一浩 (已結業)

諗住去試下爆don, 結果發現只有星期一至星期四先至有, 唔緊要 , 試下其他嘢$580 一個刺身盛， 海膽食咗少少都頂唔順， 好彩冇 爆don, 如果唔係嚟咗成碗腥爆 海膽飯就大鑊， toro第一次食到咁多渣， 放題都好食過佢少少軟殼蟹卷完全食唔到有軟殼蟹， 食到最尾嗰舊，有蟹腳突出嚟嗰嚿， 擺落口都係感覺唔到有軟殼蟹保証元氣好食過佢

一浩是一間地方寬敞的日本料理餐廳，位於屯門黃金海岸商場，在黃金海岸酒店旁邊。座位可分室外及室內部份，在天氣晴朗的日子坐於戶外，可一邊享受著鐵板燒及刺身，一邊欣賞著黃金海岸之夕陽景色。必吃之選為肥厚的海膽爆丼，海膽來源地為加拿大，口感非常爽滑。另外，亦很欣賞其鐵板牛肉薄燒，份量雖略嫌少了點，但味道一流，絕對值得一試!

男朋友生日 今日去左黃金海岸食野！上網搵到間有outdoor 又幾好評語既餐廳!因為平日既關係唔洗等位! 我地坐outdoor!地方都算好大呀! 係海邊食野感覺不錯! 食物種類都好多 我點左個海膽丼😍海膽好新鮮呀😌冇腥味！好多海膽😋其實價錢都唔算貴！$238係旺角排隊食都要啦！滿滿既海膽...仲有紫菜可以包黎食! 紫菜唔夠可以再拎過~另外仲有澳洲m8和牛, 鰻魚芝士牛油果卷, 同埋小小魚生!鐵板燒既m8和牛真係唔錯, 雖然價錢唔算平$380, 同埋份量都唔多架! 不過幾好味呀!另外 鰻魚芝士牛油果卷我都好鐘意食牛油果! 再加上佢又有芝士, 同埋係鰻魚卷! my favourite...另外男友生日員工都好好送左個柚子雪糕比我地仲寫埋名~又主動幫我地影相~非常好呀!仲有d draft beer同埋其他酒類或無酒精飲品叫!哩度可以食到新鮮魚生之餘哩度有浪漫氣氛！😎不錯呀!!!!

位於黃金海岸 午餐時間抵食 環境優美 入到餐廳 仲好有情調 岩晒拍拖黎 今次黎 全部都叫左爆丼 因為睇相真係好吸引 不過其實餐牌仲有好多選擇第一個係拖羅超好味 新鮮有口感 不過比我想像中細碗第二個係海膽 個日有多朋友都想叫。不過得反2碗咋 你就知 佢海膽每日有限量 應該係新鮮 唔會肚痛你睇 好多海膽 絕不嗇色 吖。佢個wasabi係用人手磨 同外面 不同 幾好味第三個係吞拿魚 個人認為佢比拖羅遜色 不過可能因為佢搞碎左咁 個口感冇咁好la有三文魚 仲有個魚唔記得咩名 又有帶子 呢款選擇幾多 又不會膩 幾好

前一晚喺酒店玩完, 打算食埋lunch先走, 見Kazuhiro午餐有唔少款式, 於是決定喺到醫肚!餐廳環境唔錯, 一入餐廳右邊就能夠見到好大好開揚既壽司吧, 師傅好認真咁工作緊, 相當有氣勢。可能餐廳夜晚會做埋酒吧, 所以裝潢比較modern, 有別於一般日式餐廳, 而且仲有戶外位置, 面對遊艇停泊既地方, 天氣好既時候可以好好感受下海風。非繁忙時段入到餐廳都要等幾分鐘先有經理出尼帶位, 唔係唔夠host, 而係大部分host都喺到行行企企, 當時全餐廳大概只有5枱客人, host既人數比客人多出一倍。我地點左一個$298一浩套餐+$98雜錦壽司套餐。點餐既時候, host冇覆餐不特止, 更加冇反應冇表情, 我地連佢係咪聽到我地點餐都唔知, 佢連一句"ok"/"好"/"係咪咁多"都冇答我地, 望住我地點完餐冇再講落去就直接行開, 都唔好講之後上菜既時候冇講上緊咩菜。食物既質素亦都非常強差人意。$98既雜錦壽司套餐包括左沙律+壽司+烏冬。烏冬份量好少, 大概只有1/4個烏冬, 而且似噹噹, 壽司尚算新鮮。$298既一浩鐵板餐包括沙律+前菜+刺身+大蝦+帶子+牛柳+炒飯+炒菜+湯。前菜係

