一粥麵 (已結業)

貪新鮮所以同牙絲去左食呢間野~牙絲就叫左個海鮮三文焗飯$30+凍咖啡$6~未食之前我牙媽好期待~因為張相睇落去好足料~點之食物一黎就超down~因為同張相完全唔同....d料真係......三文魚一小口,無頭八爪魚一小口,一隻小蝦,蠔一小隻.....其他好似冇喇~真係而且d味道可謂平淡無期......仲淡過d白汁....好彩我地平時食開清淡.......不過值得一讚係個coffee~因為杯野係同d永分開,所以一d都冇攪淡杯野而致於我就叫左個肉醬意粉~貪佢點衰都唔會差得去邊....果然同大家樂,大快活差唔多~但一試就知d番茄係罐裝個隻~不過我建議都係去大家樂,大快活好d~因為加凍飲冇咁貴

呢日行過黎呢度，見有個沙田滑雞粥。就試下啦，個味道都唔錯既。呢日既晚上，都算幾多人既。沙田滑雞粥粥係即叫即整既，綿綿地，感覺唔錯。而雞件有六、七件，比我預期既為多。而且雞係好滑，唔鞋口。令我有有驚喜，整體上個配料都唔錯。有花生送粥。牛腩雲吞湯麵呢個都幾好食，牛腩好入味而且好淋好煙韌。而伴碟既蘿蔔都好好食，唔錯架。麵既質地好煙韌。雲吞就無乜特別，不過蝦又幾大粒。冰鎮奶茶呢個真係好好飲，茶味好濃既奶茶。因為唔會另外加冰，所以茶味真係好濃，呢先係奶茶嘛。點都有下次既，野食都唔錯，而且係即叫即整架。

今天到上水探望爺爺談話後 已是晚飯時間 便到附近的一粥麵進行晚膳一睇餐牌 與大家樂無異 便知道一定是大家樂集團姐姐的是海南功夫雞(半隻)配雞湯蒸飯+可樂$33姐姐說雞真如廣告所說般零脂肪爸爸的是乾炒牛河+冰鎮奶茶$39不論是牛肉或是河粉 爸爸也吃剩可能是因為牛肉沒牛味的關切吧 爸爸對冰鮮肉是很反感的媽媽的是揚州炒飯+豆漿$34可能是因為炒飯要乾身的關係 媽媽說飯是煮不透的看來味道不是太好 媽媽吃剩了半碟我的是滑蛋蝦仁炒飯+熱檸茶$35雖說是炒飯 但卻是白飯蛋花挺滑溜 但卻沒蛋味 蝦仁是爽口 但完全沒蝦味 味道正常整體來說 沒期望 所以沒失望 但價錢略貴

夏日炎炎，最適宜坐在有冷氣的地方hea下，本身打算單叫特飲，點知俾個「靚姐」收銀員不斷遊說，話單叫飲品唔抵，叫套餐先「化算」，又話芒果很新鮮，很好味的。終於在她的「強攻」之下，無奈投降....order了﹕兩份芒果楊枝金露、脆皮腸熱狗芒果楊枝金露﹕芒果唔酸...可以接受；楊枝金露比較淡，不太濃味。脆皮腸熱狗﹕包是焗過的，很香同脆。很正﹗不馬虎的熱狗，值得一試。

又是工作的關係 來到吃了一個下午茶餐我覺得這裡的服務人員態度很好尤其對那些老人家Cashier 的員工如果見你的老人家就會給你一個牌坐著等自自然然就有人會拿食物給你我的下午茶有碗仔趐, 雞翼再加炒面, 熱奶茶- $23以這個價錢來說 都可算是價廉物美雞翼烤得很脆炒面也不算太油 加了很多菜都算不賴而這裡的奶茶一向都是有水準的所以這一餐真的食得很飽哦~

今日下午又去幫襯「一粥麵」，經理 林小姐 好好人，又請左我飲左一杯新推出的秋冬滋潤熱飲--- 「紅棗蘆薈蜜」~ 呢杯熱飲真係好唔錯喎，未飲前已嗅到一陣好香既紅棗味， 飲左一口.....嘩~~真係好掂呀!!! 飲落去好舒服，感到成身暖哂，而且仲有一粒粒煙煙韌韌+甜甜地既蘆薈食，真係唔錯喎~ 我覺得呢個「紅棗蘆薈蜜」真係好岩女士們飲用，因為真係好滋潤~ 而上次既「人參蘆薈蜜」就岩男士，因為清熱丫嘛~ 估唔到「一粥麵」除左有好既食物之外，人佢地連飲品都有咁合時既供應，真係細心周到呀~p.s. 上水呢間舖既員工個個都真係好好人，除左上述既 林經理 外，就連「收飛」既分店主任 黃先生、同埋收銀既小姐們及成日為客人包外賣既服務小姐，個個都好細心有禮~ 估唔到去呢度買外賣，d服務好到到似返左自己開既私房菜店舖一樣呀~kakakaka

