一哥點心 (已結業)

話説此店人氣甚高，為食既我當然趨之若騖，2個人去飲茶，食唔到好多野，唯有看住好評order啦。食左四個點心，人氣的流沙紫薯煎堆仔，賣相靚仔，三粒中兩粒都好正常，只係其中有一粒係外熱內冰，食到成粒波子凍奶王，怪怪的，即場扣分。燒買正常新鮮，印像冇話特別好，一般貨式。懷舊大糯米雞，打開真係非常足料，仲真係有舊雞架，有隻鵪𪂹蛋，好驚喜吓濕濕地有d蠔油义燒汁，d米又唔會太稔，我最怕蒸得太耐一pat pat 果種口感，食落軟糯又唔會太乾。 好好既懷舊美食。 如果有大包就更好了~哈哈春風得意腸，早年好多茶樓都有供應，近年都少見左，可能工序煩覆吧。 這兒做的春風得意腸，口感有層次，内餡也好豐富，好得比我以前吃的還要好。這裏座位比較窄，枱太貼傾計唔方便。 手作點心做得好好，下次黎再試其他。這兒開茶用茶包，茶錢3元位，茶質當然係和3元掛勾啦，不設加一。個人喜歡飲茶人多，可以叫不同種類點心, 中國人坐大圓枱，圍枱閒話家常，天南地北，高談闊論才夠盡興。

向開飯見佢地多好評就同家姐去試了。紫薯流心丸， 外皮脆，一咬開有流心custard, 而custard 又不會太甜，不錯。 春風得意卷， 春卷內有淡淡蒜香味， 上加有蟹子，口感特別。多汁，但味道較普通炸蘿蔔糕， 呢味真係必食。 蘿蔔糕心軟同味清，但外皮脆， 上有車打芝士同鰹魚絲，味又豐富了。 無論口感同味道都內外成對比，很有層次。 芝士同鰹魚的味又好夾。龍蝦湯腐皮卷， 呢味反而因龍蝦湯較淡，不是太有惊喜牛奶布丁，真係用北海道奶，好香，但5算有惊喜。我同家姐2個女生食左164蚊，不貴。 呢間的創意真係滿分，欣賞佢地廚師的努力用心做破格的點心。 炸蘿蔔糕真係好味到難以形容。 超超超讚。

夜晚收工又肚餓，行經教育路揀左呢間以點心為主打既餐廳人流唔多，即時有位，店鋪面積都唔細，裝修試試正正，坐落好舒適寛敞點左個“鳳爪蒸排骨飯”同埋“春風得意”先講下個鳳爪排骨飯，用蒸籠加埋荷葉，可以鎖緊飯香，米飯軟硬適中易入口，鳳爪同埋排骨就肉質夠腍易入口，成籠飯整體上來講係ok,但味道偏淡，會適合想食得比較清淡既人，而且價錢唔貴，大大籠夠兩個人share食都只係35蚊之後呢個“春風得意”就真係值得誠意推介第一層腸粉皮好鮮滑，入面啲蝦肉好爽口彈牙有口感，再加埋外皮炸得好脆，蝦肉上面仲有蟹子做點綴，更錦上添花，價錢仲好實惠，一碟6粒，32蚊

