一本鐵板燒日本料理 (已結業)

廿幾蚊有個日式午餐. . 抵!我要了個三文魚頭鍋定食 $28 + 三文魚壽司 $6野食等了很久. . .等成4,5個字. . .差點發呆. . .好彩唔趕時間. . .慢慢hea. . .係崇潔街食三文魚頭鍋...最少起碼$50. ..定食ok. .. 壽司則麻麻地. . .比同街既分店抵食. . . 不過行遠左啲. . .平時番工lunch 過來食. . . 趕唔切. . .唯有週六過黎嘆. . .

好抵呀~~$5竹桶飯, $5湯, $6兩件sushi在鬧市找到您, $33一頓日本晚飯!!!鐵板燒(魚腩, 魚骨, 水潑)十分香口, 金黃香脆, 連骨也不放過, 佐啤酒的首選!三文魚竹桶飯很有風味, 最重要的夠熱, 在冷冰冰的12月下, 有一桶$5足料飯吃, 乎服可求? 別看它桶細細, 一人吃絕對有些膩, 最好與友人分享~~ 三文魚湯卻不算特別, 但勝在夠大碗!!sushi一般, 但勝在夠平!如果lunch time, order一個$12的套餐-有竹桶飯和湯, 加一才不過$15!!誰說慳錢要trade off taste??

長話短說......選擇這間餐廳是因為看見大家的食評都說這間餐廳不錯,價錢亦便宜。食物的確抵,但添茶方面要我們常常叫人才有得添。食物質素,鐵板燒類的食物有些烤得焦,而且等的時間十分之久,問了問職員,其中一碟是忘了拿出來,食物亦攤凍了。三文魚壽司,三文魚切得很薄,沒有魚味。結帳時,因為某大的學生會會員證有九折才選擇這間,但侍應竟說,要每一個都持有證件才可有九折,少一個也不行。因同行其中一位已畢業,變相沒有九折。我從未試過要每一位用餐的客人都要持有證件才可享有優惠這種說法。唱k只要一個人有證便行,在餐廳用信用卡的優惠也是如此。以後也不會再光顧了。

尋晚,專誠去去一本食晚飯, 雖然呢一處嘅日本料理一定唔係No.1.不過平平地搵野食, 又有魚生, 又有鐵板,再加上你喜歡嘅食品, 就係一個幾好嘅選擇.我去到叫左一個13蚊嘅set, 有燒魚腩, 魚骨, 同魚水撥 再加4件青芥三文魚壽司.燒嘅部分係D三文魚骨, 當然唔會係大塊肉啦, 但香味四散. 正!! 魚水撥最滑, 最香!! 一共四件!! 加上四件壽司, 小小青芥剛剛好!! 另外, 叫左 錫紙燒翠肉瓜, 一打開, 好香......原來香氣係來自黑胡椒. 正!!壽司呢......我叫左四樣!! 三文魚, 帶子, 螺肉, 蟹子!!帶子, 對唔住真係唔得, 唔新鮮!!三文魚, ok, 六蚊價錢, 超值!螺肉壽司,正路野.蟹子, 份量小左d, 都ok!!再加上, 魷魚鬚番薯天婦羅. $58足夠填肚, 味道不過不失!! 可以選擇!!主角出場!! 鐵板羊西冷 $48等左好耐, 原因是因為我未食晒d野食, 大廚睇到我成台野, 所以未做俾我! 好啦差不多食完, 大廚剛剛做好, 放上枱俾我.羊唔係人人都食得, 但我覺得呢處d羊, 有心食一定覺得好好味!! 鐵板一般都會切粒, 但大廚做好後, 一粒粒,

