一品齋甜品屋 (已結業)

3月23日與一班食友吃畢晚餐後,當然亦是找甜品吃的時候了,本來大頭目提議去耀華街那間的,但因我們人數眾多,因此便來了這裡吃,起碼坐在街邊,多多人也容得下嘛!我叫了芝麻糊溝麥米粥,未到前,原來老師也想試試麥米粥,但她又只是叫了紅豆沙,於是乎我的來到時,也不吃住,等老師開光後才進食,而大頭目也舀了一口來嘗試,我就撈勻先食,碗野都幾阿熱架,芝麻糊食落好滑,而且都幾香口,麥米粥真材實料,材料是童叟無欺,成碗甜品絕對是心機之作,食完好鬼滿足,值得前去一試!因為好久之前,係留言版估中左私房菜既菜式,邊樣最貴,邊樣最平,而大頭目亦在開估前說:邊個估中,下次請食甜湯,所以今次食甜湯之款項,順理成章由他來付了,謝謝你啊,大頭目!

叫左紅豆沙隻碗好有親切感好似細個果時阿媽煲果d黎到發現好多料每一啖都好濃紅豆味蓮子又林wor好好食但老闆娘態度就一般喇唔係咁殷勤我order一碗先佢好大聲咁話:"一碗ja?~"

惠記之夜,亦係我壞電腦之時,好慘!飲飽食醉最好有糖水滋潤一下,咁近城隍廟點都要去試試!一間聞名已久既糖水店,係一條幾靜焗既橫街,但係以真材實料主打,所以都好多人知,一行十幾人好熱鬧下,你又叫時我又叫,你試下我既紅綠兩溝,我又試下你既紅白大賽, 慨溫馨又有趣,我試左碗紅白兩溝,紅豆好夠火喉起沙,豆腐花好滑,但美中不足係唔夠熱,暖暖地,我鍾意熱D喎!

放工後趕來和幾位朋友們來一個甜品巡禮, 由淡至濃一共試了7款糖水, 先來的豆腐花, 豆腐香滑糖水香甜輕清; 接下來的是麥米粥, 麥米大粒有質感, 甜味和麥米味道十分平衡; 紅豆沙相信是招牌貨之一, 吃起來真的有起了沙的感覺; 再來的是桑寄生蛋茶, 味道甘香正好來清一清喉嚨; 芝麻糊偏於幼細香滑, 甜味和芝麻香味道平均; 湯圓價錢比想像中貴, 吃起來才覺得真材實料, 湯圓偏煙韌芝麻餡亦香口討好; 最後來的是紫米露, 紫米偏軟香口身甜味輕清. 甜品過後大家還分享了一隻川弓蛋, 外表有點像茶葉蛋, 味道有點像煙燻效果, 而且十分入味.

和老友記吃完gelato又window shopping 一番.先走到AX睇中褸, 再到Camper看鞋, 又到Agnes B看西裝.之後老友記話有"加時賽", 睇佢都好少係果邊吃中式糖水. 近近地一想便想到呢間.行到去都幾多人, 要左近牆角的位置.上次黎食天氣好凍要熱芝麻糊, 今次行行下熱熱地卻左紅白, 老友記則要腐竹銀杏. 兩碗同樣要凍.我冇試食老記果的腐竹銀杏但佢話好掂.佢試食左我果的紅白話更正.紅白我一食一啖真係幾掂的.有果皮紅豆,和豆腐花.紅豆一粒粒十分有咬口, 但最正的卻是豆腐花, 勁滑又有豆香.一啖有紅豆同豆腐花感覺真係幾過引.一路食又見有人駕車經過叫外賣.老友記初初以為碗腐竹糖水有西米, 之後阿姐指正係薏米, 雖然我冇食, 但我見到碗糖水都幾多料.印象最深刻卻是埋單婆婆都會講多謝, 好過大把侍應.

與食家們在同區大戰過後, 又來到溫馨小店一品齋, 此處提供的是較有家庭味道的出品, 今趟吃了一個黑白, 芝麻味香又夠滑, 相對來說豆腐花味自然覺得清淡,熱辣辣的芝麻糊混了豆腐花剛好中和了糖水的高溫熱度, 入口剛好, 完成後, 還見桌上多了一碗綠豆沙, 與Diskson仔合作快速把餘下的一碗掃掉, 綠豆沙也是不錯的出品, 起沙之餘又不甜, 唔錯唔錯~*以下為一碗半糖水之價錢

上星期五再次幫襯. 好快佢o地會搬去對面街的舖位, 唔使坐街邊. 叫了至愛的熱芝麻糊+ 麻蓉湯圓, 芝麻糊依然好香同滑, 唔太“傑”, 亦唔太稀. 湯圓皮唔太厚, 幾軟滑, 芝麻餡好香唔太甜, 個人覺得多點餡就perfect. 男友叫了紅白, 好大粒紅豆, 又有好多蓮子. 男友說今次比較唔夠甜.今晚阿姐唔多友善, 我一坐下就點了甜品. 阿姐送上芝麻糊+ 麻蓉湯圓後, 男友才叫紅白. 阿姐就開始罵我們唔一次過點甜品. 男友同我都覺得有點無奈, 如果佢唔鍾意, 可以一早同我地講.

