一葉台灣料理

营业中

休息中

呢日收工係公司附近食晚飯，搵到間好有地道台灣風味嘅台式料理，雖然裝修簡潔但食物都幾好味～✿ 台式炒米粉 ($75)呢個炒米粉幾好食，份量亦都好多。配料有肉燥、肉絲、蛋絲、椰菜絲、菇等等。食落好豐富，炒得都好乾身，係地道台灣小店嘅味道😆✿ 台式菜脯炒三寶 ($78)呢一道炒三寶即係四季豆、茄子同涼瓜。因為用咗菜脯，呢道菜十分惹味，送飯一流。✿ 炸雞扒 ($65)雞扒炸得幾鬆脆，係經典嘅鹽酥雞味道，不錯。✿ 九份綜合小丸子 ($28)入面有芋圓同地瓜圓，口感十分煙韌，比較喜歡芋圓。配類似紅棗湯嘅甜湯，味道好清甜～

一葉臺灣料理- 台灣精緻小菜小店台式味道,店面細細人情味濃厚皮蛋炒地瓜苗杞子，蒜頭，薑，地瓜葉,皮蛋沙茶羊肉牛肉豬肉菇片，洋蔥，沙茶醬古早味家鄉拌麵 雞扒芋丸小丸子特飲青檸梳打,青檸戀人呢間係好出名既台式風味小店好似真係台灣人開既味道真係好似返左台灣食既一樣先黎一個開胃菜,皮蛋炒地瓜苗皮蛋係開花靚料,配埋湯同杞子,薑等食材,味道係豐富,份量夠2-3人分享,好抵食大碟,cp值爆燈,味道一流接住黎沙茶炒羊肉,好正宗既台式小炒入面仲有洋蔥同好多切羊肉片味道平衡,唔會太重羊味,唔食羊都要試下,炒得好夠獲氣味道微辣撈飯一流或者加個拌麵食古早味蔥油拌麵~麵身用台灣做既麵條,夠彈牙,吸滿醬汁,味道突出,超香雞扒平凡樣子,但咬開肉厚但幾嫩滑~仲有好清新既青檸特飲,解一解重味道既幾道菜~最後加埋台式芋丸圓,完美作結#香港美食 #美食探店#一葉台灣料理 鰂魚涌芬尼街13號得發大廈地下B舖Shop B, G/F, Tak Fat Bldg, 13 Finnie Street, Quarry Bay#HELLOHONGKONG #你好香港#EOSRP #35MM18 #canonphotography #BL

#樸實無華嘅台式麵食如果你係鰂魚涌街坊 一定知道呢間料理店 家庭式經營 賣穩打穩扎台式家庭小菜 麵食小吃 一樣精彩-🍜紅燒牛筋牛肉湯麵 $78平時諗唔到食咩嘅時候 我會嚟呢度食麵 牛筋牛肉份量足 炆得軟綿綿 湯底顏色深邃 其實味道唔鹹 似稀釋咗嘅牛肉湯汁😌 帶些少五香味 麵條柔韌有嚼勁-🥣雞扒蔥油拌麵 $70做大學生嗰時 豪大大雞扒係至愛小食之一 呢度嘅香酥雞扒 切成小塊上碟 放便用筷子夾嚟食 外皮crispy 雞肉軟嫩 甜酸醬汁增進食慾 拌麵加咗乾蔥香油 更加滋味香口-🥤熱冬瓜茶 $16-📍一葉台灣料理鰂魚涌芬尼街13號得發大廈地下B舖

台灣家常小菜｜一葉台灣料理｜鰂魚涌—————————————🫶🏼 金瓜炒米粉 $72第一口食 諗起婆婆煮嘅餸 好有屋企嘅感覺入面有勁多餸 雞蛋、挪菜、肉絲等南瓜以紅蘿蔔條代替 甜甜地 好好食米粉爽口 完全唔油膩—————————————🫶🏼 蔥爆牛肉 $108有極多嘅韭菜同蔥 超正🤍 食落開胃 牛肉唔乾 口感嫩滑一咬就會斷 唔韌 用嚟餸飯就最啱—————————————🫶🏼 黑糖花生麻糬外面黑糖粉 入面有滿滿嘅花生粒外皮口感煙韌 好夾好好食————————————————————————📍 鰂魚涌芬尼街13號得發大廈地下B舖————————————————————————Overall 💗💗💗💗#鰂魚涌 #鰂魚涌美食 #台灣 #台灣料理 #food #delicious #hk #hongkong