聽朋友講話在黃金海岸有一間可以望到海景, 舒服又抵食既餐廳. 今日特意同幾位朋友過來試菜起初我以為是小餐廳, 原來入面好大. 好似外國果D大餐廳咁裝修得好靚. 我地一早訂左位, 好彩有個室內望到海景既位. 當時心怯一怯, 以為會好貴. 一睇餐牌又OK平喎但...我唔記得影個餐牌...呢度既壽司卷係好好好好食, 特別推介牛油果芝士卷. 難得的好味. 刺身都好唔錯, 好新鮮. 最強大海胆飯!!!!! 來到時好開心, 海胆係鮮甜, 在香港日本餐廳難求的一種. 但價錢好平! 二百幾蚊(唔太記得exactly幾錢)角切魚生飯都係好唔錯其實中途我地有叫下酒菜, 如雜菜天婦羅(因有吃素的朋友), 燒雞亦(我真係中恴食~~~), 雞軟骨等. 因黎到就開心飲開心食唔記得左影了最後甜品叫左個豆沙糯米茲本來店員推介築地來的魚. 整條可一魚三食. 但我地想試多D其他野. 沒有叫果一條魚. 有點後悔, 下次再去試下. 因食完成餐後覺得廚師煮功都好一流. 刺身亦新鮮. 最後埋單每人計三百蚊左右!! 估唔到咁抵真係. 見到有鐵板燒都好正, 但當日有吃素的, 又有不吃牛的. 所以叫唔到. 下次真係再試下, 因介紹既朋

今日又想來過清靜午餐，令我想起黃金海岸的日本料理餐廳之前我有朋友吃過，也極力推薦我，終於今日即來試試，一見到這個魚生飯！哈哈！你真的不可不試的魚生飯！材料足，鮮味夠，咁嘅價錢，環境，服務已經超值哂啦！仲有兒童餐

A hot day out here at Gold Coast mall. Decided to come here for lunch. Had a simple but quality lunch. Sashimi is fresh and the cold soba noodle is well prep too! Highly recommend for anyone to dine here if nearby.

Mother's Day Value for Money set.... nothing lavish! Quality is good and prompt service... certainly a worthwhile place to go with the family

來到第一就話洒牌續唔到所以無洒。跟住點了刺身盛＋一個鍋 竟然上個鍋先。跟住個鍋差不都食完個刺身盛都仲切緊。想點啲鐵板嘢跟尾又話要等30分鐘＋。搵經理講佢回覆話總廚剛剛走咗幾日廚房比較亂,會同公司反映盡快請返個總廚。真是唔知佢怎麼做? 作為一間日本餐廳真是不可能酒同刺身的基本嘢都攪唔好。「經理」回覆亦另人無奈。難道無總廚就連最基本的技巧都不如？那就不如做吉X家快餐收 $40個飯唔好學人收$400。上菜慢到我要申請個Openrice Account 第一次寫食評。

特登走入黃金海岸係因為朋友帶我試新野鋪面很大 可能是平日 地方又比較偏 所以當日比較少人不用等位已經可以入坐被安排坐吧枱因應當日有咩食材關係所以食物由廚師發板店員都會問我們有咩食物係唔食由於朋友唔食海鮮+刺身廚師都會有特別安排所以我同朋友既食物係有唔同的首先會有2款前菜'忘記影相'之後到刺身拼盤(油甘魚、吞拿魚、甜蝦）另外有海膽壽司海膽質感挺身 入口有甘香既鮮味不愛海膽的朋友就會感覺有腥味天婦羅一點也不油 炸漿不會太厚鵝肝最後還加order軟殻蟹卷份量算多

一家大細假期嚟黃金海岸玩，入咗呢間日本餐廳食high tea，一入去侍應講明下午茶時段只能點下午茶餐，冇乜選擇，有啲想走人，不過因為太攰唔想郁，最後都留番喺度食，點咗啲刺身set同壽司set，再加啲串燒。要讚讚呢度嘅魚生，真係超新鮮，食得出鮮味，蔥花吞拿魚蓉壽司超正，串燒做得亦很好，唔會燒得太乾，尤其係燒雞翼同燒雞軟骨，好食。邊食邊見到燈箱廣告魚生飯好吸引，百拎蚊食到鋪到密密嘅甜蝦魚生飯，可惜下午茶時段冇得食，下次一定會再入嚟試一試。值得一提係呢度環境真係好舒服，呢個價錢環境好，食物掂，算好抵。