今晚又試一佢地另一個新口味既 煲仔飯---「咸魚肉餅飯」~ 晚上食 煲仔飯 套餐要$ 39架!!! 比午市既貴左 足足 $10... 但就呢 $10 都有價既，就係多左一杯 中國茶及一碗足料既中式湯~ 茶就不多講啦，因為都係「陸羽」茶包既出品 但個湯就真係好得喎~ 次次都有好多料，飲完又唔覺會口渴，咁即係...無味精﹖﹖ 好似我今晚飲既「花生雞腳湯」，個碗底有d料煲溶哂既湯料，要搞勻後飲，證明唔係求其既味精湯，真係好好飲，而且仲有雞腳食忝呀～～　講返個 煲仔飯，如果係我自己一個食既，我一定唔會買「咸魚肉餅飯」，因為我都唔好咸魚既......就係因為媽咪喜歡食咸魚，所以我先揀呢款飯咋~ 咸魚由媽咪搞掂，媽咪話件咸魚都幾掂喎 難得奄尖既佢都話件咸魚ok... 而我就試左塊肉餅，嘩～～～好掂呀！！！ 塊肉餅唔會話太硬，真係軟硬適中，而且...肉餅內有馬蹄粒架 所以食落去時既口感就very good 我都估唔到自己會愛上左呢塊肉餅 如果可以係臘腸肉餅飯就真係一流喇~ 因為呢兩種都係我鍾意既食物丫嘛我想，下次就算媽咪唔同我一齊食飯，我都會繼續選購呢款 肉餅飯~

昨晚又去買外賣，經理好好人，仲請左我飲杯佢地新出既---蘆薈參蜜 起初唔係太想飲...因為我唔鍾意果d「杞子」...但估唔到，杯飲品都唔錯噃 d蘆薈甜甜地，韌韌地，幾好味丫~ 今晚我仲試左佢地新推出既﹕梅菜扣肉煲仔飯﹕$ 39，梅菜同扣肉既份量都唔少噃 d梅菜甜甜地，幾好味 扣肉唔會太肥，又不是「乾柴」，岩哂我口味 再加埋佢既煲仔飯豉油，真係唔錯唔錯~ 呢個餐仲配埋中湯同中國茶，以呢個價錢來說，我個人來說就好收貨啦佢地仲有「臘腸排骨煲仔飯」，我好鍾意食臘腸架 下次都買黎試下先~~~~特此多謝 經理小姐 那杯 熱騰騰既「蘆薈參蜜」~

淨係叫碗皮蛋瘦肉粥又水又稀=難食我當時食果陣仲係到諗係咪叫錯左白粥點知...食到最尾終於都食到2粒皮蛋仔-_-我想問.....間野想點!

自從有關「一粥麵」既食評出左後，我真係有d後悔......因為我最愛既「瑤柱福建炒飯」成日售罄，搞到我要試食其他即製炒飯...但又真係得喎我指其他既飯呀﹗好似﹕魚香茄子斑腩飯、鮮茄豬扒飯、羌蔥霸王雞套飯...等等。魚香茄子斑腩飯﹕唔係名不符實個噃，真係有咸魚架!! 斑腩都有5-6件，抵食又好味~鮮茄豬扒飯﹕番茄既份量係一個有多呀!!豬扒都幾好味既，個汁都唔錯架，用黎送飯就一流~~羌蔥霸王雞套飯﹕以前係盬雞套飯，味道就...一般吧﹗反而而家既羌蔥霸王雞就好味好多丫~送既中式例湯都幾好，都算有料既。天氣開始涼涼地，所以新推出「煲仔粥」，今晚我試左魚腩煲仔粥，都有4-5件頗大既魚腩，索價$26，都幾抵食喎~係上水食粥，除左只係下午3點前有得食既「東莞佬」外，而家又多間開至晚上10點既好選擇---「一粥麵」了~

自從彩園邨商場既唯一一間酒樓、餐廳被迫執笠後，「一粥麵」係一個唔錯既選擇! 自呢間一粥開張以來(今年8月頭開張的)，我差不多晚晚都去買外賣，堂食就試過3-4次。雖然個舖名叫粥麵，但佢仲有好多快餐提架，例如﹕一哥厚切焗豬扒飯、焗肉醬意粉、西式扒餐....下午茶仲有炸深海魚柳...好熟面口呢~因為一粥係「大家樂」集團既一份子丫嘛!! 講返佢既食物，佢既雲吞麵唔錯架，連一個一向都唔食呢d「麵」既我都會食下，不過就只限當我至愛的河粉沽清時啦! 佢d雲吞都幾正，配佢堂食既辣椒油就簡直一流~ 湯底都唔錯，估唔到佢捨得用韮王而唔用蔥，果然香d好味d佢既即製腸粉都不俗，我成日食既鮮蝦腸都幾好味架，一盒(我多數買外賣)內有3條，每條都有3隻大蝦，仲有少許韮王，好味我成日都買既「雙菇粟米粥」都好好味好多粟米同蘑菇，個粥底唔錯架，粥又夠熱，好過位於葵涌商場果間一粥多多聲! 另外，我試過佢既蠔豉瘦肉粥及豬骨粥都有咁上下水準午市及晚市先出現既「福建炒飯」就係我既至愛呢個飯都好多料架，我已將此飯入左落我個外賣必買list內!! 另外，我仲食過此店的小炒，e.g.魚香茄子、西蘭花炒斑塊、鹽焗雞套餐、粟

我試左佢的鮮蝦雲吞麵，$19學生餐有野飲，味道尚可，不過可能係我不嬲都唔鍾意食幼麵姐，我覺得o個5粒雲吞水準就好好，都幾大粒同鮮味。另外，我覺得佢地服務態度好好，次次去d人都問我有咩需要，仲會幫我搵位同攞餐。整體來說，亦真係唔錯。

上水好少有粥食既地方,特別係我屋企附近,不過不失咁,一碗皮蛋瘦肉$17 + $7有個炒麵,炒麵咪又係大家樂,始終都係大集團,有信心,但員工手腳慢又亂,個個都好似遊魂未訓醒咁,我要個炒麵,比錯左3次,不過總好過幫襯隔離間鳳凰和和利