一粥麵 (MOSTown新港城中心(4期))

马鞍山好多餐厅都试过，一粥面系从来都冇入过去食嘅，最近俾佢个广告烧到，花胶金汤云吞鸡煲好似几正咁，今日就嚟食一食佢哋个晚餐。六点几左右入座，暂时好彩都唔使等。叫咗一个金汤云吞花胶鸡煲配菠萝咕噜肉同埋猪肚鸡柳粥配叉烧肠粉。真系有半只鸡，都几足料，个鸡汤都几好饮，不过云吞入边啲肉比较松散，而且花胶质地都唔系咁好食。咕噜肉嘅份量好少，而且啲肉好硬，咬落去干争争咁。猪肉鸡柳粥入边嘅份量好少，好淡，冇乜味，叉烧肠粉，发现竟然系肠粉底，上面再有几旧叉烧，个肠粉一啲都唔好食，而且黐住晒，变咗一Pat嘢。…查看更多

超恶劣的外卖包装服务, 究其得过且过！外卖二磅的黑草羊腩煲, 用超薄锡纸盒 加 透明包装盖, 再用外加保鲜纸包裹外面. 连汤连羊腩冇分开包装, 外卖袋拿起来软泡泡的, 拿上楼不到五分钟路程, 锡盆全部变型 ,最终汤汁跟羊腩完全分离. 结果变成冇汤汁嘅羊腩煲！ 想要反应一下意见啦！分店电话打极都冇人接听 ！差！差！差 ！快餐店驶三百几蚊, 羊腩肉质尚算可以, 材料都算足够的, 但冇汁的话变成大打折扣, 变咗贴钱买难受, 超级恶劣的外卖服务 ！ …查看更多

昨天朝早想食炸両，去新港城一粥面食个艇仔粥套餐（$47）！真系一碗难食到极点嘅粥，除咗因为佢加咗鱼片（鱼肉放喺粥，系我觉得最腥嘅食法！🤮), 仲谰系真材实料咁加虾仁，鱿鱼，但全部系急冻充满雪藏味！仲竟然唔系落瘦肉，落叉烧！叉烧泡粥！😨！最后我落咗三包胡椒粉先勉强食咗大半碗！而那碟炸両，又冻又淋！服务态度又差，白白浪费了食碳水化合物的quota! 全日谂起呢碗粥，我彷佛仲闻到那股腥味，我谂要过一排先敢再食粥，自己煲都唔想，好大阴影！…查看更多

好少去一粥面食，成日以为得粥同埋云吞面食，点知原来有好多选择。今次去食下午茶，除咗有粥，面之外，仲有好多下午茶套餐，同埋怀旧小食。俾我见到依家好少有既炸髀 + 红豆冰 既组合，真系童年回忆，即刻试下。佢既炸髀变咗做生炸无骨鸡髀，有啲似炸鸡扒，不过都好香脆，同埋份量唔细。红豆冰就正正常常，不过唔使加钱，已经好难得。套餐仲有头抽捞粗，十分饱肚，不过就冇其他配料。成个下午茶组合 - 生炸无骨鸡髀 + 头抽捞粗 + 红豆冰，加埋都系 $38，真系性价比十足。…查看更多

晚上粥锅边炉另上一碗粥,只有半碗，粥水都这样悭,其他分店都有一碗粥满, 食过几间粥底锅都不是只有半碗粥,地方污蔑,有小强在墙壁行走,呢间衰到不得了.这分店之经理真是要好好检讨下.…查看更多