一生懸麵

营业中

休息中

之前好hit嘅🍦雪糕拉麵，原來轉咗季已經🙈下架了… 試下其他沾麵/拉麵係咪都係咁堅先😏，最平70蚊左右就食到碗拉麵🍜，性價比高。哩度嘅麵條可以選擇軟硬度，沾麵嘅湯頭則可選擇凍或熱湯🥣。·🐖特濃豚骨沾麵 HKD$79 (+$15叉燒)麵條屬較闊身同煙韌😚，掛湯力唔錯，沾上十分濃郁嘅豚骨味湯汁💦，鹹度恰到好處，唔會濃得來得個死鹹👍🏻，湯頭裡仲食到粒粒豚角肉；叉燒肥瘦適中，半熟流心蛋🍳流下流下好吸睛。·🦐海老拉麵 HKD$85 (+$10竹筍)係海量嘅櫻花蝦呀🤩！仲有加咗1份竹筍，份量又係海量咁多，$10好抵啊👍🏻。海老湯底具鮮蝦的鮮味，香氣滿滿且不見油膩。拉麵麵條較沾麵嗰款幼身，會更容易掛湯呢。·🍢雞軟骨棒 HKD$28個人好喜歡😻! 啖啖肉之餘中間仲食到粒粒軟骨😙，口感軟綿且層次豐富。·🥟煎餃子 HKD$28內餡充滿肉汁😋，餃子皮煎得好香口。·📍一生懸麵牛頭角道3號得寶商場地下121號鋪

.一生懸麵近排有款期間限定既牡蠣沾麵，好似幾吸引咁😍同老公去左試，另外叫左碗櫻花蝦拉麵🍜牡蠣🦪沾麵 ($128)好濃郁足料既牡蠣湯，唔會太稠或太稀，🦪味重，每條麵都掛到湯，味道咸咸地。牡蠣有煎過，好香口亦夠肥美juicy，仲有一塊半肥瘦厚切叉燒，同樣燒得好香，叉燒肉嫩易咬。半熟蛋浸落湯到吸哂精華，好食😋海老🍤拉麵 ($85)櫻花蝦湯超級濃郁，又香又多櫻花蝦，味道偏咸但係好味😋叉燒同樣係半肥瘦，有油脂香👍🏼麵既硬度可以自己選，我地通常都揀標準。可以走荀、多蔥、走蔥等等選項。我地食過好幾間出名既拉麵店，只有一生既竹荀係冇臭味👍🏼👍🏼👍🏼好耐冇飲波子汽水，我地都叫左支飲😆配拉麵幾正。店舖既空間雖然唔算好大，但裝修有日本拉麵店風格😍當自己返左鄉下啦😆.

雪糕拉麵？🍦🍜|冰與火之歌❄️🔥|係中伏定有驚喜?😨🤩｜一生懸麵「如果我們不曾相遇，我會是在哪裡」本人一向係拉麵愛好者，前排終於去試咗近排話題度幾高嘅雪糕拉麵，餐廳本身都做開拉麵同沾麵，我自己都會間唔中幫襯，餐廳走傳統日式拉麵設計，設有吧枱及少量4人枱，定價性價比高，我自己通常都會追加佢嘅叉燒。-花生雪糕拉麵 4.1/5⭐️拉麵上枱非常吸睛，成枝雪糕插咗係拉麵碗上，其他仲有叉燒，荀，糖心蛋同花生碎。首先單獨試一試個雪糕，仲好凍好實，好香花生味，之後再飲一啖湯，對於平時只係食開十小辣嘅我嚟講，佢辣度應該有五小辣嘅程度，非常之有驚喜就係雪糕融咗之後有中和番個湯底辣度，同埋一啖冰凍雪糕一啖熱辣辣個感覺幾新鮮，至於佢另一賣點就係佢嘅灸燒叉燒，啖啖肉兼夾半肥瘦，全部入口即溶，非常滿足，次次都會額外追加一份。至於荀同糖心蛋都係正常發揮。–總結:餐廳平時主打沾麵同拉麵，定價唔高之餘材料豐富，走開性價比路線，一向已經係高人氣嘅拉麵店，近排亦創新推出花生雪糕及柚子雪糕拉麵，相信大家都係抱住試伏心態去幫襯，但試完之後出奇地唔差，餐廳係有嘗試配搭兩種食材令佢地融和，帶到新鮮感比客人，又兼顧鐘意傳統拉麵沾麵嘅客人

