影片
以上资料只供参考，请与餐厅确认详情
舖头系传统云吞面牛腩面格局，好有香港feel系买少见少既崩沙腩😍😍😍一品面家原来系好出名食崩沙腩入口软淋，牛香味十足上下层夹住筋+脂肪超级香口🤌🏻🤌🏻🤌🏻绝对会食上瘾辣椒油好香，唔会劲辣，完全系牛腩面精髓>$60就有得食😋😋😋must try💪🏻💪🏻
继续阅读
星期日嘅旺角，食饭时间度度都人头涌涌，间间都要等等等...，行行行行到朗豪坊后面，有间门口细细，叫 「一品面家」嘅小店，𥊙一𥊙见佢个地下几干净，一于入去帮衬！其实我都算几钟意食牛腩面鱼蛋河，但佢个自家制《手打墨鱼丸》好似几吸引，加上我又好耐冇食过墨鱼丸，决定嗌喱样，多葱。只系6分钟，墨鱼丸河已经送到，冇失望，首先多葱真系多葱！而且汤底清甜，墨鱼丸新鲜冇雪味，仲捞埋少少蟹籽添，咬落几得意，加埋杯《冻柠茶少甜》都系$50，旺角闹市算系抵。最后，我真心几欣赏一品面家嘅 「干净」，保持店舖整洁好似好简单，可惜，随口噏得出嘅几家连锁式面店都未能做到。
继续阅读
成日都好忙连早午餐都矛时间食，夜晚又要见客，见客前摄到二十分钟食饭，经验所知D烧味店面档上菜最快，见客地点过少少有间叫一品面店，于是冲入去，叫碗牛筋鱼蛋河多葱再加油菜一碟! 快快食完快快闪.优点:1, 首先上菜速度快.2, 牛筋够冧.3, 要求多葱，真系俾多葱.4, 碗河粉同油菜份量足，由其系油菜，好多面档D油菜得少少几条仔.缺点:1, 店内D买圆枱，我唔太欣赏.2, 香港D面档分港式同潮式，睇D葱就知! 港式嘅系葱花，潮式总系加D芹菜，芹菜味唔欣赏，个人喜好.3, 牛筋过咸.4, 鱼蛋弹牙但唔够松软，口感有少少实，当然果种实唔系咬唔开果种啦!个人喜好，都系港式面档夹自已口味，大地鱼汤底同五香牛腩先系我杯茶，食完快快找数去见客!最后都赶得切时间! 又倾成生意，感恩！
继续阅读