梨醬一齊食，個醬除左有水果既甜味，仲有微微既辣味，真係好配個肉，多左個層次，非常欣賞！2.桂花雪梨茶 $39 叫左呢杯清清地既雪梨茶，因為唔想搶去其他果醬味，又幾好飲，桂花令到佢有陣清香味，有d雪梨肉可以食埋添。3.煮極黑毛豬扒 配肉桂蘋果汁 $169成日好多人會有個錯覺係覺得牛扒永遠係貴d好食d，但如果有試過黑毛豬，就可以解除對豬既成見，餐廳用左慢煮既方法烹調呢個極黑毛豬，慢煮可以

一間以果醬做主題既餐廳 果醬我勁中意，但當所有菜式都加入果醬又會係點呢？！ 甜甜jam包就成日食。 甜甜jam配咸食，又會係咩感覺？ 位置雖然講就講係尖沙咀，但其實佐敦站出係近好多，行5分鐘就到喇，係後街位置就到啦。 環境餐廳有卡位有方台，黎到都不禁想唱首歌。 放心依道唔會有人撕紙，仲可以任貼唔嬲。哈哈，明既會明。 我地今次一行兩人， 食晚市套餐，或可以選擇單點 由於唔係話好肚餓就決定一個set再加小食 Set包沙律，餐湯，甜品及飲品，另外再叫多杯飲品。 餐沙律混合左熱情果油醋汁同果醬 十分開胃，生菜亦好新鮮 是日餐湯- 黑松露忌廉湯味道唔算太濃郁，較為稀。可能係因應天氣熱唔較到咁rich，都幾岩夏天。 飲品方面叫左一杯凍一杯熱， 都係餐廳主打既果醬。 蘋果玉桂梳打梳打即調，店員會拎住吱吱杯係你旁邊， 加份果醬同梳打，再倒入杯，新奇又有趣。 果醬不會太甜，玉桂蘋果亦是perfect match。 雜莓紅茶（熱）紅茶用teapot上，果醬自行加入。 雜莓藍莓果肉勁多，愛莓人士必叫啊 加入紅茶微帶酸，亦十分消暑開胃。 小食 玫瑰蘋果醬單骨雞翼單骨雞翼方便食， 面頭林左d果醬，甜甜酸酸，熱辣

🐷🐷🐷田園沙律配热情果油醋汁沙律顏色鮮艶，配熱情果油醋汁味道甜美，係一流嘅醒胃前菜。野菌忌廉湯野菌湯忌廉香四溢，菇味重有特色，質地比較傑身，應該有落重料，不過覺得味道上再重口味啲就更好！🤔士多啤梨醬燒豬肋骨豬肋骨就食得多，不過用果醬嚟制嘅甜味燒豬肋骨真係第一次食！🤔 味道比我想像中夾，豬肋骨肉質鬆軟，配士多啤梨醬嘅酸甜好特別！配菜有薯仔同青菜，整體食相顏色漂亮，正所謂色香味俱全。黑松露野菌意大利燴飯選用左非常有咬勁嘅珍珠米，同野菌忌廉湯既味道有小小相似，但口味上更濃郁，而且米飯煮得幾入味。英式奶油鬆餅餐鬆餅🥞+德文郡奶油+玫瑰蘋果酱熱熱的鬆餅加上香美的奶油和果醬，味道香甜，係好符合女仔口味嘅鬆餅，用黎打卡都唔錯㗎🤔🤔🤔木瓜雪耳鮮奶🔸Overall ($405+1)📍一起果醬 (尖沙咀)尖沙咀松山道15-17號地下D舖

以前光顧對自製果醬留下良好印象，最近發現此店支持香港的抗爭活動，於是有理由再訪支持。與太座點了一份set dinner和另外散點分享。田園沙律配上熱情果醋汁，酸甜十分開胃。雜菜湯味道天然微酸，足料且沒有煮得過稔，配合區區的口味。只需$18的Scone表皮香脆，中間鬆軟，還有自製的橙味果醬，天然甘香，絕對抵食。白酒忌廉青口，芡汁香甜，青口雖是普通貨品，但只索價數十，合理。Ribs用上士多啤梨汁，香甜足料，配上薯角滿足到食肉獸們。龍蝦汁海鮮意大利飯，種類豐富，海鮮素質不錯，飯粒保持嚼勁。跟餐甜品芝士蛋糕香軟微甜，有驚喜。飲品桂花雪梨茶同樣用自製果醬沖泡，天然清甜，喝下滋潤喉嚨。這裏食物質素不錯，最重要是與香港同行。