今晚放工後七時多, 到鰂魚涌找晚餐吃. 在地鐵站對面芬尼街找到台湾莱. 一葉是小店, 只有30多個座位. 主打台式小炒小食, 主食是飯麵類. 2人叫了一主食一主菜兩杯台式飲品. 梅汁脆皮雞兩塊雞扒沾薄脆漿即炸, 上枱時熱氣騰騰. 脆漿薄又不會與雞扒分離. 雞扒加上了梅子醬, 酸甜度適中, 全無油膩感覺。每塊雞扒切成6件, 2人分享剛好。 金瓜炒米粉用最幼身的米粉, 加上南瓜片, 肉絲, 菇絲, 椰莱及蛋絲, 是清淡的主食。由於炒得乾身, 急急地吃了幾囗, 中和了囗中的酸甜味 檸檬冬瓜茶冬瓜茶偏淡不會過甜, 加上檸檬, 不會搶去食物味道 桂花金萱冷泡高山茶兩個茶包泡出來的山茶, 具清茶味 店子不設加一，2人連飲品共$184，價格合理，適合三兩知己聚餐。

12:2x到步，見堂食大把位，想試下呢間台灣野，問職員安排坐位，點知佢叫特我埋2個大男人隔離（同一張檯），我要求比卡位坐，佢拒絕，見環境太逼，我就唔會食了，亦都唔會再來，當客人塞豬欄咁塞。

一葉台灣料理地址: 鰂魚涌芬尼街13號得發大廈地下B舖#yauyau_鰂魚涌我平時返工成日都會去買外賣，呢間餐廳基本上要提早四個字打過去買外賣，先可以準時拎，如果唔係你可能要等半個鐘先有機會拎到。舖頭比較細，我推薦大家買外賣出去公園食。🌶️🍜🍖招牌乾燒牛肉麵 (辣) $68呢度嘅面質唔會太淋，軟硬適中係好食嘅台灣麵，而且佢嘅拌料除咗佢自家製嘅麻辣醬汁之外，佢仲有一啲酸菜，上面仲會擺啲明太子上去醃製，令到成個面除咗麻辣之外你仲食到明太子嘅香味。牛肉炆得相當之軟，牛肉脂肪比較少但亦都可以食到佢牛脂香氣十足，味道拍得住部分和牛， 從呢個價位來講性價比相當之高。味道: 4.3/5服務: 2.5/5環境: 2/5番兜: 4/5#鰂魚涌美食 #美食　#好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #台灣菜 #鰂魚涌台灣菜 #鰂魚涌牛肉麵 #牛肉麵 #一葉台灣料理

鰂魚涌芬尼街有一間叫一頁台灣料理嘅飯店，每次去食晚飯，見到很多常客，今次已經係我第三次去食晚飯。👏🏻👏🏻👏🏻鍾意佢嘅食物吃了不口渴，碟頭大、合口味，今次叫咗羊肉湯米粉，米粉裏面嘅羊肉片份量非常多，羊肉酥味不太濃烈，湯裡有好多配菜，好似大白菜菇類，湯底清清淡淡，食完唔會覺得口渴。三次去食都有order餃子🥟今次係叫韭菜手工餃子，餃子皮厚薄適中，裏面嘅餡味道好，一個人可以食10隻。梅汁脆皮雞都唔錯，鍾意佢嘅醬汁，比較濃烈，有好多酸梅，酸酸甜甜非常開胃。雞嘅外皮炸得好酥脆，第一次食已經好有驚喜，今次再食，☺️水準能夠保持。佢嘅阿里山冷泡茶大大枝，茶味清香，讚👍🏻👏🏻👏🏻👏🏻會再回頭吃啊！😌

