一興粉麵

营业中

休息中

咁呢間都去過好多次架啦。啲牛雜河都好推介。不過環境比較狹窄，堂食就唔係咁好。外賣好貼心，河粉同湯肉分開裝（係一個盒入面），啲肉感覺上比堂食嘅多。大熱天時加上而家新冠就外賣啦。總體來講都ok，住係附近都可以試下。

自己一直都麻麻地牛雜粉面，覺得難咬又臭，但個fd話佢中意食又見呢間新野，就陪左佢去試。間舖面都幾乾淨光猛，環境ok既。坐低揀野食見到d價錢都幾抵，就嗌左個魚旦面同炸魚皮。個fd嗌左個牛雜牛腩面加個菜。個魚皮好正，好似打邊爐好脆果d，唔會話有陣油臭味黑蚊蚊咁，感覺上好新鮮，好中意食不過個面底有d硬，可能我岩我口感啦。個fd話好正不斷叫我試下d牛，佢咁誠意權權我咪試細細啖，諗住舊野可以好似香口膠咁咬到走都咬唔到架🤣 點知👉😍 估唔到 哇!我食得到呀😭 整得幾好食喎，林身得黎都爽口，唔會痴鬼住晒d牙，舊牛仲好香! 今次比個fd咁導完，對牛雜好感度up👍終於搵到間我食到既牛雜舖✌cp值都高! 之後都會繼續同個fd黎食

新搬去蘇屋邨住既我，當然第一時間睇下周圍有咩食啦！見到銀龍...心諗有牛什食喎 但40蚊幾一碗真係好唔抵，咁就再行下啦 點知有見到一間牛什粉麵鋪 名叫一興粉麵。一入去環境幾好企理，咁我就叫左碗牛腩河同淨雲吞！牛腩帶啲肥油，香口淋身！當然再試下辣椒油，好香！好有蒜味。問老闆有無得買。佢都話我識貨 20幾就有交收！老闆話用左炸蒜 蒜片 野生辣椒炒！廿幾蚊抵玩，打邊爐又點得。之後雲吞就好快上到！皮既厚度還可以，但餡就無偷雞喎，成隻蝦 爽口彈牙 仲食到有大地魚既味道，所以我會推介大家食雲吞，中意食雲吞既朋友可以試下。咁就一餐埋單都係60蚊內，幾抵食。我平時收夜食宵夜又多一個選擇啦，因為原來收凌晨1點 正！

今日放lunch好攰唔想行太遠見到新開鋪 就try下啦First環境企理 夠乾淨價錢就ok正常啦叫左碗牛什河 分量充足 而且味道唔錯個湯好鮮甜 冇乜點落味精Second 叫左杯奶茶以粉麵檔來講 算係一流Third 員工質素都唔錯雖然個場就細左少少但有充足嘅員工呢個人工高既年代來講老闆真係算良心企業 臨走仲要到 2.30-5.30有下午茶餐好似$25左右The most important is 個廁所非常乾淨相信員工們 落咗唔少功夫Date: 13-01-2020

新開張餐廳，位置吾算非常顯眼，經過見到試下，但試完好有驚喜，比平時食開的粉面餐廳質素高!先講食物方面，叫佐個牛腩丐，淨雲吞食。牛腩掂，食開粉面的我，一食就知質素，呢間d牛腩質素幾好，味道好，易咬，有少少入口即融感覺。 另外加上d辣椒油，d辣椒油夠香，應該係自己炒，吾係得個辣字!雲吞就正常水準。辣椒油確實好正! 舖頭環境亦企理，相比傳統粉面餐廳乾淨很多。價錢亦經濟。試完一次後都經常來，變咗新飯堂值得推薦一下

夜媽媽，突然想食牛腩麵，長沙灣冇乜邊間仲開緊，見到呢間鋪頭仲開緊、而且仲有不少食客，心諗應該唔會太伏，所以一試。叫咗碗「牛三寶雲吞河」牛三寶即是： 牛腩，牛肚， 牛筋牛腩， 除左話好肥， 好多肥膏之外，無其他補充牛肚， 有三件， 煮得太淋， 無咬感，而且都咩味牛筋，佢唔係煮到好淋身個隻，但又唔係做到好q 彈個種口感， 兩頭唔到岸， 仲好腍口雲吞（加左8」蚊雙拼， ），有兩粒， 包得唔好，有d 位好厚皮。蝦好細粒。不過味道正常。唯一可取是，因為新店的關係， 比較企理

行過見到新開張，又有蠔仔粥，我最愛，所以就入去試吓。一坐低，立即order碗蠔仔粥，個阿姐唔知做乜黑晒面，一句「一早無得賣啦！」跟住調頭走！我即刻心情一沉，你門口碌咁大個牌寫住蠔仔粥，無得賣你唔收返個牌？就算賣晒，講多句解釋下使死？仲要黑面+走開？一啲基本禮貌都無！算！肚餓，叫第樣，牛腩麵，有喇掛，有，寫完張單又係黑口黑面行過嚟大大力「pat」低！咩事？更年期？牛腩........頂！係「油」腩麵至真！肥膏多到幾乎唔見有瘦肉？好彩啲麵仲叫食得，肚餓，無計，頂硬上見到啲油腩唔開胃，見粉麵加6蚊有油菜，咁就叫個芥蘭，唸住叫另一個阿姐落單，點知個阿姐講國語，唔識落單，要等嗰個黑面神，我都已經O晒嘴！但真心肚餓無法子，唯有再叫黑面阿姐，落完單，睇睇，點解加左13蚊既？問佢，佢立刻粗聲粗氣話，你叫加菜丫嘛，加菜咪13蚊！我話你menu寫加菜加6蚊喎，佢話麵加菜加6蚊，你而家加菜就係13蚊！落左單，無得改喇！我幾乎想一碗面車埋佢度！阿姐你知唔知自己講緊咩？我而家唔係麵加菜係咩？你唔識改咪出聲囉！豪無禮貌，知錯唔改，仲要聲大夾惡兼無準！出街食嘢咁耐，第一次食到成肚氣！以後，絕對唔會再去幫襯！