一虎 (已結業)

B先生難得一次帶我黎蘇豪區食飯仲要神秘秘咁話唔係西餐 帶我黎食另類好野食跟住半山扶手電梯上黎 一轉角噢 原來係食 日本野 一虎同一般ge拉麵店一樣係用紙落單佢仲有d seasonal ge限定拉麵俾大家選擇最後我同b先生都係簡一虎拉麵佢要左捲曲面我就要直身面呢度係採取半開放式ge廚房抽風系統做得唔錯 食完都件衫都係冇油煙味ge落左單之後 店完就會俾d醃漬小食俾我地 佢話可以加落拉麵食 仲好細心咁話有少少辣Tim好豐富ge拉麵湯底超濃郁而且冇味精 有2塊叉燒 真係好大塊仲有荀 木耳 蔥做配料 口感好非富 面質仲好彈牙 冇過淋直身面 較淡味 捲曲面 因為加左蛋黃所以更香濃 2種唔同口味都值得一試下次黎蘇豪區未必食西餐ge 食拉麵都係一個好唔錯ge選擇

講到最近中環的新景點，一定係大館。打完卡，就梗係是日重點活動，覓食！來到Soho的一虎拉麵🍜。店內是傳統拉麵店的佈置，座位不多，大約廿個左右，仲可以看到師傅烹調。白虎拉麵 $85 湯底的顏色較平時的豬骨湯深色，單看顏色已經知道用料十足。店員再介紹湯底係加入豬骨和蔬菜，用咗12小時熬製的自家湯底。呷一啖湯底，的確是味道濃郁，咸度適中，不油膩。配以爽口的直身麵，將麵連同湯汁一起放入口，感受一下濃湯的美味。叉燒入口滑、嫩、不乾。配菜有 木耳 、香蔥 、筍乾。用了半小時食完了一碗用了12小時烹調的心機之作。真係食到見到碗底㗎。 拉麵愛好者，一定要嚟試下。 另一秘製湯底是近年大熱的鹽味拉麵(吞拿魚湯拉麵) $89 魚湯味道很有層次，一入口先嚐到清湯的咸香，入喉後的尾韻則是魚的鮮甜香味，不油膩卻相當濃厚，好似將味道濃縮在一小碗之中。捲曲麵加入咗蛋黃，麵質有嚼勁及較掛湯。內容不浮誇，樸實，筍乾、蔥花、叉燒。＋溏心蛋($12) 半熟的美味口感，真係好誘人。自家製唐揚雞 $48即叫即炸，份量十足，香脆的外層，配滿滿的肉感。加點檸檬汁，清新又不油膩。炸魷魚圈 $35外層炸得香酥，內裡十分柔軟，引人一條接一

Happy Friday! 今日收工同同事兩個去蘭桂芳食杯野, relax下。同事提議先去蘇豪區醫醫肚先, 我地係openrice搵到呢間評價唔錯嘅一虎拉麵。我地跟地圖去到史丹頓街13號但搵唔到間拉麵店, 原來一虎係巷仔入面, 餐廳門面非常有日本拉麵店風格, 店入面唔大, 除左bar枱位置只有大概6張枱, 不過由於我地到餐廳時只係6點, 客人仲未係好多。廚房係開放式設計, 可以望到日本師傅點樣即場炮製我地碗拉麵。😙餐牌設計簡單, 除左期間限定款式之外, 有6款唔同口味嘅拉麵可以選擇。我揀左每到拉麵店見到必點嘅蝦味噌拉麵, 同事就點左黑蒜拉麵加蛋。海老虎拉麵 $97我個人非常喜歡蝦味拉麵, 呢款海老虎拉麵由蝦味噌同餐廳自家豬骨湯底熬製, 加入左蝦油同櫻花蝦, 湯底富有濃濃嘅蝦味, 湯頭唔會太咸。麵質爽滑富有彈性而且好掛湯, 叉燒大大件, 軟腍入味, 配料有香蔥, 木耳同筍, 另外仲可以自己加配辣椰菜, 辣韭菜等調味, 味道唔錯。👍黑虎拉麵 $95 加糖心蛋 $12同事揀呢款黑虎拉麵蒜味好香, 我試左一啖湯, 黑蒜味好香濃, 同事都讚好好食。全店唔駛加一, 埋單每位$100左右, 性價比幾

