影片
小弟第一次写食评：7pm入座，叫咗半磅三文鱼腩，墨鱼刺身，铁板秋都鱼，牛肉炒饭，两瓶波子气水唔计嘢饮点餐 20 分钟后先嚟三文鱼腩 + 墨鱼刺身之后等咗大半个钟重未有得食，但唔知点解迟嚟过我哋嘅三台已经食紧。追咗三次，我话唔嚟我卖单走，之后嚟咗个牛肉炒饭，离远见到已经觉得唔对路，Cancel 咗秋都鱼后一食个饭竟然系完全无味，食多一啖之后即刻买单走 (咁就 $257)评语系：真系劲爆伏，等咗差唔多一个钟食左个垃圾都无得再垃圾嘅炒饭，真心唔明点解可以咁多人食，同快啲执咗佢，唔好害人
继续阅读
红磡一本10几年前，星期六同同事们食lunch记忆中日式炒饭好好味今日12点07分到，一个人都无叫了薄烧牛肉饭等了15分钟才有质素香港式大份的无兴趣下次再去好在搭巴士去铜锣湾10分钟已到达
继续阅读
话说其实我琴晚已经打左篇食评但唔知点解admin仲未批我个留言可能标点符号太多 咁我就嚟一个冇标点符号嘅version啦话说我十年前黎呢间嘢食 同当时嘅女朋友嚟呢度都帮衬过好几次𠮶阵时觉得的确系几好食咁又话说琴晚同依家既女朋友又返嚟帮衬因为女朋友话门面都好似几靓 想入嚟试下咁呢个伏就甘开始 remarks我冇怪我女朋友咁好啦一坐低就落order点知等咗40分钟先有嘢嚟前题系我隔离枱迟过我 佢竟然早啲有得上菜我谂如果我冇催促佢上菜我可能真系要等成个钟我见另外隔离枱都有啲漏单嘅情况呢个都算啦我心谂等耐啲都唔紧要啦如果你好食嘅话点知𠮶个嘅焗杂菌真系得少量牛油味同一大滩水我女朋友话佢整得仲好食咁跟住嚟咗一碟好似争鲜咁嘅level嘅三文鱼刺身 中规中矩啦但啲画沙b就犀利啰 供鼻供到眼泪水都标埋出嚟个前菜就系螺同埋中华沙律 正常packing嘢跟住个铁板烧完全毫无味道可言 真系一滴盐都冇 净系食到少量嘅蒜味 浪费咗啲牛柳同埋鸡软骨 可能俾我整仲好食过佢跟住𠮶碗面豉汤 唔知系缩咗定点 饮落去咗少少酒味 总之好难饮跟住个鹅肝炒饭仲经典 用显微镜都揾唔到任何鹅肝 净系揾到啲粟米粒同埋萝卜粒 但油到咁真系摆唔落口所以最后我哋食咗一半就拿拿声走人本身谂住去街边笃串鱼蛋烧卖但最后到都系算啦 返屋企食生果填饱个肚算另外服务态度就冇服务可言啲侍应好串 上菜又慢 唔明点解仲要加一服务卫生环境都好差有好几只乌蝇因为佢啲碗碗碟碟收唔切所以啲乌蝇会飞落啲客食净咗嘅碟上面总之最后食咗四百蚊 真系去大家乐或者麦当劳都好食过佢十倍
继续阅读
今日已经好灰比人放飞机好少去何文田，谂住食返餐好d既日本野平衡返心理入到去叫左个lunch set寿司加乌冬（寿司师傅随意比既寿司），另外我再加左甜虾寿司，芥辣八爪鱼寿司，一黎到个甜虾寿司系得一条甜虾系上面，几咁孤零零😂我都系第一次见得一条，可能我经验少啦。甜虾入口系正常既，但个饭唔知咩事，好实，d味又怪怪地啦，我系好中意食寿司饭既，结果的只食左一旧其他都入唔到口😂😂😂😂个芥辣八爪鱼寿司系稀了了既奇怪口感，唔识讲。其他佢配既寿司有两件入左口难食到要lur返出黎。。。。真系未试过🧏♀️只有个乌冬正常可以入口。。。但唔会话好食啦。唯一既好处系系乜人，可以一个人坐四人枱。总结食完之后我既心情系灰上加灰。完。
继续阅读
食过一次，喜出望外咁平，今日专登再食。讲价钱 系无敌嘅，味道唔差，都大份。食具唔系贵货，但唔肯换。食物要等半小时。伙记态度唔友善：点「汁煮三文鱼」伙记A 话售罄，转「炸骨腩」。等左好耐，问伙记B 「你话冇汁煮鱼」（想讲：转炸嘅 有冇落单）都未讲完，即驳：唔系我话嘅😯sorry lor 我想讲「你 （公司）」
继续阅读