一斑馬 (已結業)

間中都會去成業工業大廈食野，果到都幾多野食嫁。呢間「一斑馬」個名實在太有趣啦，令藍妹諗起「男人心一字馬」。🤣—簡單既Menu，簡單既點餐。—應該唔夠人手，所以我地等左好耐先比齊野我地。中途我地催左一次，老闆非常好客熱情，係咁同我地講唔好意思，不停跟進我地啲野到齊未。最後知野飲未齊，即刻衝去廚房催。😱見到老闆咁，我地都唔太好意思啦。😖—泰式燒豬頸肉拼芝士豆腐飯簡單既食材，能唔能夠吸引人食，真係好靠賣相。藍妹覺得賣相做得唔錯！😋豬頸肉有好多塊，唔係好林，幾有咬口，燒得幾入味。好鐘意芝士豆腐，芝士味好濃。☺️—50蚊有找，服務態度好好，野食亦達到要求，藍妹覺得已經好夠啦！😉

平時好少寫評論但今次因為呢間店太好服務和好好味但又無乜人知！觀塘返工返咗好多年先知有呢間嘢！原來開咗無幾耐！食泰國菜最緊要看看個廚師是不是泰國人。咁先正宗嗎！ 呢度好好坐又吾太嘈！打工仔食晏最緊要快！呢度包唔會令你遲到！味道好正宗！又大碟！

工廠大廈內，地點算易搵，第二次黎，因為好掛住塊香茅豬扒！今日塊骨切細咗，好細心。2點入去唔洗等位。今次配黃咖哩，個咖喱係希咗d, 但味道ok 可以。支持！下次食乜好呢

剛收到外賣紙就即管試下。反正食附近的餐廳都食到悶。全個menu都系泰式飯麵。第一次先試個冬蔭功河。打電話落單問泰式奶茶同港式有乜分別。佢話甜啲同唔會苦。好又試下。中午一點幾落十五分鐘送到都算快。離遠見個袋咁多嘢就知分湯了。好！唔駛嚟到啲麵林哂。開袋先將麵同湯撈埋。原先以為好小面原來都好大碗。豬扒得四小件就小啲。個湯可以我俾70分。豬扒夠味同配料可以我一共俾80分。杯奶茶真系甜左啲不過個味我鐘意，下次叫小甜先得。成餐50元喺呢區外賣叫非常唔錯。下次試下個咖哩！

觀塘上班午餐時間這間one zebra 食過二次，第一次因爲下樓姐姐拉客，所以一行十人上左去。上樓之後，轉左又轉右，唔係姐姐拉客真係好聽發現。第一次冇影相，但係。。。好難食叫左個豬扒米線，清湯底，冇味架冇色冇味同用清水煮冇分別。。。個泰式檸茶，有陣怪味，唔知點形容唔係香矛香，好怪。。。好啦，我覺得點我都唔會食第二次點知同事又話唔信甘難食，又去試46蚊連熱飲今次呢個黃咖哩串燒雙拼飯個咖哩水汪汪。。。好淡，都算啦啲。洋。蔥。係。生。既！點搞？今次我醒，飲檸水驚左佢啲泰式飲料仲有，啲姐姐好生手落漏單以後都不會來食，完。

2:00pm未食飯，中咗上成業睇有咩食，本來想去食台灣嘢，搵搵吓見到間似乎係新開嘅泰式嘢。門口有侍應邀請，好啦一試。平時去親食泰式都係雞，今日食豬，就係泰式香茅豬扒配青咖哩。喂ok wor, 塊豬扒好厚，起碼1cm厚，連埋條骨上幾得意，夠raw, 我buy! ！上菜時已剪開好細心，食落好夠份量，好香，入口好好味，軟硬度非常適中！好正宗的香茅豬扒感覺！青咖哩裡面有矮瓜，幾得意。仲有好多種飲品可以揀吓。$50有咁好質素！勝價比超高！

觀塘雖然出名多嘢食，但一到中午周圍都好多人，而且好多都食厭了。朋友話成業工業大廈2樓有好多餐廳，於是膽粗粗想去睇下有乜嘢好嘢食。見到有間泰國菜，冇乜人，但本人都比較鍾意食泰國菜所以打算試試。去到格局有啲似食車仔麵，有得揀面底揀湯揀配料。飯都係一樣可以揀餸揀汁。我叫咗個冬陰公豬頸肉金邊粉，味道都算唔錯，不過唔夠正宗一啲都唔辣，相信係想就返香港人口味，但整體味道都唔錯。男朋友叫咗青咖喱豬扒， 同樣係一啲都唔辣， 椰奶味好重，但因為男朋友比較怕辣所以佢覺得幾好食。埋單每人50幾蚊，而且都算幾好坐，所以都值得推介

來試試這家新開的一斑馬泰式奶茶聞起來極香甜，不過記得加糖泰式香茅雞翼湯粉鮮菇、生菜、蕃茄、香葉，有鮮甜的味道冬蔭功若味濃會更佳金邊粉夠彈牙爽口泰式香茅雞翼炸至金黃，賣相不俗，肉質頗嫩以45元套餐來說，份量非常足夠炸蝦餅頗有彈牙的感覺，配上醬汁，味道酸酸甜甜，頗開胃朋友點了熱辣辣的香葉青咖哩牛肉撈米線底部的青咖哩和米線都「索哂味」，她說好吃整體來說，味道不錯，價錢合理位於工廠區，附近的上班族可以一試

沒有相片，沒有食評，還是大膽上門一試。店內沒甚麼裝修可言，都是簡單的枱椅。食物款式都是一般大路的泰式粉麵選擇，香茅豬扒、雞翼、扎肉......。點了冬蔭功湯底的香茅豬扒米線，湯底很香，伴有幾塊鮮菇和小蕃茄，還看得見有芫茜頭、香茅、香葉等材料，不過個人喜歡更濃一點的冬蔭功味道。碗內有一大件已切成塊的香茅豬扒，不嚡不韌，味道也不錯。跟餐加錢要了芒果汁梳打，香香甜甜的也不錯。食物味道雖然算不上驚喜，但轉了湯底再加特飲也不過55元，那也不能太挑剔了。