年頭到九州自由行, 食拉麵食到上曬癮, 今日就嚟到高質美食雲集嘅SOHO搵日本正宗豬骨拉麵！呢度以香濃豬骨湯底見稱, 湯頭加入大量豬骨 & 蔬菜, 淆足12小時！就連麵底都分別有直身同曲麵兩款俾你揀, 非常講究！兩者有咩分別？原來曲麵加咗蛋黃, 比較有彈性, 而且hold到較多湯汁。而直身麵口感較為順滑, 配合濃稠湯底就最適合啦。我揀嘅呢款海老虎拉麵, 濃郁豬骨湯底再加上海老油、櫻花蝦, 為原本已經濃厚嘅湯頭再增添風味。 雖然濃湯比較適合配直身麵, 但我個人特別鐘鍾意濃湯掛麵嘅感覺, 揀曲麵就完全做到呢個效果啦。叉燒厚薄適中, 肉質偏瘦, 非入口即溶type, 但質感實在,食落帶濃郁肉香。拉麵講究, 小食亦同樣出色！呢個煎餃子, 底部煎至金黃色, 咬落外層微脆, 入面餡料鮮味多汁, 自家製確係唔同啲。

溏心蛋自只是一般, 店內免費供應辣韭菜和咸菜加左少少去吊一吊味, 湯底唔會食到成口油而麵底方面有直身麵及捲曲麵之分。叉燒係薄切又少份量,整體拉麵質素尚可，如果有得揀返麵既硬度會更好。

一虎拉麵? 感覺似曾相識，原來我去過灣仔果間...基本上都係自助式劃紙仔點拉麵~有辣椒蒜泥同辣韭菜等拉麵配料，加少少落拉麵又別有一番風味。海老虎拉麵($97) +變形味玉 ($6)店員首先向我介紹，呢度嘅豬骨濃湯經由中央廚房處理，靠一直熬10-12個鐘而得成~難怪呷一啖湯，味道咁濃郁啦。海老虎拉麵就係豬骨湯+大量櫻花蝦，超濃厚嘅口感~至於變形味玉 ，原來就係糖心蛋，不過可能在調理過程中有少許走樣，所以半價賣出~ 其實味道係一模一樣架，而且咁橋我呢隻蛋冇乜點走樣...都幾流心tim~黑虎拉麵 ($95)呢碗拉麵加上濃濃黑蒜油，香味十足，適合喜歡重口味嘅朋友。拉麵可選直麵或曲麵，正如呢度所提及，曲麵更掛湯!

某一日行過，位置完全唔顯眼。食完第1次已經覺得好好食，係會再番黎再食。第2次黎食，個原味湯底依然keep到水準好夠味無味精，個湯底十分濃郁有雞味，面質有分直面定曲面，今次我選擇左曲面，爽口彈牙，而且掛湯! 👍仲要服務態度好好唔收加一，誠意推介!👍一虎拉面褐虎，特製汁，濃濃蒜香味。

拉麵真係要識得刁鑽，呢間係灣仔同中環都有分店嘅一虎拉麵，除咗湯底講究，拉麵好食，仲有好多特色小食，全部都唔錯， CP值高！雖然佢入面唔會太多位，但一啲都唔迫，坐落都幾舒服！工作咁辛苦當然同三五知己飲返一支啤酒，為生活打打氣！佢呢度最出名係白虎拉麵，係用豬骨湯底熬製，味道濃郁，如果鍾意食濃味嘅，一定要食呢個拉麵！你選擇麵嘅時候佢會俾你揀埋要曲身嘅拉麵定係直身嘅拉麵，我想每啖拉麵都有勁多湯汁，所以選擇曲身！見到有黑蒜油拉麵，點可以唔試吓呢，但黑蒜油好多都會好油膩，好快就會膩， 但係呢個承諾清爽，雖然我都係食唔晒，但係唔會有膩住嘅感覺！呢度嘅餃子係佢哋師傅整嘅，唔係出面買返嚟，食落真係好juicy！而佢的雞扒更加係一流，好食過好多韓國餐廳，唔會將啲雞炸死晒，反而有大量雞肉汁，一食就知道真功夫！同呢度經理傾計，先至知道佢哋嘅湯底係每日由中央工場製作，再由GoGoVan送到各分店，所以保證每日都係新鮮湯底，難怪灣仔分店經常大排長龍！

