一樂冰室

大前日（17-8-2025 Sun）老公瞓晏咗，買餸前食嘢，嚟到啱啱開始午市，睇睇餐牌，午餐由$56.00起，我決定要$58.00嘅忌廉白汁焗菠菜魚柳飯，要熱檸水。老公要$56.00嘅蔥油雞扒腸仔飯，同樣要熱檸水。落完單，好快到嚟嘅係熱檸水，我最後至飲，又係澀。2分之後蔥油雞扒腸仔飯到嚟，睇見大大份，老公食咗一半後到我食，雞皮充滿蒜香但唔脆，雞扒肉脆又唔嚡，睇仔唔鹹但好腍，蔥油係多但唔惹味，飯粒問題唔大。3.5分然後忌廉白汁焗菠菜魚柳飯到嚟，老公夾起面上嘅魚柳睇，唔大塊兼得一塊，下面嘅飯冇菠菜，係一撮仔都冇，只有些少炒蛋，想搵人反映，但反映又點？唔通等佢焗過，定烚返俾我？唉！照食啦，魚柳有啲腥，忌廉白汁明顯唔夠，滋潤唔到啲飯，飯粒偏乾。2分而我睇見遲過我哋嚟嘅客人，叫午餐有湯又有嘢飲，餐牌寫送湯或飲品，唔通嗰姓客人自己再加錢飲嘢？由於已經漏咗菠菜，而且我記得之前有次同老公嚟食晏時，落完單就自動俾中湯，於是我開口問叫午餐係咪有湯送？亞姐答有，係咪一個餐？我答兩個。佢就拎兩碗嚟。睇到一碗有粟米，一碗有蓮藕，重有紅蘿蔔豬骨，湯嘅味道係蓮藕味出啲，亦屬清淡。3分呢間𠲖o家其實有冇心做？上次3-8-2025（Sun）我同老公嚟食早餐（冇寫食評），老公杯凍奶茶少甜有酸味，我就叫佢哋換過。（全是事實。）抵食係2.5分上次食評係2025年5月2日提交嘅呢篇：https://www.openrice.com/zh/hongkong/review/%E4%BA%82%E5%9A%9F-e6023847…查看更多

Waiter態度極差，收餐盤嗰陣時餐具跌落我身上，整污糟曬我件校服，仲要同同事喺度笑，對唔住都冇聲就走咗，好似唔係佢整咁，校服上面全部都係啲野食嘅污漬。呢間野服務差唔係第一次，之前黎嗰陣時竟然俾紙啲人自己寫嘢，仲要串串貢，食物質素差，飯唔係凍就係硬，又貴，貴過附近除咗茶樓意外以外嘅食肆，對石圍角街坊好唔友善。如果唔係學生餐，食物基本上五六十蚊起步。有時仲要成日串客催客，趕時間過啲客，仲要成日上錯嘢，寫錯單，寫漏單，又唔肯改，係咁煩個客叫個客唔好改，但係有時個客落錯就唔肯幫個客改仲要黑口黑面，不近人情。…查看更多

27-4-2025（Sun）晏晝，老公喺呢喥用$60.00買個梅菜扣肉飯，外賣加$2.00，拎到返嚟見佢有中湯， 打開睇，份量適中，食落，太鹹啦，梅菜鹹係啱，但連扣肉都幾鹹，瘦嗰啲好乾柴。1.5分中湯就係青紅蘿蔔湯，唔鹹，適中。4分好立克唔落糖都甜，重俾2包砂糖。1分老公係上次喺食得喜買過梅菜超多嘅梅菜扣肉飯後（食評係2025年2月18日刊登嘅呢篇：https://www.openrice.com/zh/hongkong/review/%E5%A5%BD%E6%B5%81-e5925143），係都要喺呢間買嚟比較，呢間就正常扣肉多啲。上次食評係2024年12月14日刊登嘅呢篇：https://www.openrice.com/zh/hongkong/review/%E5%A5%BD%E8%86%A9-e5819441抵食係2.7分…查看更多

今日（9/Feb/2025)早上到石圍角商場一樂冰室叫咗個是日午餐「咖喱薯仔煎豬扒配太陽蛋」，坐底到飯嚟都冇比杯水我，飯到啲飯又硬又凍，啲薯仔又未熟，連最基本維持生命嘅要求都做唔到。😒…查看更多