之前見呢間有雪糕拉麵已經想去試(´∇｀)可惜一直冇時間去到試…所以今次見期間限定轉咗牡蠣🦪就即刻去試試佢！🍜 期間限定-牡蠣沾麵 $128 [+半熟蛋 $12]有3隻牡蠣之餘 仲有叉燒同半隻蛋 好足料勁豐富！好鍾意拉麵食蛋 而且知道舖頭嘅流心蛋好好食 跟麵半隻點夠喉 緊係要加多隻半熟蛋先夠滿足( ｰ̀֊ｰ́ )而沾麵湯食落勁香蠔味勁鮮！配埋煙韌幼身麵 oi shi～( ˶ˊᵕˋ)🍜 特濃豚骨沾麵 $79 [+半熟蛋 $12//+黑木耳 $10]湯底豚骨味濃 果然係特濃得嚟 又唔會鹹到會生腎石嗰種(*¯︶¯*)麵條好掛湯 食落啖啖都充滿豬油嘅香味～豚肉同樣咁大塊咁厚 半肥瘦食落有油香 肉質又唔會鞋口配埋大量木耳絲整體係正㗎🙌🏻🍢 雞軟骨棒 $28卜卜脆口感 幾得意 小食仲有餃子同章魚燒揀～🌟另有旺角-通菜街 & 荃灣-千色匯分店🌟

牡蠣沾麵🍜期間限定📣📣📣要食就快手喇，有三隻牡蠣都唔只仲有豚肉，麵條係粗身嘅點埋熱辣辣嘅濃湯底超級棒👍🏻海老拉麵🍜滿滿都是櫻花蝦😍好濃蝦味，仲有兩件豚肉層次分明，麵條係幼身吸晒d湯好味😋加埋半熟蛋👍🏻👍🏻👍🏻小食有章魚燒同煎餃子🥟，食拉麵更係配呢d架啦⋯⋯飲品有綠茶可樂同烏龍茶咁就完美喇✌🏽✌🏽✌🏽座位方面好日系一格格，感覺好似去左日本食拉麵🍜好掛住日本呀⋯⋯

肥妹仔近排放大假，有時間梗係同肥媽周圍捐窿捐罅搵嘢食。其實呢一間拉麵店肥妹仔喺旺角嘅時候已經食過一次，不過果陣冇肥妹仔想試嘅廣島蠔沾麵，今次呢一間商場見到有，唔試真係對唔住自己。牡蠣沾麵 $128上枱嘅時候肥妹仔已經覺得齋賣相已經冇得輸。麵質係肥妹仔鍾意嘅，今次揀咗麵嘅硬度係適中，恰到好處，鍾意食正常偏硬嘅朋友其實揀標準已經好OK。佢嘅麵條好香麥味。廣島蠔沾麵醬汁超濃郁，好似將廣島蠔原顆壓碎造成醬咁，每1口都有廣島蠔嘅顆粒。廣島蠔外皮煎到微脆好香口，入面就好飽滿，每咬一口就好似含咗成個海洋咁，鮮味十足。溫泉蛋做到糖心嘅效果，不得不讚佢嘅叉燒，咬落去唔會非常肥膩，好香嘅豚肉味，入口即溶，超誇張。白湯豚骨拉麵 $69另外，肥媽就試咗呢一款白豚骨拉麵。肥媽食咗個飲咗個湯第一啖即刻讚不絕口，好香豚肉嘅味道，直頭有少少似雞白湯嗰陣味。肥媽對佢嘅叉燒亦都讚不絕口，肥媽同肥妹仔講返佢本身見到咁肥係有d驚驚，但係試咗一啖發覺原來係只要煮嘅方法啱，再肥嘅叉燒都可以煮得好好食。章魚燒 $28肥妹仔貪心想試多啲，所以嗌咗章魚燒。上枱嘅時候微熱，粉漿唔算好厚，不錯。雞軟骨棒$28卜卜脆，肥妹仔指緊佢嘅雞軟骨，