拉麵好食之處除咗麵質，就係個湯底，個湯底入唔入味，用幾多時間熬制，都完全反應係個拉麵！呢間一虎拉麵，重點就係個湯底！店員話佢哋每日新鮮速遞，從中央工場煲左10幾個鐘湯，在運送到各個分店做拉麵湯底！佢最出名係白虎拉麵，係用豬骨熬製嘅白湯！如果大家鍾意食濃味嘅拉麵，呢個就剛剛好，有似東京無敵家拉麵嘅濃郁，佢較清爽，但味道絕對唔會差過佢。我自己就食咗櫻花蝦味，味道好濃郁，係我同幾個朋友選擇之中最濃味嘅一個，櫻花蝦係夏季必食的，哈嘅香氣令到你好想飲晒轉換湯！佢嘅流心玉子都非常好食！值得一提，佢嘅面有分直身麵同曲身麵，直身嘅較爽口，曲身就較能夠鎖住湯汁，強烈建議食曲身！另外佢嘅小食真係唔錯，特別係炸雞扒，肉汁鎖住喺個皮下面，食落去充滿水份，回味無窮！辛苦左全日，當然要好好飲番杯啦！

同朋友都係中環返工就相約收工去食拉麵～入到去雖然店舖唔大 但好有日本街頭風味 感覺好親切咁醬料都叫幾多 for客人自助～呢啲配菜都幾好食架！未上菜之前我地已經好似上哂癮咁叫左碗最original 既一虎拉麵就咁睇好似同其他拉麵舖頭差唔多 但係哩個湯好香豬骨味 食唔出有味精平時係出面麵唔敢飲太多湯 因為會好咸 但哩個湯底實在太正師傅話係用豬骨去餚湯 所以飲多幾啖都唔會覺得咸至於舊叉燒都算不錯 有兩大塊 易咬亦唔會太硬 當然未去到入口即溶 但都非常有好味同好新鮮朋友就叫左明太子拉麵加左溫泉蛋一隻櫻花蝦相當多 而且面質都好爽口 配埋濃郁既湯底簡直一流！每食一啖面就飲一啖湯真係好正！

夏日炎炎，無乜胃口，食啲酸嘢就最醒胃！Weekend同朋友喺附近打完卡就入左黎食野，打開menu見到季節限定嘅蕃茄拉麵，二話不說即刻同朋友一人叫咗一碗嚟試吓。嚟到賣相已經好吸引，飲第一啖湯已經停唔到口！蕃茄味啱啱好，唔會太酸搶走晒其他味！而塊半肥瘦嘅叉燒先係精髓所在，咬落去幾彈牙唔痴口，有肉汁唔會乾曾曾！誠意推介：佢嘅溏心蛋好入味，又流心，係正嘅！食拉麵當然唔少得叫埋餃子一試啦！外皮幾脆，但又唔會太油，都算係唔錯呀！最緊要係唔會幾舊痴埋一齊！皮薄餡靚！

最近經過中環工作，搵到中環Soho區，有一間日本拉麵館開係街頭，叫做「一虎」。好鬼正，大家得閑可以試試。餐廳整㓗，內部設計以啡色簡約為主調。一邊有高身坐椅。入面嘅拉麵師傅，係日本人🇯🇵，侍應雖然係香港人，但係都會同老細用日文溝通。餐牌基本上主打係豬骨拉麵湯底🐷，另外仲有其他好似幾正嘅小食，例如餃子、炸雞等等。另外仲有咖喱飯，聽侍應講好似都唔錯。最後一頁，仲有一個係專系做外賣嘅定食，上班一族經過，可以叫一個用嚟午餐醫肚😙。黑蒜油拉麵🍜 （黑虎）（$95）以前有一次喺東京食過黑蒜油拉麵，本身都日本當地非常具人氣的拉麵口味，不過香港就唔係成日有機會食得到，更加未必有質素。依碗黑蒜油拉麵，有香濃的豚骨湯作湯底，加入香氣迫人的黑蒜油，每一啖都直衝上腦，正🤤 黑蒜油拉麵，好唔好食，單看賣相已經知一二。一虎的，有烏黑色的黑蒜油大大塊⚫️，浮在拉麵表面🍜，帶有濃濃的蒜香。嘗一口，味蕾即時被蒜香和豚骨湯兩種濃烈味道衝擊，口感和味道都較一般拉麵濃厚豐腴。濃郁湯底，當然要選曲麵，因為比較掛湯，可以食到多啲湯汁。=其他=糖心蛋🥚（+12）水準一流，蛋黃味濃郁又香且突出，顏色鮮黃。因此需要特別影相分享！追加木耳