對上一次黎, 係幾年前既事lu, 呢間餐廳成日都見到好多人排隊, 但可能而家經濟不景及多左競爭, 好似無左咁多人黎食, 但價錢都一樣咁平, 味道都保持番水準3個人叫左好多野食, 鐵板牛肉粒, 三文魚刺身, 串燒, 呢度既套餐都好抵, 通常會拼個三文魚粥, 算ok喇, 但友人話腥左d, 叫左碟牡丹蝦壽司, 講真, 壽司係最差, 舊飯無乜味, 牡丹蝦唔係太似, 但其餘既食物真係抵食, 咁既價錢算好味架喇

3/06/2009 晴天放工後 真是好累, 因為昨天sleeping 4 個鐘, 放工後我和嘉豪去了紅磡, 不過今次不是去觀音廟, 而去了買文具!!, 我想買啲可愛啲的file&單行簿, 因為下星期要返夜, 要跟我同事落lobby學野, 要買記事簿寫下重要的事項, 起初我去"奇趣天地", 可是冇咩款式, 之後去了黃埔的"賊船"---吉之島,但是都是米奇, 布甸狗, 富貴貓...., 都是不合我心水, 最後我去了"大眾"看文具, 款式都是差不多, 都是xo, pc 狗, 大口仔.....etc, 不過後來見到"馬仔"的file, 都幾cute, 個女仔(馬仔)做了個 v 字手勢, 搓住條腰, 都幾cute, 之後買了一張"馬仔"relax 的貼紙, 和 file 袋,兩本普通的單行簿...之後去了食dinner , 嘉豪suggest 了去"一本", 不過有兩間, 最後我們都是不知道去邊間, 都是包剪揼決定, 去了大間的日本餐廳......可能是我們來得早, 大約6:20PM, 只有一枱family, 約5人正在用餐, 起初入到去的時候, 好鬼熱, 之後同番個waiter講, 開了冷氣

三文魚竹筒飯的飯一舊舊疵埋, 煮得太淋, 好似用隔夜飯再煮一樣, 三文魚碎兩三條, 完全不合格, 好難食, 唐揚雞軟骨, 炸粉太多, 外表唔夠脆, 裡面骨身的肥肉太多, 咬落沒有炸物的感覺燒雞翼皮太燶, 碟上十分油, 炸完先燒, 唯一最好的燒牛仔骨, 味道和肉質都不錯, 三文魚壽司的魚身夠厚, 味道不錯, 但不夠涷, 壽司飯太淋, 服務水準一般, 只有一位侍應, 三四枱客,

平時去開另外一間一本...只係因為太多人, 就行去呢間無咩人既分店其實之前都食過, 無本店咁好... 事隔一兩年, 再黎分店....主要叫熟食, 食左:幾款串燒, 即燒, 好食三文魚頭燒: 好腥...阿媽話個頭見到d肉係黑色! 唔新鮮...秋刀 & 青魚燒: 都係唔多新鮮鰻魚炒飯, 好食...不過等左半個鐘仲有其他野, 不值一提連熟食既魚都唔新鮮, 唔敢叫魚生服務:間店其實得5成full但係就好似無咩伙計咁又得一兩個師傅燒野變左上菜好耐....伙計要叫先jum水埋單:好在有check單...有樣野食話特價, 點知計左原價最後退返幾十蚊...唔會再黎!!!!!