今日（14-12-2024 Sat），同老公整啲後食晏，由於都仍要整喇，所以唔落荃灣喇，決定食呢間，坐低睇menu，發現今日嘅午餐唔吸引，於是散叫，老公要咗：2. 跟餐嘅熱杏霜好耐冇飲，所以叫呢個，唔落糖，都已經夠甜，味道幾濃，OK。4分1. $59.00嘅日式蒲燒鰻魚飯老公食晒，我只食一舊仔鰻魚，正常腍同甜。老公就話啲飯硬。3. $57.00嘅咕嚕雞球飯睇到幾多料，炸得外脆，但雞肉唔多，汁偏酸唔緊要，但好膩；飯嘅軟硬適中。3.8分4. 中湯食食吓，另一個女店員行過時話呢喥兩碗湯。之後就到，我哋唔理咩事，照飲啦，睇到有菜乾同紅蘿蔔，飲落，唔鹹，紅蘿蔔嘅味道偏多。3分呢篇食評嘅味道分唔計鰻魚飯。服務：老公叫人落單，個女店員問我哋係咪落單。真攪笑，唔係落單做咩叫你落單？落完後，老公話係咁多，佢問唔飲嘢？我答係，佢嘅態度好似好不滿我哋只嗌一杯嘢飲。落完單佢就幾將張單掉落張枱喥。2.5分抵食係2.8分上次食評係2024年9月3日刊登嘅呢篇： https://www.openrice.com/zh/hongkong/review/%E5%85%B6%E5%AF%A6%E4%B8%89%E6%96%87%E6%B2%BB%E9%A4%90%E5%A5%BD%E5%94%94%E6%8A%B5-e5657152。…查看更多

✨星期日通常都係出街食，今日去左屋企樓下間冰室食早餐，同屋企人都叫左沙爹牛通、熱檸茶。🍜✨一份叫了太陽蛋🍳、牛油厚多士、腸仔；另一份叫左炒蛋、方包🥪、腸仔。太陽蛋煎得幾靚，炒蛋份量都幾多。✨朝早10點幾唔算多人，坐得都幾舒服，整體都ok，上餐都算快。…查看更多

前日（1-9-2024 Sun）朝同老公食完早餐至去買餸，原本去大快活，但眼見冇位，於是嚟呢間，嚟到都冇乜位要搭枱，但職員話我哋知重有一張枱唔使搭枱，去到，係一張工人位，是但啦，由於我哋食咗30-8-2024（Fri）晚買，食剩3件嘅班蘭瑞士卷，所以都唔太餓，老公睇完menu話要$33.00嘅鹹牛肉蛋治，飲熱奶茶。我就要$35.00嘅千島醬吉列魚柳包，都係要熱奶茶。熱奶茶先到係必然，茶味都係唔太濃，唔澀但滑嘅。2.8分之後鹹牛肉蛋治到嚟，睇見鹹牛肉唔多，炒蛋幾嫩滑，食落，方包鬆軟，味道正常好味，唔錯。5分然後我嘅千島醬吉列魚柳包到嚟，呢個醬料份量啱啱好，成個包都好正常冇問題，只係吉列魚柳好少少硬。4.8分抵食係2.5分上次食評係2024年8月23日刊登嘅呢篇:https://www.openrice.com/zh/hongkong/review/ok-e5640681…查看更多

今日(23-8-2024 Fri)同老公放假,瞓晏咗,食個brunch先,去邊喥食?由於要執嘢,老公話唔去得遠,咁呢喥似樣啲嘅就係呢間,於是走嚟,嚟到時都冇乜人,搵張卡位坐低後睇menu,決定要:3 - 4.  跟餐嘅熱奶茶同熱檸水熱奶茶唔算好熱,奶味多啲唔澀,可接受嘅.2.5分1. $52.00嘅全日早餐我揀蒜香雞扒,有炒滑蛋,火腿,腸仔,丹麥酥同茄汁豆丹麥酥,茄汁豆,火腿正常冇問題;蒜香雞扒煎得脆,內裡juicy,味道都冇乜問題;炒滑蛋係真係好嫩滑;但腸仔竟然係好腍.3.33分$42.00嘅香煎豬扒,雪菜雞絲通豬扒同通粉都正常冇問題;而雪菜雞絲就有啲辣味,個人唔係咁鍾意.3分環境:冷氣開得夠大.抵食係2.7分上次食評係2024年4月22日刊登嘅呢篇:https://www.openrice.com/zh/hongkong/review/%E6%9C%89%E6%B2%99%E8%8C%B6%E7%89%9B%E8%82%89%E9%A3%9F-e5428002…查看更多

