影片
今日屋企无饭食，所以自己落左商场既一粥面食晚饭。本来谂住打边炉，但见到都几多人叫煲仔饭，所以心郁郁。最后叫左个凤瓜排骨煲仔饭，47蚊，再加2蚊转可乐。买完之后等叫number, 都等左10分钟左右。拎到之后满心欢喜，应该唔会好差啦！点知，真系好失望。啲饭好削，基本上系烂饭黎，又无乜味道，唉，凤爪又累炆炆咁，食左2啖已经无咩胃口，好失望，又谂住唔好浪费，食埋佢就算，但真系好后悔，早知换过佢，可能系我黑仔啦，下次唔会再叫煲仔饭
继续阅读
午饭时间唔知食乜，经过一粥面好多人，但系都有返一两张枱剩，咪谂咁多一于入咗先算。天气冻冻地，我见佢大张poster写住推介新口味煲仔饭，好啦整返煲试下。我叫左广告卖得最行既樱花虾腊味粒煲仔饭，一来新口味未试过，二来呢个组合应该都稳阵可以接受。煲仔饭$51 蚊加饮品，我叫咗热奶茶。等左5分钟左右可以攞得了，有点肚饿、有点期待，但都忍一忍佢几分钟。阿叔教过食煲仔饭千祈千祈唔好即刻开盖要焗一焗佢几分钟等佢收下水。所以每次食亲煲仔饭我都会记住呢个重点！ 终于可以开盖啦，加啲古法头抽先。识落第一啖，赖嘢。一啲香味都无，重要啲饭系淋巴巴的。佢嘅材料有樱花虾、腊肠粒、腊肉粒、同埋芋头；但系全部野都系冇味㗎！我怀疑佢将啲材料浸左好耐，浸到发晒水乜味都冇。所以煮嘅时候啲水出返晒落个饭度，令到个饭底淋巴巴。古法头抽系个得个甜字，加上佢啲材料，成煲嘢就系得个甜味。再挖下个底想揾少少饭焦都难。果两条菜老到呢⋯⋯呢一刻只可以讲煲野系熟嘅，用嚟充饥绝对冇问题。食咗三份一想放弃，但系我谂起我偶像大嘥鬼，同埋第三世界冇嘢食嘅小朋友，所以先用意志力坚持食多一半。仲有杯奶茶，个味争D啰。试过喺其他一粥面分店饮过，好得架㖞！集团式经营应该有返咁上下水准㗎啦⋯⋯所以短期内都应该唔会帮衬住，等佢再改善下先啦！
继续阅读