以前喺西貢食過，就已經覺得 Let’s Jam 好有 heart難怪再下一城喺尖沙嘴開分店除咗 memo 紙，美食都一樣可以用嚟打打氣A la carte 或者 upgrade 做 Dinner Set 都得套餐有齊沙律、餐湯、主菜同甜品，CP 值好高！【田園沙律配熱情果油醋汁】就算係跟餐嘅沙律都一樣好足料唔單止有幾款沙律菜，仲有蕃茄同西柚 🍅而且 salad dressing 用咗果醋，開胃得嚟健康啲後面嗰杯係用半價加點嘅【特製果醬梳打】我揀咗玫瑰蘋果果醬，酸酸甜甜好好飲【是日餐湯】餐湯有兩款，一款係南瓜湯而呢個係蘑菇湯嚟嘅老實講賣相唔算好標青，但係以實力取勝個湯有啖啖蘑菇碎粒，味道好濃郁 😋【慢煮法式羊架配芒果芥末汁】羊架肉質軟熟， 都算幾好肉地羊肉濃味得嚟無乜羊騷味平時食羊架都會點芥末汁而呢個芒果芥末汁有少少果味，好清新【慢煮厚切安格斯西冷扒配玫瑰蘋果汁】西冷扒嘅賣相好精緻牛扒非常厚身，medium rare 恰到好處無 overcook同樣地，個汁都係好特別玫瑰蘋果汁微酸，愈食愈停唔到口 🍎【是日甜品】甜品係 Cheesecake 配士多啤梨果醬其實我唔鐘意好實淨嘅蛋糕 🍓不過

一貫既好味道一向都係呢間一起果醬既fans，但之前次次都係黎食tea，今晚第一次黎食dinner，坐無虛席，記得事先打黎訂位呀今晚既set menu有4個餐選擇，見到有3款都係慢煮系列當然要試下啦，兩個人各自點左兩個set，分別係黑毛豬扒同羊架，好掛住佢啲薯角同埋士多啤梨BBQ醬，所以又加埋黎做小食~個dinner set有沙律、湯、主菜同甜品。最先黎既當然係沙律，沙律都幾大碗，配熱情果油醋汁，少少酸，好開胃。之後黎既係餐湯，有兩款(每人揀左一款)，忌廉磨菇湯同埋雜菜湯，忌廉磨菇湯好香菇味，同食tea個陣配長通粉個湯底係一樣！可見佢地tea menu都好高質。雜菜湯好多料，仲有啲腰豆係度，好少係西湯見到，幾surprise。同湯一齊黎到既係個小食~極力推介既薯角配士多啤梨燒烤汁，薯角新鮮炸好，外脆內軟，大大舊份量亦唔少，配埋個醬汁一流，呢陣味其他西餐廳食唔到！跟住主菜黎喇，慢煮豬扒同羊架，羊生生地係食得既，但見到個豬扒都紅紅地有啲驚，友人提醒番呢個係慢煮既效果，而且用慢煮方式煮一樣可以殺到菌所以唔洗驚。未聽完解說我就已經開始食緊喇，不愧係慢煮，肉質淋好多，而且肉味比一般煎丫烤丫個啲濃好

見到呢間cafe好評如潮我地又想食西餐，今日就同朋友嚟試下叫咗個$229 嘅set再散叫咗其他嘢食田園沙律配熱情果油醋汁-都幾大碗，個汁酸酸甜甜咁好開胃白湯-同一般嘅白湯唔同，有香滑蘑菇味，夠曬濃郁慷煮極黑毛豬扒配肉桂蘋果汁-黑毛豬好腍，同酸甜肉桂蘋果汁味道幾夾炸香草芝士條$49-呢個真係必食，外面炸得夠脆又有淡淡香草味，一咬落去芝士拉絲斷唔到！超正！黃金蟹肉軟殼蟹意粉$109-又係必食之一，意粉同蟹膏、蟹肉、蒜等一齊煮好香，軟殻蟹亦好酥脆冰糖木瓜雪耳跟set$19.5-陣陣木瓜味好滋潤呀果醬九宮格多士$49-多款口味任君選擇，自家製嘅果醬好香，多士外脆內軟跟餐甜品芝士蛋糕-係比較淡同淋身嘅芝士，都非常唔錯！雖然係小店但食物真心不錯，難怪咁多人讚啦！

之前黎食都係tea 或者食完晚飯過黎飲杯野第一次黎食夜晚正餐依間因為幅牆更加多人黎食，星期五晚黎，基本上全場都full bookingwalk in 唔派籌，要係出面等，依家出面甘熱。真係有d 難頂夜晚有低消每人$155叫左個蒜辣大蝦set 同慢煮黑毛豬扒singled 主食全部out 左fo, 就唔post 相啦沙律酸酸甜甜好開胃大蝦好大隻，成碟野都偏辣少少，對於我食得辣就覺得個味岩岩好意粉份量都好足，意粉口感都岩岩好慢煮黑毛豬扒 配埋個蘋果汁好夾好好味豬扒都算嫩身，唔會鞋同韌，配菜有薯仔蕃茄同露荀，除左薯仔硬左d,其他都有味黎到一定要飲佢地既果醬茶，款款都好好味之前我會特登買d 果醬番屋企沖茶飲添甜品係芝士蛋糕，味道同口感都正常～～限時90 分鐘，走個陣八點，出面都仲有人等緊，想食真係bk 定先