尋日夜左收工，返到元朗都過左十二點，天寒地冬想搵啲熱野食，就諗住食點心啦，去到教育路見到有2間點心舖，因為之前食過另一間所以今次試呢間「一哥」。我諗住唔好咁夜返屋企所以叫外賣，㨂完點心比完錢，佢話要即整所以叫我地十分鐘後黎拎，因為天氣凍所以就去左對面seven睇左陣野再返去拎。返到屋企食嘅時候竟然係仲熱架！無諗過咁凍嘅天氣都可以食到咁熱嘅外賣！我地2個人叫左一籠鳳爪排骨飯、鹹水角、蒸牛肉、鵪春蛋燒賣。食鹹水角嘅時候嘩左一聲，我未試過食鹹水角係熱架！！以前去親酒樓食都係唔熱嘅，食熱嘅鹹水角真係第一次，重點係我係買外賣返屋企食，由拎外賣到返到屋企食嘅時間都起碼超過15分鐘，件鹹水角竟然仲係熱同脆嘅！所以真係好好食！個牛肉球係叫牛肝菌湯牛肉球，啲湯係可以飲埋架，都幾好飲添，而鵪春蛋燒賣入面竟然有蝦，勁驚喜！2款本身都好味，味道正常，質感正常。唯一相比之下無咁好食嘅就係個原籠鳳爪排骨飯，本身個鳳爪同排骨都好食嘅，但個飯底麻麻地，無咩味同埋唔夠軟。總括黎講，呢間野嘅點心係值得推介嘅👍🏻

服務差，劃錯單，食物未到客人要求取消，亦承認自己劃錯，竟然仲要俾服務員當眾質問！然後話劃左就無得取消！黎依度食野劃單要小心啲，劃錯左咩原因，黎左定未黎都無得取消，仲要俾人用超差既態度係全店客人面前質問！

在聖誕節假期第二天，約了朋友早上去一哥點心吃早餐，朋友吃完上班，我則去看大娛樂家。真的不可以忽視大家熱愛中餐的程度，光是等候已花了25分鐘，幸好我早到，時間尚算充裕。一哥的點心有驚喜的，也有平庸的，水準屬一般，不過我會願意再來嚐試其他點心，看看有沒有喜出望外之作。黑松露鮮蝦餃有期望是正常的，始終個人都喜歡黑松露與蝦餃嘛，可是蝦餃皮略為厚，蝦肉彈性一般，而且聞不到黑松露的香，吃不到黑松露的味，這個下次不會想再吃。龍蝦湯鮮竹卷有優有劣，先說劣方面，濃蝦湯不夠濃郁，只有薄薄的一陣龍蝦味，優方面則是外皮酥脆，沒有被湯浸得軟軟的，另外肉餡內裡扎實，不會軟爛肥膩，口感討人喜愛。鹹食點心值得一提是沙嗲金錢肚，金錢肚爽口彈牙，並均勻吸附沙嗲汁的美味，咬起來惹味帶嚼勁，醬汁亦不會死鹹，鹹度得宜，吃畢不用狂喝茶呢。另一款鹹食春風得意卷也是得意之作，腸粉皮薄滑溜，所包覆之春卷外層香脆無比，吃時還會發出聲響啊，蝦肉亦較黑松露鮮蝦餃的具彈性，春風得意卷可謂完勝。甜點方面，趣緻小白鼠絕對只是讓大家拍照，吃的話可不太合我心意，紅豆煮得不夠軟爛甜蜜，糯米皮軟糯感不足，相比一般糯米糍嚼感微硬。反而紫薯流心煎堆仔看來平平

一連兩個下午，都係去咗同一間小小的點心店。第一天是路過，衹吃了兩款點心做下午茶。使我去第二次嘅主要係碟綿花雞係連骨連皮蒸嘅，啲雞油滲入啲厚身魚肚，而且雞肉有微彈，教育路嘅點心店竟然有咁高質素嘅出品，所以第二日即刻午市食多次。第二天再點了好幾樣我的最愛...嘩，個粉皮滑得嚟有彈性，而個腸粉豉油真係啱晒我口味。 鳳爪排骨飯果啲排骨，係比較淋咗啲。蒸飯係一粒一粒嘅牛肝菌燉豬𦟌，超級香濃......阿媽都煲得冇咁好飲。不過要$2x 貴咗小小。

非常好味小籠包皮薄爆多汁龍蝦湯鮮竹卷個龍蝦湯好濃 腐皮係即炸春風得意腸 腸粉皮夠滑裡面包d 脆皮 外軟內脆 d 蝦彈牙d 包都一樣高質唔痴牙元朗必食價錢合理大部分點心都好有心機