好快佢o地會搬去對面街的舖位, 唔使坐街邊. 叫了至愛的熱芝麻糊+ 麻蓉湯圓, 芝麻糊依然好香同滑, 唔太“傑”, 亦唔太稀. 湯圓皮唔太厚, 幾軟滑, 芝麻餡好香唔太甜, 個人覺得多點餡就perfect. 男友叫了紅白, 好大粒紅豆, 又有好多蓮子. 男友說今次比較唔夠甜.今晚阿姐唔多友善, 我一坐下就點了甜品. 阿姐送上芝麻糊+ 麻蓉湯圓後, 男友才叫紅白. 阿姐就開始罵我們唔一次過點甜品. 男友同我都覺得有點無奈, 如果佢唔鍾意, 可以一早同我地講.

星期二一支公.咁岩公司同事放工叫去CWB 食糖水.自己又未去過一品齋食.找了一輪...初初以為執左..因為斜對面有間叫一品齋小食冇開檔.舖仔細細...裝修同佳佳差不多.同事叫了芝麻糊溝綠豆沙我則叫了芝麻糊.和蓮園比較, 我較喜歡一品齋的芝麻糊. 比較稀.一碗size中規中矩但非常熱...我吃完後隻碗還有餘溫.芝麻都香和滑.同事則覺得芝麻糊較甜, 綠豆沙ok.埋單$24.非常抵.及後步行到sogo 附近覺得有點口乾..可能真係比較甜呢

週六晚同班波友踢賀歲波，收隊後還意猶未盡，有人想來這裡食甜品，十一時多，就一行幾人拉隊來了這裡。有時真的不得不配服飲食雜誌的威力，當中有幾人是從其知道有這小店存在的。坐低後佢地好似就亂叫一通，又黑白，又紅黑，又紅綠的溝一餐，我就吃紅白。豆腐花仍然滑溜，紅豆沙香甜，紅豆大粒又夠腍，還有陳皮的味道，掂！佢地食緊自己果碗，又有時食下人地果D，真係有少少懷疑食唔食得出咩打咩！但見人潮開始湧進，亦有多人在等外賣，又有揸車來吃的，一時間把小店擠得滿滿的。埋單位位十蚊，吃得人人滿意。

自從最近試過此店的紅綠豆沙後，其他店舖的同類食品已再沒興趣食。前者非常多料，有口感，味道一流，令人回味無窮!

食過豆腐花＋芝麻糊，口感冇乜特別．．．其實都冇乜野．．

十多年前巳幫襯呢間糖水店(好多明星同有錢人都幫襯) , 最喜歡食芝麻糊, 好香芝麻味同滑. 另外鍾意食豆腐花+芝麻糊(黑白) , 豆腐花幾滑.已帶過不同朋友同親戚嚟呢間糖水店食, 佢o地都非常鍾意, 而且有時去開銅鑼灣, 佢o地都會嚟食.今日同男友再到此店, 他叫了紅白(紅豆沙+ 豆腐花) , 佢覺得好好味. 我沒有食呀, 因為個胃唔爭氣 , 如果唔係, 我一定會食我的至愛-- 芝麻糊

少少歷史：話說以前在附近返學，同鄰校異性友好放學活動的話，來這裡食糖水是最好不過，一來呢度唔遠，二來又旺中又帶點隱蔽，所以是求學時代的私家約會聖地。當時仲記得，唔係咁多糖水舖有「兩溝」食，呢度的紅白、黑白、紅綠係幾受歡迎的。上星期五晚：糖水舖依舊，不過就是一個人來。同班行家在附近有局，之後落左Inn Side Out飲野，食左不少花生，喉嚨有點涸涸的，最好就來碗糖水潤一潤。就趁有電話入，溜了來這裡幫襯。重遊舊地，依舊多人幫襯，十二點已過，不大的舖面還是坐滿人，而這裡的架部也沒有多大改變。坐在側邊的位置，個人而言來這裡多會叫黑白，不過今日有點飽滯，所以就叫了一碗我的另一心水選擇~凍腐竹糖水。這裡的腐竹不錯，煲得夠溶，奶白色的，不太甜，幾清潤；糖水內還有薏米，及我最喜歡的白果，呢度的白果大大粒，煲得微爛，腍又軟熟，是腐竹糖水的靈魂。這碗腐竹糖水，仍有水準。埋單12蚊，經濟抵食，有機會再路經呢頭也會再幫襯的。

10月26號,與他們吃過飯後,又來指定動作,甜點大戰~若不是朋友們帶路,相信自己也不懂來至這裡,此處位於旺中帶靜的住宅區,遠離銅鑼灣的煩囂街道,人煙較為疏落,我們到達時間只是九時許十時多,但這邊已是人稀疏落了.一行十多人,每人也點了心頭愛,難得是這裡麻雀雖小,但也五臟俱全,由小吃到大的經典糖水,這裡也差不多有齊,而且還能左溝右溝的,大部分友人也是選擇芝麻糊溝其他的,向來吃什麼也是多心的我,當然不執輸,也來個兩溝先,芝麻糊加久違了的麥米粥~~芝麻糊都幾香芝麻味,如再杰回一點,食味更好,至於麥米粥,食得出都做得幾好的,不過好像只佔整碗甜湯的三份一,如果和芝麻糊各佔一半,就好喇.有機會的話,再來吃麥米粥,試真一點那味道!!