昨晚勁大雨就落樓下餐廳食小菜，一坐底8:10PM就叫了： 翠玉瓜腰果炒牛柳粒+ 鹹蛋馬蹄蒸肉餅，牛柳粒好快就送到，但肉餅等了半小時都未有要不停吹，飯已經凍哂，從未食過腰果煮餸完全係淋嘅， 啲肉餅又勁難食冇味， 好大陣豬肉騷味，一句講哂難食🤮，又貴…查看更多

前日（20-4-2024 Sat）朝同老公食早餐，食邊間？我哋求其去呢間食，入到去都仍有位，坐低後睇menu，見到有自選早餐，我$42.00嘅蒜香雞扒沙茶牛肉通粉飲熱檸水，老公要$36.00沙爹牛肉腸仔公仔麵，都係熱檸水。冇耐，一杯熱檸水到嚟，然後就係我嘅蒜香雞扒沙茶牛肉通粉。先食沙茶牛肉， 牛肉好嫩滑沙茶醬感覺比沙嗲溫和 冇咁辣幾好食;蒜香雞扒係煎脆過，不過浸咗喺湯喥所以冇咁脆，味道亦啱啱好，好味;通粉口感正常，但份量少，食完晒之後啲湯都可以飲，係幾溫和幾好味。5分熱檸水就正常冇問題。4分老公嘅嘢食就等得幾耐至到齊，而我睇返menu，其實佢嗰個唔係沙爹牛肉都係沙茶牛肉，咁我都食下一舊，果然都係沙茶牛肉，而腸仔就唔係廚師牌嗰隻鹹嘅腸仔，反而呢個冇咁鹹，但味道有少少怪，而口感亦都係腍啲，但老公竟然話鍾意食呢隻腸仔。抵食係2.7分上次食評係2024年3月13日刊登嘅呢篇:https://www.openrice.com/zh/hongkong/review/%E8%A6%81%E5%87%BA%E5%8A%B5%E8%87%AA%E6%95%91-e5349230…查看更多

噚晚（12-3-2024 Tue）因為我要去醫院探亞叔，老公唔去，咁佢就負責煮今日嘅飯盒，咁晚飯我就買返屋企食啦，食咩呢？麥當勞?我記起早前呢間派咗現金劵，冇理由之前幫趁咗咁多次，依家有優惠唔用，所以決定叫呢喥嘅外賣。我返到屋企先睇coupon連menu揀定，就要$72.00香煎西檸軟雞同$56.00嘅經典楊州炒飯，外賣每個加$2.00，就$130.00，可以用劵減$10.00，即係$120.00。落單後我話一陣自取，佢就叫我預15分鐘後有。咁我差唔多時間去攞喇，去到俾咗錢等多陣就整好。拎到返屋企，兩盒都熱，我哋開動喇。經典楊州炒飯，材料有蔥，蛋，火腿同叉燒，冇炒得過火，飯粒分明，鹹淡適中，冇期望嘅叉燒竟然好啲驚喜，係甜甜地，又唔太柴。而香煎西檸軟雞呢?見到好深色，食落炸皮仍脆，西檸汁味道嘅酸甜度係偏少少酸，但可以嘅，不過我覺得密密食嘅好食啲(食評係2023年12月31日刊登嘅呢篇:https://www.openrice.com/zh/hongkong/review/%E5%A5%BD%E5%91%B3%E5%85%A9%E9%A4%B8%E9%A3%AF-e5215736)，可能佢冇咁俗啩，不過呢間俾好多汁。上次食評係2024年3月2日刊登嘅呢篇:https://www.openrice.com/zh/hongkong/review/%E4%B8%80%E4%BA%BA%E5%A4%9A%E5%B0%B1%E4%BA%82-e5330331服務:我打去落單後，話自取，之後見到原來超過$60.00會送嚟，咁我打多次問可唔可以送嚟?佢哋答送唔到，唔夠人手。然後我拎住張劵去俾錢，收銀問我做咩唔剪埋?佢就幫我剪。其實我即刻掰都得啫，而且香煎西檸軟雞都未整好，咁都要話客人，而且呢晚堂食客都唔多唔忙，簡直自己趕客。已經要攪到要出劵自救，都重係咁嘅服務。2.5分…查看更多