2009-1-14(星期三)今天，路經此舖見到午餐–抵食$26(連加一服務費)包括咖喱豬扒飯好味道，附送既三文魚湯好清甜及燒三文魚好入味，正！有下次會再黎幫襯。

24-12-2008 是H & K一齊過的第一個平安夜，原本H&K 打算去尖沙咀食飯，結果因太塞車，決定在中途站紅磡落車搵食，落車後行幾步見到這間日本餐廳就沖了入去，但一坐低就發現有點不對勁，再望一望餐牌，嘩! 都好平喎! 開始有點擔心食物的質素，當然坐低了都要試下，我們結果點了以下壽司包括三文魚,甜蝦,吞拿魚沙律,帶子 ==>雖然好抵食,但不太新鮮, 老實說都算幾差,壽司飯好難食,唯有只食餸啦! 其中吞拿魚沙律壽司特別差呀!串燒包括雞腎,牛舌,雞冀,豬頸肉 ==> 算是全晚最出眾，但其實都只是非常一般燒物包括銀雪魚及牛仔骨 ==> 一般吉烈炸蠔 ==> 從未食過如此難食的炸蠔，完全唔似食炸蠔啦!總括食物及服務都不對勁，特別是上菜時間好慢，眼見每枱客人都追單!埋單: $ 240 ==> 雖然不貴，但絕不會再光臨P.S. 雖然平安夜未能食到好味的食物，但都好開心，籍此多謝 K 為 H 準備的心思 !

質素真係唔ok...差....三文魚岩岩係雪櫃拎出黎....凍冰冰...好唔fresh!饅魚好腥 !!真係唔得...如果想食平日本野就岩啦...我只可以這佢唯一既好處就係平...想食個正常既午餐ge朋友就唔好楝啦!

見上次去都ok，今次又去食多次啦都好似又平好抵食咁入到去叫返一兩碟壽司試下新唔新鮮先因為坐壽司 bar見到d師傅仔整壽司一見....反白眼咁滯!有d就唔帶手套有個就整舊花之卷，卷左成幾個字...又搵野"磅"住d3文魚等佢唔跌心諗....舊野仲食唔食得?!野食到...一放舊吞拿魚沙律壽司入口......嘔都嘔唔切!!叔既?!好在叫左唔係好多野....即刻結帳走人

琴日同 B FR.去食DINNER叫左 個3文魚粥 OK, 薄燒牛肉較喊, 刺身大家一定要叫3文魚腩因為我食到有渣拉麵食到味精好重,熟X拿魚壽C 都OK服務方面: D野黎得好慢, 連刺身DD禁易整既野都要3-4個字先有, 汽水都要吹先黎隔壁位話要蟹子沙律,沙律醬分開放, 條壽C仔好不滿禁話, 佢要自己落呀, 語氣好差

在這裡看過不少食評,第一忍不住要寫.想講的重點不在那燒燶的牛肉,無麵豉味的'麵豉'湯與那濕淋淋的飯,而是其員工.bar 枱的幾位員工一邊搓壽司飯一邊與其他員工談足球,遲放工無時間玩和出糧問題,不是我有心去聽,而是他們實在說得大聲,且每句話也夾雜著粗口,猶如一班爛仔在吹水,真不知有多少口水落於那壽司飯上.鄰坐有客人示意,落單類似經理的人不理走開,當說出要落單時,那類似經理的人竟說:「我知,我去拿紙寫而已.」我心想,做錯了還去找藉口跟客人辯駁,真是難得一見.食物來了,放下時與枱面碰撞的錚錚聲震撼了我的心靈,像非要趕客不可.埋單了,類似經理的人走來說了價錢便沒看過我一眼,因為他沒看我,所以亦沒收我的錢,我只好彎身把錢放上離我不近,他手拿著的薄上.這種地方,去一次也嫌多.

態度...差到不堪, 入門口, 周圍望, 個個 waitress 當時運高見唔到....之後想落單, 等等先, 想加水, 等等先~ 都唔緊要...你做野有先後, FINE! 但我想講...一路食住香口膠一路做野, 呢d 算咩態度, 你做 waitress 架! 做老闆都未敢啦...佢仲要係態度好串咁食wor, 你舉手叫人咩...佢見到...超超你...點點頭...但注意, 佢個頭係向上點的, 你話呢d 咩態度? 注意o下啦...你做 waitress 架, 過門都係客呀....收得平, 係你老闆意思, 人工低, 係你老細決定o既, 總之我做客o既..就俾左加一...唔該你俾返d 應有o既態度出來....我唔知樓上果位食評係咪指同一人, 真過份!!!講返d 野食, 上得好快, 鐵板燒係幾好的, 但壽司就...d 飯...."掟死狗"..一次過~ 冇下次~