一意點心燉湯專門店 (已結業)

由大窩口細舖嗰陣已經成日幫襯，等咗咁耐終於開返，雖然開喺工廠區但都唔算難搵，由青山公路入就較為方便，地方大咗舒服咗，枱多咗又有卡位好好坐。點心維持一貫水準，傳統美味。燉湯火候十足，燉出各種食材嘅味道同營養，出面嘅煲湯無得比。砂鍋飯食得出飯香味，保持飯粒最好嘅口感，再加上臘腸排骨同南乳豬手都醃得好好食，餸嘅香味滲入飯入面，非常好食。難得有點心舖會咁着重食材同咁花心機去煮，仲要係黃店，一定要支持嚟到一定要飲嘅紅棗杞子桂圓茶百•海•無•雪 燉湯百花魚肚南乳豬手飯臘腸排骨飯燒賣灌湯餃

之前試過佢既荃灣店，發現搬左新舖，呢日放假就同男友特登黎試。店舖位於工廈入面，響葵盛圍M記天橋對面，再行多陣就到。舊舖得3張枱，冷氣仲要唔凍，轉左新舖地方大左好多，地方光猛，冷氣舒適，野食都keep到水準>靈芝紅棗圓肉燉竹絲雞：燉湯好足料，味道濃郁，飲完覺得好滋潤，竹絲雞用上雞脾+雞胸+雞翼，食落啖啖肉，煮到軟腍入味。>黑金流沙包：可能見我地係情侶，上面圖案係心心+一枝箭，好有心思，流沙包都幾流心，咬一啖d奶黃就湧出黎，食果陣要小心。其他點心都幾高質，魷魚好爽脆入味；燒賣用上原隻蝦仁，食落多汁爽脆。特別欣賞舖頭會免費贈送紅棗桂圓杞子茶俾客人飲，之前好似仲有派飯比老人家食（老闆話之後會再響葵盛圍開地舖，到時去幫趁就更加方便）

葵興附近好似無咩好食，見到有間新餐廳，就試下。主要嚟試燉湯，餐廳另外有砂鍋飯同點心。我哋兩個人叫左- 羅漢果無花果雪梨雪耳燉肉排- 油鴨髀飯- 馬拉糕- 准山木耳餃- 咖哩魷魚羅漢果無花果雪梨雪耳燉肉排湯好甜，好似糖水咁甜，但飲完唔會多痰，都無咳，表示好天然，推薦。油鴨髀飯飯超級香好食，好開胃，女朋友話病既話過黎食都好啱。鴨脾夠哂咸，送飯好好。咖哩魷魚咖哩味唔算濃，但魷魚好淋，好易咬，讚，內附少量吸汁豆卜。馬拉糕鬆軟，甜度適中，不錯准山木耳餃幾特別，岀面茶樓較少見到，准山好粉，木耳絲脆，口感豐富餐廳每枱都有送，紅棗杞子龍眼水。微微香味，飲完好舒服。服務非常好，非常有禮貌，會再幫襯