乾炒牛河好足料，牛肉大大塊都有好幾舊，成個牛河唔會太油，有啲燶邊，但略嫌有啲濕唔夠乾身。調味適中，整體味道ok!奶茶紅豆冰好好飲👍🏻 碎冰上，奶茶本身都好飲，紅豆唔會太甜…查看更多

25-2-2024(Sun)朝,去完教會嘅老公返嚟同我食早餐,佢去搵位坐低先,我去到睇完menu,就決定要:2. 熱檸水留到最後食完嘢至飲,我篤檸檬都唔係篤得好犀利,但都澀,飲剩半杯飲唔落.1分1. $44.00嘅歐陸扒餐我揀蒜香雞扒,配固有嘅火腿,腸仔,茄汁豆,炒滑蛋同丹麥酥.蒜香雞扒味道唔濃,冇煎脆過;腸仔唔係普通雞肉腸,唔太鹹,不過味道有啲奇;炒滑蛋係滑;火腿同茄汁豆係來貨,正常冇問題;丹麥酥烘得好脆,但好甜,不過都唔關佢事,來貨本身係咁.3.42分3. $56.00嘅辛辣麵餐老公揀香煎豬扒配固有嘅火腿,炒滑蛋同丹麥酥.同老公share豬扒,睇見件豬扒好薄,大約8毫米厚吧,由於已經浸咗喺辛辣湯喥,所以一食就已經係辣,口感冇問題,就係咁.至於麵,老公冇任何comment,佢只係話塗太多牛油喺佢嘅丹麥酥,佢食之前都刮走啲.豬扒: 1.5分4. 加$3.00嘅凍奶茶少甜呢杯係老公嘅,我試飲吓先,味道好淡.老公飲完後,我睇見大半杯都係冰粒.不過都好,因為最後我哋自己斟水時,啲水好熱,可以加呢啲冰.1分服務:原本我係叫$52.00嘅全日早餐,落單時,店員指住歐陸扒餐叫我叫呢個,唔使咁貴.啊,原來嘢食都一樣,因為我唔係揀吉列魚柳,多謝佢咁老實.不過當我飲唔落嗰半杯熱檸水倒咗但要食藥,想自己去斟水時,但冇水.我唯有叫店員斟,但佢哋個個都話自己斟,我話嗰喥冇水,但都冇人理,因為佢哋忙𡁵.但忙都要拎出嚟㗎?已經唔使佢哋斟水,最後係我老公自己去出菜處拎出嚟,做埋佢哋嗰份.而且原來我斟完,大把客出嚟斟,佢哋冇一個出聲.抵食係2.5 分上次食評係2024年1月8日刊登嘅呢篇:https://www.openrice.com/zh/hongkong/review/%E5%8F%88%E5%86%8D%E8%A9%A6-e5227013…查看更多

雞翼冇左半邊⋯廚房上菜前唔睇下食物就出枱？定係冚住咗當個客傻仔懵吓懵吓食咗就算？明白新年期間會多客但係都要盡反做廚房嘅責任！餐由試業到今日都已兩個月啦！食物質素和味道越嚟越差！請有關人仕了解下！條邨係冇乜餐廳～但係邨民可以落去荃灣囉！本來話有下午茶不過改為3點～突然間見人多就取消今日冇下午茶咩餐廳嚟架！撳住搶⋯咁做生意下次都唔幫襯！😡😡😡…查看更多

食物質素好普通，份量完全唔夠！樣樣都勁細碟！最離譜係啲價錢！簡直係笑話！完全唔係屋邨價！貴過哂市區啲茶記總括嚟講，食物好一般，份量不足，價錢唔合理，唔會再幫襯！！…查看更多