我通過外賣平台訂了蔥爆牛肉，發現裡面有大量芫荽。我對芫荽敏感，差點敏感發作，打電話去餐廳查問，餐廳竟然講大話話無落芫荽。服務員態度極差，沒有禮貌，永不再幫親！！！

因工作關係今晚嚟到鰂魚涌做嘢，放工後想搵間台灣食店享受一個人的晚餐！ 地鐵站B出口上行人天橋後落到地面是芬尼街！ 無意中見到橫街有一小店"一🍃" 就決定食呢間做晚餐!🪵🪑 裝修: 以深胡桃木枱櫈為主色，座位舒適！還有幾張卡位枱櫈！乾淨整齊！有很多空間能放置私人物品！👀🗒Menu: 看一看餐牌其實都有好多選擇! 食物或飲品都圍繞台灣特色! 今晚我叫咗兩個主食及一杯珍珠奶茶!🐷🥡🧋😋😋😋😋🐷 沙茶炒豬肉 $108沙茶豬肉熱辣辣炒到上枱，一陣陣香噴噴傳到你嗅覺，好想快D食落口~因為太香，挾了一片豬肉~肉質非常"林"老人家也適合，勁多配菜去炒~包括洋蔥大蔥等~沙茶汁同豬肉也很夾，好味道！😋😋😋😋😋🥚🍄 金瓜炒米粉 $72金瓜原來係指南瓜味道非常甜~ 以往用紅蘿蔔條代替， 今次用一條條南瓜都係我第一次試咋，很特別的米粉！好易入口唔會太難吞！😋😋😋😋🧋 台式珍珠奶茶 $20台式珍珠奶茶茶底香濃，味道不是太甜！啱啱好！珍珠質地qq彈牙，口感超級好，不是太硬的珍珠，食落口煙煙靱靱超有咬口！

今晚開OT唔煮飯，和妹妹去芬尼街一葉台灣料理吃晚餐。一葉台灣料理小本經營，但食物品質不錯，價錢合理，難怪多街坊和附近返工的人士支持，除了堂食，外賣生意也不錯。今晚不叫套餐，散叫了些店子今期推介主食和一些我們愛吃的麵食小吃。梅汁脆皮雞開胃好味，厚厚的雞扒炸得香脆，皮脆肉厚，調味適中不咸，上面淋上酸甜的烏梅獻汁，清新有特色，值得一試! 送飯麵或淨食都好。來一葉一定要吃台灣手工水餃，一份十隻，可揀韮菜餡或高麗菜餡，今晚吃了高麗菜餡，好味道。水餃大大隻，豬肉味道新鮮，肥瘦適中，正!台式擔擔麵味道不錯，湯汁香濃不太辣，麵條香滑，可以加配豬排或雞排，但因為脆皮雞分量多，今次不用加配也夠食。滷蛋每次都吃，$8一隻超值，好食!吃飽飽人均消費$100，不用加一，經濟實惠。

今日放工少少肚餓又好耐冇食台灣野就諗住睇下附近有冇台灣野食啦😳一睇就見到呢間近近地價錢又合理諗住試下佢位於 鰂魚涌芬尼街13號得發大廈地下B鋪，地鐵站B出口附近都非常方便肚仔餓事不宜遲就入左去坐啦一坐低睇個menus都十分豐富，基本上大部分台灣道地嘅食物都可以叫到，因為疫情飛唔到台灣嘅朋友就可以食一食止下癮先。因為太耐冇食雞排同拌麵嘅關係就叫左一個炸雞排拌麵同水餃古早家鄉雞排拌麵 $70 （7/10）首先就黎左個雞排拌麵先啦，賣相非常吸引，雞排睇落炸得非常鬆脆，拌麵都有好香嘅醬香味，入口果然冇令我失望，即叫即炸嘅雞排入口熱辣辣又鬆脆，令人一啖接一啖停唔到口，麵條彈牙配合拌麵醬汁令人一試愛上。台灣手工水餃 $50 （7/10）呢個蒸水餃係由香蔥加豬肉組成，餡料非常包滿，一咬即刻有肉汁漏出黎，啖啖肉，岩曬水餃愛好者推薦大家附近翻工lunch or dinner都可以黎試一試，重溫台灣嘅感覺