今日晚上食晚餐，我本身坐近門口位，果陣已聞到有異味（廁所味），後來因為人數問題坐左去最入面果張枱，異味大到拿拿臨食完走人，本身仲諗住開左壺茶坐耐少少。望去餐廳最後面，直通後巷冇任何遮掩，估計係異味來源。整體而言，晚餐籠飯蒸出黎不過不失，睇落好大，底唔深，不過反而剛剛好唔會太飽。食物ok，湯熱辣辣，好飲。呢個價錢我又唔會追求服務，d姐姐你禮貌講唔該都會講聲唔駛客氣。但係自問嗅覺已經係唔靈敏果班人，鋪頭異味真係要改善下。

為咗唔洗等位，特登過咗2pm先去一哥點心。希望唔洗同人迫。本來想食佢嘅懷舊糯米雞，但見到有臘味飯，而且係原籠蒸，所以...即試。蒸飯粒粒分明，有臘腸和臘肉。臘腸食得出唔係cheap嘢，咬落有香味。臘肉夠身軟硬適中。如果有膶腸的話就100分啲餡料香到呢⋯⋯

如果吾介意服務差係👌🏻，食物有90分但服務吾合格，隻碗吾清潔要求換，竟然話綉，但明明一抺就得，因為成隻碗邊都有才要求更換，點心少了一件，同店員反影，回應係少一件算啦，我隨即話可否收少十蚊，哈哈！食物新鮮，但員工要再train

上次去已經係幾個月之前佢啱啱開張嘅時候，之後次次去親都見到有人排隊。今次叫咗大家姐去排定隊先。午市有蒸飯孖寶個惱老火燉湯真係好好味。鳳爪排骨飯啲飯一粒粒，加埋啲豉油簡直係絕配但個人認為啲排骨林左啲，如果多啲咬口就完美喇春風得意腸咬落真係卜卜脆，一定要趁熱食個脆皮千島蘿蔔糕真係好特別,完全估唔到啲味道會咁夾你可以食到蘿蔔嘅甜味，新鮮即炸，正呀仲有個紫薯留心煎堆仔，四個人唔夠分，唯有犧牲你哋啦哈哈後來見到隔離幾枱都叫棉花雞,於是加單，發覺原來真係正，啲雞係連骨嘅，魚肚索晒雞汁嘅香味估唔到冇見幾個月啲嘢食一樣咁好味，下次一定要試埋其它點心。

星期日 最好既消遣活動莫過於同屋企人飲茶 一行三人 係元朗兜左幾轉 見到呢間好似都新新地 開左無耐 於是就排左陣隊等飲茶 食物味道尚可，特別推介春卷，有好濃既蒜蓉味 而且夠哂香口 ，食落好脆，個湯就一般，不過有機會都會返黎！

真心好食過好多酒店中菜點心，前幾日食完某酒店米之連中菜廳，同呢個相比，一哥點心好幾班小籠包，入面好多湯，熱辣辣上枱，皮薄，大家都食到😋，鮮竹卷，好有誠意，皮脆，即炸左先淋上湯，所以好脆夠熱，好有誠意，呢個價錢食到甘用心既食物真好，蝦腸，晶瑩剔透，蝦新鮮，爽甜，皮薄好功夫👍🏻紫薯流心煎堆，內餡香濃蛋黃味，同奶黃配合比例剛好👍🏻有紫薯蓉，整體甜度剛好，而煎叉燒包相對地就顯得較普通，穩穩陣陣，但其他每樣野都有驚喜😄

幾個星期冇去，竟然餐牌改咗啲，有燉湯！1個湯$281個飯$34但係湯＋飯就$58， 即係平$4我點咗牛肝菌燉豬𦟌超濃郁鳯爪排骨飯，可惜鳯爪祇有2件。下次要另點一份鳯爪！個麻辣抄手好味！夠香夠辣2個人食咗$82，超值