一哥燒臘

营业中

休息中

百物騰貴....半年前成日外賣飯盒$18兩味加湯，尋日去食無以前好食，仲要$28堂食。睇一睇，嘩，外賣宜家要$23....真係一個月加一蚊呀。其實佢地嘅燒味係好食，不過最好睇住佢切。我都係叫左最愛嘅叉燒燒肉飯。叉燒比較瘦，所以要叫半肥瘦先會有少少肥。燒肉有少少失望，雖然皮脆，但肉鞋。平時燒肉係好好食嘅，有時仲會買D燒肉返屋企架。以後，外賣都可以考慮下。唔會再堂食。

本人最起碼一個禮拜去幫襯一次，但今日係本人最後一次。今日叫咗肥义燒鵝飯，點知一夾開ｄ鵝，竟然只見到ｄ皮包骨既鵝，一ｄ肉都冇，咁問舖頭阿姐，點知佢第一句就話我夾（了）過唔換得，但試問唔夾（了）起又點睇到冇肉呀，仲話要出聲先至有連肉既燒俾客食，我幫襯過咁多次都唔使出聲，不特止，我又唔識咩部位打咩部位，點講得出需要食咩部位既鵝呀。

觀塘午飯,真的是搶食世界,一入商場,三間不同食肆的阿姐都離遠招呼這裡有位,搶客都算搶得斯文,揀了方便位置坐下,阿姐招呼:單拼$24,雙拼$26,送例湯或汽水.選擇了燒肉雞飯.燒肉皮脆,最正是半肥瘦,個人喜愛有些肥肉才更好食.全瘦,有時很難下咽.切雞一般,蔥茸夠鹹,送飯很正!例湯(花生眉豆雞腳湯) - 每碗湯都有一隻雞腳,花生眉豆都稔,好飲,只是湯面稍油.眼看三間食肆的招呼都一流,服務週到有禮貌,可能是:有競爭才有進步吧!