辛辣拉麵 $79我鍾意呢個湯底，湯底辣辣哋特別惹味，但又唔算太辣，辣度啱啱好。呢款拉麵係比較粗身嘅，有咬口啲同埋飽肚啲。加埋兩塊厚叉燒同半隻溏心蛋，好滿足☺️椰菜絲又可以解膩海老拉麵 $85有大量嘅櫻花蝦，蝦湯底好濃郁。呢款拉麵就比較幼身啲。厚叉燒好正，半肥瘦得嚟又有焦香👍🏻拉麵可以揀麵嘅硬度：較硬、標準、較柔，再有得加分🌟雞軟骨棒 $28三個小食之中呢個最好食同最抵食，$28有兩條啖啖肉嘅雞軟骨棒，免治雞肉口感軟綿得嚟調味都唔錯章魚燒 $28醬料同木魚絲夠哂多，好味煎餃子 $28餡料好食，餃子皮再煎香啲會更好綠茶可樂 $20第一次飲，好新鮮嘅配搭，飲落去就係帶有綠茶味嘅可樂，鍾意飲汽水嘅可以揀呢款餐廳環境係日式小店嘅感覺

一生懸面呢個名肥雞就成日聽得多，而且喺旺角通菜街嘅分店成日大排長龍，所以肥雞就揀咗響淘大德寶商場入面嘅分店試下。嗰日去到非常之好彩唔使排隊，肥雞就揀咗個白湯豚骨拉麵同埋特濃豚骨沾麵，先介紹下佢嘅叉燒先，相信佢應該用噴槍微微灼過叉燒嘅表面,所以送到入口係有肥肉即溶嘅感覺，而且佢嘅湯底真係對得住佢個名特濃，但係又唔係死咸，肥雞基本上係成個湯都飲曬。佢嘅小食肥雞全部都試曬包括章魚小丸子雞骨棒同埋餃子 ，小食正正常常冇乜特別。

期間限定：廣島蠔沾麵。沾麵表面上沾超碎豬肉，麵質頗彈牙而且微微彎曲甚為掛湯，火炙過嘅廣島蠔飽滿多汁無腥味，叉燒係厚切層層豚肉，除卻火炙過嘅焦香味更帶豉油浸泡過嘅鹹香半隻溏心蛋流心但未有其他調味，反而味道更突出。沾麵湯由店家日常豚骨湯底再去配以打溶廣島蠔混合而成，入口有好香濃蠔味，舌尖感受到滿滿蠔魂，食哂都唔口渴就知道佢真材實料，無其他添加劑蒙混 生洋蔥可以消滯，麵食食完之後，我以青檸汁入饌沾麵湯，直接就可以飲哂

2022-10-21同朋友去咗牛頭角食拉麵😍去咗人氣拉麵店一生懸麵🍜之前見好多介紹，決定約朋友試吓😁平日晚市時間，客人幾多😃店員安排二人枱2️⃣我哋點了，海老拉麵，85蚊碗，有大量嘅櫻花蝦面，加上兩嚿肥叉燒，溏心蛋得半隻，湯底偏咸，雖然有大量嘅櫻花蝦，湯底飲無鮮味，叉燒略為偏肥，麵質既掛湯能力較弱，味道普通🍜章魚燒，28蚊碟，有五粒，食咗兩粒都好似食唔到章魚肉，其他都留咗俾朋友食，真係好麻麻🤣😂🐙整體環境因為餐廳比較細，會坐得好逼吓😳服務上咗年齡嘅店員，比較無禮貌，但其他後生店員又幾好態度🤭食物味道好普通，價錢合理，依間排隊食，建議真係唔好了，經過唔洗排可以試吓止拉麵癮🫣#一生懸麵#海老拉麵#章魚燒