中環隱世拉麵🍜今日同中學同學，兩個女人仔撐枱腳首先去中環接我個朋友收工，然後就係中環一帶搵食。 我哋上左中環嘅扶手電梯，上到馬莎嗰個位，我朋友話有間拉麵好好食 ，就開始尋找我哋晚餐的下落。店舖唔係好大 但只要同人講係正馬莎後面既巷仔 ，就見到日式燈籠寫著一虎 好易搵到架炸😌餓啦大家都 叫左野食先 一個黑虎，一個褐虎先講我既黑虎配上黑蒜油， 拉麵湯底濃郁 並帶岀蒜香味， 拉麵可以選擇直身或捲曲 ， 麵條彈牙 好好食我朋友有加到流心蛋 真係超好食😭😭佢另外既配菜-竹筍同木耳都係好入味小食就叫左忌廉蟹肉餅同餃子🥟餃子配白醋 但餃子皮有點厚 不過勝在味道好日式而蟹肉餅真係棒棒棒😍😍😍 佢能夠炸到炸漿好薄 唔會覺得好油食拉麵最緊要咩？ 就係食完凍左睇下拉麵湯上有冇一層膠質 就代表佢用好多豬骨黎煲， 真材實料

是晚到了朋友公司附近的一虎食拉麵，雖然天氣好熱，但突然想食下拉麵嘛。隱藏在小巷內的拉麵店，七點多來到不算太多人，一進去就有位了。店內有不少外國人，店長用日語招呼日本食客，另外的店員說著英語，國語同廣東話，真不愧是中環，小小一間麵店都要操流利多國語言。先來一碰冰凍啤酒解解暑，堂食夠一百蚊就免費送的。味道清甜淡口，沒甚麼啤酒的感覺，飲落像汽水多一點，意外地對胃，好好飲呀～枱上已有一大對調味品，但這三樣是坐低後店員才會遞上的，是辣椰菜，辣韭菜同辣醬，喜歡食辣的人就不要錯過了。赤虎拉麵（$95）朋友一向好辣，點了辣味的赤虎拉麵。湯頭濃郁的豬骨味，微微辣而已，幾惹味喎。朋友選了捲曲麵，夠彈牙，好食。一虎拉麵（$97）自己點了一虎拉麵，貪其有蛋。問過店員同白虎拉麵有甚麼分別，店員話係一樣的，就是有蛋同無蛋嘅分別囉，哈哈。濃濃的湯頭，顏色很深，喝下有黏口的感覺，味道對胃。自己要了直麵，軟硬適中，好吃。叉燒半肥瘦，挺有咬口。最期待的蛋留最後才吃，果然沒有失望，十分流心，蛋汁好好味呀。味道還不錯，份量也夠飽，下次試下別的口味先。

認識我的朋友也知道我鍾意食拉麵, 所以知道工作地方附近有拉麵店就會去試下. 早前係中環工作完後, 就去了附近的一虎食嘢. 這間店位置比較隱蔽, 我也要找一陣才去到, 見到俊榮里行入去便可以. 這裡有數款的拉麵可供客人選擇, 也有期間限定款式. 最後, 我選了濃湯北海道海老味噌拉麵(海老虎拉麵), 麵就選了捲曲麵. 另加配料糖心蛋, 粟米和海帶. 店員先奉上拉麵. 而配料係另外上. 我食拉麵, 必加多幾款唔同配料, 這樣更吸引. 第一時間試下個湯底. 湯底味道夠香濃, 帶少少杰身. 义燒比我想像中大塊, 而且係我較愛的偏瘦, 因為太肥膩啱適合我. 肉質瘦得來唔會覺得好乾身和硬. 麵面放了一些蝦, 不但多了一份點綴, 而且又多一份口感. 麵軟硬適中, 而且捲曲的麵身可以掛多些湯. 配料對於我來講係相當重要. 愛食糖心蛋的朋友要試一試這裡的蛋, 切開後, 見到帶流心的蛋黃, 相當吸引. 拉麵本身有筍和木耳, 也是不可錯過. 見到有數款小食, 我選了忌廉蟹肉餅. 外層夠鬆化, 粉又唔會過厚身. 而餡裡的忌廉蟹肉也不錯, 若蟹肉多一些口感會更佳.