影片
招牌菜
记得喺openrice睇过呢间毫不起眼嘅泰国餐厅食评不错，今晚就顺路去呢度试吓，果然样样都唔错，有一定水准！但系无试到佢D咖哩同蒜蓉包，唉吔，我见隔离枱有食呀，系厚切多士嚟架，应该好食㖞，下次有机会再去一定要试！ 连续两次去食泰国嘢都忘记咗蒜蓉包，激死！
继续阅读
昨日同男朋友食餐想好嘅庆祝，原本打算去九龙城小曼谷或金兰花食，揾吓揾吓喺OpenRice揾到呢间…同男朋友商量之后，虽然唔算顺路，不过男朋友肯同我去就梗系要试吓啦两个人好多野都想试，奈何个肚装唔晒！左拣右拣叫咗呢啲……拼盘 (有虾饼、春卷、扎肉、酿鸡翼) ~~ 两个人食啱啱好，鸡翼用粉丝什菜做馅仲有淡淡咖哩味，正！青咖喱鸡配蒜蓉包 (另收费) ~~ 蒜蓉包好味好松软配咖喱最夹 飞天通菜 ~~ 够香够味嘅一碟炒菜，又大碟，难得系唔见有肥油舖面 冬荫功 (中辣) ~~ 咁细盅仲以为叫错咗一位份量点知疑似老板娘话可以分到4碗仲即席示范果然犀利，真系有4碗呀椰皇 ~~ 新鲜椰皇咪就系够新鲜啰椰汁大菜糕 ~~ 饭后甜品，送嘅，都ok呀整体嚟讲我同男朋友都好满意，地方都好舒服亦干净企理，都一定会再去！
继续阅读
星期日又系出街开餐兼揾野玩时候，头站去牛奶公司食午餐，跟手去永旺食几舖胡……(谂住)！点知就磨0左成两粒几钟，好彩最后都愿望成真！胡就食饱，不过个肚又有D饿。出门口唔够三十秒，我个第一号损友：人称饮食界许文强，见到美食会发傻o既......(傻强)来电约开餐，叫我过八文楼果边，话有好野益我！佢系食家我实信佢啦。开车过去，望埋去间店门口都几骨子，仲有车位可以泊车，几好！入到去见到我个第二号损友：人称饮食界大佬细，食到美食会疯狂o既(疯狂细)都系度，唔…我谂呢度D出品应该都靠得住！首先点我至爱泰式海南鸡：有鸡味，够滑、连酱汁都好味。正！明炉乌头：条鱼够新鲜、泰式配料好有风味！得呀！跟住泰藉厨师推介，咖哩抄蟹、春卷、飞天通菜、泰皇汁抄大头虾、手打虾饼、串烧。全部一句话形容：好食到痹！仲有个冬荫公，料足加好味不特止，仲用泰国传统容器装住，简直睇得出店主有心思！揾店主朱先生吹几句，先知原来泰藉女厨师旧时系酒店泰菜主厨，唔怪得咁有料到啦！讲讲下，佢仲送客蒜茸饱请我地食，哈，又系好野！早知系咁就早d叫佢过0黎倾下啦，分分钟之前d菜都免埋呀！哈！讲笑！顺带一提，呢度有个女待应系选美冠军黎咖！所以真系值得推荐!
继续阅读