好少黎黃金海岸，太遠了，但搵到呢到好似好靚咁，佔地成二萬呎，有室亦有室外，仲對住海景，氣氛就係一流，啲咩紀念日呀, 節日呀去呢到一流。咁多食物，唔知點揀好，於是點廚師發辦set唔洗煩，$888/ 位再加一，廚師每日發辦食物不同今次發辦既食物:深海池, 油甘魚, 甜蝦蟹膏, 平目魚夀司, 火炙TORO夀司, 海膽夀司, 松葉蟹天婦羅, 塩燒油甘魚鮫, 鐵板帆立貝, 和牛胸外膜, 柚子黑豚肉坐係師傅枱，感覺比起坐普通枱不同價值$888一位，今次食到11款食物！坐係bar枱，師傅隨即放上蒟蒻同溫泉蛋然後第一款食物上枱--深海池，魚味極濃😳，但並唔係焾既質感，食落係爽脆口感。油甘魚，相當肥美，油脂分佈平均，食完魚味仲停留係口中徘徊。甜蝦，見住師傅幫佢剝絲抽繭，再砌返好佢上枱，手勢非凡👍🏻，蟹膏好黏但唔腥，蝦肉彈牙。壽司方面，平目魚比較平凡火炙Toro入口即溶海膽就海水味較重，個人不太好此款海膽。熱暈方面，松葉蟹天婦羅，由低至高係茹, 石斑, 松葉蟹腳, 海之花，個人最愛海之花💕！咸咸地好似紫菜咁。塩燒油甘魚鮫，魚燒到好香，配魚肝仔，可點酸汁調味，食落脂肪多但不膩，肉質稔。鐵板帆立貝，夠大粒！燒

黃金海岸，係我香港最最最鐘意既其中一個地方。因為身為九龍人，要搵一處有海，有沙灘，有外國氣色既地方，實在沒有太多的選擇。每逢假期，或者週未，想chill一下，我也會想到黃金海岸，這裡除了空氣好一點，也多外國人一點，感覺大家也很有假日既氣色。但係黎佐咁多年，總覺得欠缺一d野，有一個好靚既沙灘，一間好靚既酒店，近年連好靚既學校，都出現了，但就冇一間可以match到呢個環境既餐廳。近日聽朋友推介，原來黃金海岸開佐一個好靚既餐廳，所以我就特別安排佐呢間餐廳作為結婚週年晚飯既場地。這日大約7：00到達餐廳，果然沒有令我失望，這餐廳的感覺讓我想起沖蠅一d要揸2－3小時先去到既餐廳，感覺很豪華，很值得。餐廳室外既位置可以望到海，聽到海浪聱。而室內既位置也極大，bar枱，方枱，圓枱，各款座位，這裡也能找到。不說不知，原來餐廳已經開業半年，想不到我這個「黃金海岸通」，原來也已經者闊別這個地方有半年？從各款座位中，我最後揀選了omakase的bar枱座位，感覺跟廚師距離近一點，可以認識多一點。食物有four eye check，有大廚指導廚師去處理，一絲不句，務求把最好的呈現於客人前。冷豆腐上面加了薑蓉和

阿草阿雲第一次食廚師發辦(omakase)😻😻😻可以唔洗用腦坐係到等食😎壽司入面最正係呢個火炙拖羅，選材好新鮮，厚度適中既佢頗為肥美😋，油脂既分佈亦好平均，係真正既入口即溶😭💕💕連本身對拖羅唔大興趣既阿草都拜倒係佢既脂香之下❣️/除左拖羅之外，另一樣好impressive既係牛胸外膜😳雖然比較乾身，但完全唔鹹膩，牛味好濃🤤🤤🤤佢仲有四種唔同既醬汁點黎食，每一種既味道都好特別，其中紅色個一隻辣辣地好惹味😋配埋薄切牛胸食好夾~~唯一小小唔好係上菜有d慢，快翻些小就好了🙈/📍地址🏃🏻🚅🚌:一浩屯門青山公路1號黃金海岸商場地下R1號舖/伸利指數: 7.5/10x👅#foodcatalog屯門