一芳台灣水果茶 (已結業)

鮮籽百香綠- 百香果味十足，與綠茶味很配，味道酸甜很解渴。- 糖度選了正常，飲落有點偏甜。- 中杯份量1人飲用剛剛好。- 冰量選了正常，飲到最後不會剩餘很多冰。- 出品時間等了約5-6分鐘，時間合理。

行街行到好口渴，都想買返杯飲品飲下，順便有d野咬，解下口痕😋鮮籽百香綠（加寒天晶球）微糖$36勁多百香果，種子size比平時食既大好多，而且百香果味唔夠香濃，配埋綠茶，酸酸甜甜約清新開胃，寒天晶球唔太甜，幾彈牙煙韌，如果怕甜既話可以叫微糖。黑糖粉圓麥精豆奶$35好香黑糖味，而且好多珍珠，Q彈有咬口😋，豆奶都有少少麥味，整體係偏甜左少少，但對於唔飲得鮮奶既朋友仔來講都係一個唔錯既選擇。呢間分店比較多人，預返10-15min等候時間😉好味：3/5環境：3/5客服：3/5

路過一芳醒起有張現金卷 所以心思思就想用左佢買嘢飲 其實本身對洛神花都幾鍾意洛神花酸酸地 所以叫左杯凍洛神金桔🍊綠顏色一睇就係洛神花好紅🤭🤭唸緊個綠指咩 難道係綠茶？但係又唔係好覺有綠茶嘅香味😂而甜度算適中 柑桔味道好出 可能係原隻青柑桔係杯裏面 話唔定個綠係指柑桔😂😂感覺飲完好開胃 有一種酸酸甜甜嘅感覺 好適合夏天 我好鍾意❤️ 另外聽聞洛神花有排毒養顏功效😌 希望可以有所幫助啦😈😈路過一芳醒起有張現金卷 所以心思思就想用左佢買嘢飲 叫左杯凍洛神金桔🍊綠顏色一睇就係洛神花好紅🤭🤭唸緊個綠指咩 難道係綠茶？

食完飯見到隔離就係一芳，同屋企人口痕買咗嚟飲，成日覺得大杯同中杯只係差$3，叫大杯會抵飲啲🧐結果又飽死咗~芋頭鮮奶 L （$42）🍠熱 微甜叫得鮮奶嘅我通常都鍾意叫熱，廢時比啲冰溝淡曬，芋泥多到一吸入口就塞住咗飲管🫣撈埋鮮奶真係一大杯飯後甜品，不過因為係熱飲，甜度都大大提升，叫微甜都勁甜，下次走糖算😝一芳水果茶 L （$38）🍎少冰 微甜照舊好多生果，有蘋果、橙、鳳梨、百香果，加上青茶都係好香，好解渴🥰不過總感覺一芳好似越嚟越貴咁，靜靜雞又加咗價嚕😢😢咁多間台式嘢飲佢啲料叫係最天然，再貴就飲唔起啦💸💸

之前飲過覺得幾好。今日再去買發現差咗好多。叫咗一杯益力多配水果茶，同埋一杯仙草鮮奶茶。首先嗰杯益力多一啲益力多味都冇。唔知自己飲緊咩。跟住就係仙草鮮奶茶。嗰杯嘢嘅奶茶半透明狀態。唔夠奶？同埋嗰啲仙草係我食過最差嘅仙草。一啲都唔嫩滑，唔煙靭。佢啲仙草鞋鞋地。究竟點樣先可以做到呢一種質地嘅仙草？雖然叫咗正常冰，應該係我嘅錯，應該叫少冰先至啱。因為正常冰嘅話，一半都係冰。飲咗幾啖就冇晒啦。應該都唔會再幫襯啦。雖然只係30幾蚊一杯嘢飲，但我覺得有更好嘅選擇。

依間嘢喺屯門市中心最高嗰層，有一次經過就買咗兩支嚟試吓飲啦，一杯係一方招牌嘅水果茶，另一杯係凍嘅檸檬露，啲檸檬露入面有啲啫喱有啲咬感，夏天飲真係一流好清爽好解渴，下次會再嚟幫襯