其實之前都去過旺角分店食佢地嘅沾麵，今日同事突然提到想食拉麵先知九龍灣都有分店～可能疫情關係，平日午飯時間竟然唔使排隊！白湯豚骨拉麵 $69麵嘅硬度我揀咗標準，麵條都好掛湯，啖啖都有濃郁嘅豬骨味，都忍唔住飲多兩啖；溫泉蛋蛋黃仲有啲流心，亦醃得入味；兩塊豚肉燒得好香，只係唔夠淋有啲可惜總結：其實咁嘅價錢食到碗有質素嘅拉麵真心抵，平時出去最少起碼貴$20，絕對係止下拉麵癮嘅好選擇地址：牛頭角牛頭角道3號得寶商場地下121號舖評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

放工經過九龍灣德寶商場，曾聽聞有間備受好評既拉麵店叫做”一生懸麵”，好多KOL都追棒，所以放工時間約六點半去試下，當時無須排隊直接入座。海老拉麵因第一次光顧既緣故，選了較穩陣既海老拉麵。拉麵一嚟到就聞到陣陣咸香蝦味，湯底有鮮甜既蝦味，整碗拉麵滿佈大量既櫻花蝦，叉燒略為偏肥，用料與賣相都唔錯。不過麵質既掛湯能力較弱，溏心蛋只有半隻，有點不夠喉。總括而言，一生懸麵中規中矩，下次有機會必定品嘗一下招牌雪糕拉麵。

其實拉麵店好近公司，可惜每次lunch time都大排長龍，今次我哋早些岀發，終於有位！想試雪糕拉麵很久，想試花生味多啲，不過這次只得柚子味，都照嗌！一來到，首先先試一口雪糕，很香柚子味！單食都會是我很喜歡的雪糕，之前就和湯底混合一起，本身驚會很怪，沒花生味道那麼配合湯底，但是一試又不會呀，柚子反而會令湯底較清新，很乙吃！叉燒又燒得很香口，很喜歡😊

去旺角麥花臣睇演唱會前就搵吓附近有咩好食發現左呢一間<一生懸麵>門口一直keep著有人龍排隊大概排左15-25分鐘左右時間上可以接受特濃豚骨沾麵我好鍾意食沾麵嫁如果餐廳有做，基本上一定會試沾面個湯有好濃郁豬骨湯味面上有足夠油份當麵條沾上油份好滑餐廳好細心可以俾客人揀麵條硬度朋友鍾意食淋麵都可以按自己喜好調教我一向都鍾意食硬身少少嘅麵底好好食 好煙韌叉燒淋身鬆軟有用火槍燒過有一種燒烤味沾下個湯食唔錯經過旺角一定會再食！

最後係因為開係附近以前唔知道香港有咁多好野耐唔耐都會去食既黃店一生懸麵老闆何文富曾經係日本富士山55學師後來亦有打理過香港既富士山5517年自立門戶就係得寶創立左一生懸麵而家已經開左三間分店仲有兩間係旺角同荃灣今日都係去番得寶商場呢間佢地近期出左款雪糕拉麵雖然好多人都話好19但我就真係為左呢個拉麵先想再幫襯既可惜星期日二點幾去到已經話賣晒當時arhotv仲未收皮佢介紹既話黃店都幾多人會跟風果期除左將陷關公災難既拉麵天王起死回生仲令一生懸麵要排長龍都排左幾個字先入得一生懸麵係商場店但佢開放式設計無門口基本吧檯位都已經係貼近商場走廊個個行過都會見到門口擺左好多箱麵並唔是自家製出品餐牌同以前都係大同小異吧檯位廚房一眼睇晒肥豬肉就疊起然後拎過黎用火槍灸燒基本上黎親都係食呢個海老沾麵純粹覺得層次比較豐富不過佢個沾湯就唔算好杰就咁飲都入到口麵條都正常唔會太差有咬口既厚燒叉燒望落幾正但食落其實有d鞋口並無佢地官網所講既入口即溶不過有兩大塊同半隻溏心強係可以接受既水平我好似真係未試過係度食拉麵港女就叫左最普通既豚骨拉麵一樣有兩塊叉燒麵條較幼但就咁對比佢地拉麵湯就被沾湯比下去即係本身沾湯都唔係特別出色呢