入到一葉台式料理菜式，聽到廚師都係講一口台腔國語就知十分地道正宗，食過一次之後更加係想週週都去！1️⃣梅子雞⭐️⭐️⭐️⭐️著名嘅台灣菜式，但係呢道菜唔容易整。師傅將火候拿捏得啱啱好，令到外面嘅皮脆而仍可以保持裏面嘅肉質鮮嫩。梅汁調校得剛剛好，有一種天然嘅果香味但係又唔會太甜，食落非常開胃，同雞肉嘅味道都好match 😋2️⃣金瓜炒米粉⭐️⭐️⭐️⭐️雖然我唔係特別鍾意食金瓜，但係又想試吓呢間餐廳可以如何發揮呢道菜式，果然有驚喜！米粉炒得好乾身，而且唔會太軟影響口感，碟米粉又大兜又足料，入面有肉絲，好多金瓜(亦即係南瓜)，由於炒得好香，唔係特別鍾意食南瓜嘅我都食晒全部！我仲嗌左罐鳳梨啤酒，甜甜地好易入口，送飯解渴一流！總括而言，呢間店舖地點方便，鄰近鰂魚涌站，食物優秀份量又多，性價比好高，鍾意台式料理嘅你不妨一試～

疫情反覆，台灣到依家都未開放旅遊，熱愛台味的小胖只好尋找在港台味，解下相思之苦🥲呢間台店係好耐前小胖友已推，見去開果頭就去試下，佢好近地鐵站，一出行幾分鐘就到佢的裝修就係古早台灣小店，唔起眼，但行入去有種台味🫢小胖和胖友點了肉燥滷蛋乾麵，雞扒擔擔麵，柯仔酥，台式菜脯炒三寶，冬瓜茶佢的炸物大推，粉唔厚，炸得又香又脆又入味，又唔會好乾身，柯仔酥比柯仔煎要好食好多，粒粒都係柯仔，唔點醬已夠味。雞扒啖啖肉，又大塊，因為炸皮唔厚，所以粉感唔重佢的擔擔麵花生味濃，花生的香濃配上小辣，全部晒沾上麵，食唔停🙈肉燥滷蛋乾麵正常發揮，但佢的肉燥超多，而且肥瘦適中，味道唔會過甜，小甜所有食物都超出預期，係可再回頭的地道台店，大推

2022-07-20女朋友係鰂魚涌收工😀帶咗我去食台灣野🇹🇼間餐廳叫一葉台灣料理🍃餐廳由台灣人開設的台式小店🥢充滿台灣道地嘅味道😝平日晚市時段，有三枱客💺店員安排我哋坐卡位，兩人坐好鬆動😇我哋點了，台式蔥油拌麵+雞排，70蚊碟，蔥油麵香口，雞排炸得很酥脆，熱辣辣，份量都幾大，欣賞佢嘅拌麵，麵質彈牙，有咬感，好味道，不過食到尾就成口油，建議可以少汁醬😗肉燥飯，28蚊碗，一碗超熱辣辣嘅肉燥飯，肉燥份量幾多，肉燥好入味，撈飯食一流🍚拍青瓜拼小木耳，58蚊碟，份量好大碟，用上醋同蒜調味， 青瓜同木耳爽脆，係非常唔錯嘅開胃小菜😉黑糖珍珠奶茶，24蚊杯，味道方面，因為驚太甜叫了少甜，所以唔會甜得太誇張，啲珍珠有咬口超好食，奶茶一飲落去就有好香濃嘅奶味，非常滑身，值得推介🥤整體服務好好，店員會同人客介紹餐牌有乜食，走個時有幫手關門☺️食物味道唔錯，會再幫襯支持台灣小店👍🏻👍🏻#一葉台灣料理#台式蔥油拌麵#炸雞排#肉燥飯#拍青瓜拼小木耳#黑糖珍珠奶茶