食完熱氣野想飲返啲野fresh下，所以黎一芳試下新野。Menu有埋圖又幾方便，好清晰。星期日都比較多人，不過都係等幾分鐘就有得飲👍🏻。🔅綠茶凍檸檬露L ($30)叫左去冰半糖，本身檸檬都偏酸，半糖埋就超fresh！不過就唔推薦怕酸人士了😂。加左綠茶凍平衡下無咁酸，又有少少口感都唔錯😋。💬一芳平時都係飲開水果茶，不過其他茶類都唔錯，仲要所有飲品都係用台灣產茶葉/蔗糖，飲得安心😝(企係到等見到佢menu有寫)。

間唔中都會想飲杯甜野,巿中心一芳就好方便啦。唔算多人，等幾分鐘就有野飲。太晏唔想飲有咖啡因所以揀左黑糖麥精珍珠，不過今次一大pat黑糖點都搞唔勻所以覺得甜咗少少。老公杯烏龍茶鮮奶佢話好香。

今日老細請飲一芳，所以我就試左佢個招牌飲品：一芳水果茶。本身勁抗拒飲百香果既我，見到杯水果茶當堂打左個突。OMG，點解有咁多百香果籽‼️唯有扮無野拎番去自己位😂 試第一啖，心諗：嘩，勁清新！少少酸少少甜咁既，下次會再嗌呢杯😙一芳招牌水果茶（$38 外賣平台 價)（L)茶底：青茶水果：蘋果片、橙片、菠蘿粒、百香果（巨量😂）味道：酸酸甜甜，清新，水果味勁出冰底：少冰甜度：半糖（杯野好fresh，半糖已經夠！真係一個明智既決定😎)

今日同朋友去屯門市中心行街，途經一芳就買咗杯仙草凍奶茶，茶味好濃，但係絲毫不影響奶茶既奶味，正！仙草既質感好有層次，有少少咬口，同平時飲既滑捋捋唔同，有驚喜。會再幫襯！

行商場行到慶慶地，見到角落位置有間一芳，又冇乜人排隊，所以就試試純茶。坦白講，我好少飲嘢，大部份餐牌上既飲品都冇飲過，見鹿谷烏龍個名咁qq，就試一試。孤陋寡聞，搜尋後先知鹿谷係地方名，飲落好清甜，屬於偏甜既烏龍茶。

【鮮榨柳橙水果茶】我叫左走冰、半糖，雖然我叫咗半糖，但係茶味唔會濃得滯，橙味同茶味都配搭得恰到好處，飲完一啖覺得好Fresh，好清新！入面仲有啲鮮橙片同埋蘋果片，飲完杯茶仲可以食下水果😋 一芳真係水果茶之首！！推介💛💛💛

第一次試一芳，叫咗杯黑糖珍珠鮮奶，有半杯都系黑糖💛💛，鍾意黑糖嘅人一定好滿足🤣🤣。今次個黑糖同珍珠都好多，飽到一個點😂😂。黑糖好香，溫度偏高，雖然我鍾意凍啲解渴，不過佢一杯都幾大，上面鮮奶夠凍，攪完都唔錯🤣🤣。珍珠多但系比較細粒，質感似啫喱，未到我鍾意嘅有咬口程度。不過唔知點解成杯夾埋嘅感覺都唔差，至少黑糖香，珍珠香，鮮奶香，唔錯嘅。其實都真系幾大杯，幾抵飲架。等候時間唔算長，都沖得幾快。

平時唔飲沖野既我今日炎熱嘅天氣我真係頂唔順要飲返啲凍野平衡心理朋友話要飲水果茶！我叫佢一定要小甜！小甜！小甜！我記得唔叫小甜係飲緊糖水咁本身我想飲洛神花檸檬🍋佢都係推但點知去排隊佢話無🥺唯有飲佢推介既金鑽鳳梨綠女仔飲太多凍野唔好所以我叫咁少冰糖方面記叫咗1/3 微糖但佢水果都係有糖漿都甜可以叫微微糖而水果茶叫咗無糖佢茶底係酸 但水果甜

逛街逛到累有點口乾想買杯飲品休息一會兒子就想起這家店舖了。店舖位置屯門市中心3樓，買飲品位置和用餐區是分開的，人多可以分開去買飲品/找位置。💥溪口甘蔗青茶 HKD$29，飲品選擇去冰微糖版本，所以不太冷和味道不會太甜挻不錯。甘蔗味道挻香濃，夏天飲這個最好不過呢😆，既消暑又止渴。💥金鑽鳳梨綠 HKD$27，飲品選擇去冰版本，也是不太冷的飲品。由於鳳梨味道酸酸甜甜所以不用減糖，配合綠茶飲味道更佳挻不錯。