一品螞蟻

营业中

休息中

今日由於交通嘅差錯，走咗入去黃大仙中心度食早餐，搵咗兩層樓，見到呢間唯一有開嘅餐廳，即刻狗衝入去。呢間餐廳嘅早餐種類勁豐富，除咗基本嘅公仔麵牛扒雞扒魚柳三文治多士奄列麥皮之外，仲有埋粥同煎腸粉，好少茶仔會搞咁大龍鳳架。嗌咗個晨早流流相信喺茶仔都好難搵得到嘅早餐。煙三文魚炒蛋茄汁焗豆配蒜蓉多士，喺茶仔嘅早餐入面有煙三文魚我都係第一次見，雖然呢間係一間高級啲嘅茶仔，但係都係值得一讚嘅。煙三文魚比起食開嗰啲無咁鹹，三塊啱啱好餸哂個炒蛋，炒蛋亦都算炒得滑溜。不過當我想食塊多士嗰陣，嚇然發現有一群師父聚集咗喺包邊，邊有師傅用師父用得咁張揚㗎，真係要對住塊包邊嗌聲師公啊。不過又奇怪呢咋師公原本嘅定位係喺邊度嘅呢？係咪諗住嬸落啲炒蛋度嘅呢？

今日可以早D食飯，見到一品螞蟻下午茶餐去到18:00，打算早D食當晚餐，5:40落單，伙記話秘製去骨海南雞飯下午茶已經冇啦，但等到晚飯就會有返，結果就晚飯價左同被加一左(下午茶免加一)。不過冇所謂啦，其他下午茶都仲可以叫。秘製去骨海南雞飯。就算寫左去骨，其實都係會有骨既，雞肉嫩滑，黃油飯香口，縱然薑蓉唔夠味，辣醬唔太辣，但整體味道都係ok好味。馬來香辣豚肉茄子炒烏冬。豚肉茄子味道又唔係太香辣，但炒得都香口，可惜都落左唔少油，味道還可以。好啦，到我選的黑椒雞扒烏冬(冬蔭公湯) 又中伏啦！原本以為黑椒雞扒烏冬會係安全之選，但我錯在個湯底。我原本幻想個冬蔭公湯係泰式個種有香茅啊、草菇啊、南薑啊、都冇話想要大蝦架啦，但都唔係清湯加辣椒油咁樣樣啊！！！除左辣都冇咩味道可言，真係大伏。整體而言，各方面都非常一般，以商場餐廳而言連環境都唔算特別衛生舒服(地下係有D dirty)，真係有非常大的改進空間既。

紅螞蟻係我好鍾意食嘅 辣湯麵地方發覺原來食咗咁多辣湯麵原來港式嘅辣湯麵係最得我歡心唔油又夠健康冇味精就係我嘅首選因為紅螞蟻全部撤離我一向 蒲開嘅地方又唔近我住又唔近我返工又到年尾想去黃大仙還神諗住查一查睇下有咩好食見到呢間嘢即刻諗到紅螞蟻睇下個 menu 見到係我一路食開嘅 舊愛餐單真係立即勁興奮不過佢已經冇咗以前嘅麻辣味 湯底不過都有啲新嘢以前美味嘅炸雞排已經分量不比當年不過依然係雞味十足 又夠滑炸大腸冇以前咁好食 但係依然夠脆 不過太多肥膏辣椒醬已經冇以前咁好食以前酸酸辣辣而家好鹹但係冬日飲品有多幾個選擇又夠足料想滋潤梗係整番杯

同同事去開黃大仙做野，搵野食就去試下尼間，因為葵芳果間好食，同事話佢住果邊都有間好食。所以難食有個譜。。。咁佢叫左豬大腸雞扒髮絲麵（冇影相），佢話整體好食，麵既份量好多，但雞扒差dd。佢比左少少炸大腸我食，好脆好好食。我叫左9號餐。雖然賣相唔靚，但好好食值得推薦。難得我整碟食晒好香好味。咁我地野飲加錢，叫左熱桂圓杞子百合茶。我覺得淡到冇味似加左好多水，加上杯野偏凍唔熱。。。幸好之後叫佢叮番，飲落去好ddd。我以為淡到冇味係錯覺，點知同事都話唔甜，冇咩味。所以唔建議叫尼個。。。ps.一坐底唔夠5分鐘，職員前後問左3次落單未，我覺得好似趕客，但其實間店仲有大把位＝0＝可唔可以比我輕鬆下。

第一次岀post, 剛剛點了一客黑椒牛脷絲妙意粉，等了二十多分鐘。碟意粉咸到入唔到口。同啊姐講聲，佢就哦左一聲，冇反應。甘我就話cancell 左去。 佢就計我杯凍飲22蚊。 燥左，唔會再幫襯。

話說今天工作得太累又餓，想坐得舒舒服服吃個晚飯，於是來了這家一向不用等就有位的一品螞蟻，剛開張食過一次，在其他區分店也食過，不可以叫好好食，都不過不失啦。點知今晚就中伏了！叫了個鑊仔牛柳，淋上汁後準備吃啦，點知上面有些綠色汁狀物體有陣怪味，正確來講應該是酸「叔」味。老公幫我吃了一塊（一共有三塊）。後來，叫侍應來問一下綠色物體是什麼來的，侍應目無表情的說是「巴黎牛油」....請恕我見識少，不知道「巴黎牛油」是這樣的怪味，應該是酸「叔」味才對。於是我們也刮走了綠色物體繼續吃吧，我吃到最後一塊，用扒用的利刀也切不開，辛苦過剧樹⋯⋯其實肉鞋都無所謂⋯最後剩下點點兒綠色物體（照片是深綠色的）和石頭扒一件，我投降了⋯

髮絲...麵？咁大個人都係第一次品嚐髮絲麵！髮絲麵原來好似上海麵咁，麵條扁而且比較粗！重點係order既豬軟骨髮絲麵（$38）份量夠哂多！😍😍😍成舊豬軟骨size超過手掌✋🏻長度，軟骨部位亦多，肉質鬆軟，味道唔錯！不過選擇既椰香海鮮辣湯底就麻麻地喇！只有淡淡椰香味，一啲都唔辣

咁岩行過黃大仙中心又餓餓地就試下呢間。叫左個泰式乾炒牛河，唔知佢用左咩泰國特式，因為呢個牛河係一點味道也沒有要問侍應姐姐拎左辣椒油先繼續食到，其實加左都好一般。最重要係個牛河得一兩條肥牛碎絲，都真係幾重料下午茶46蚊黎講都算幾貴另外媽咪叫左個馬來特式豬爽肉炒飯，個炒飯濕淋淋，而且都係冇味唔知係咪我地唔好彩，但應該就唔會有下次啦

令人經常幫襯嘅餐廳，可以係好多樣野加埋，亦可能只有一個賣點一品螞蟻，祖迪一個人去食午餐食左好多次為嘅係3個原因:1. 座位舒適唔使逼☝🏻️2. 食髮絲麵☝🏻3. 有3種辣湯底揀☝🏻呢度地方大，卡位幾闊落，樓底高牆上亦有d裝飾品，令店內氣氛和諧午餐有多個餐選擇，價錢由$38-68，有餐茶和免加一，實在是非常相宜當然，我又叫左髮絲麵，配香茅豬扒香茅豬扒已切好了，好處是吃得方便，壞處是比較快會凍份量適中，這塊不多肥膏，香茅濃度適中來髮絲麵之前，來錯了米線，我同店員講，好快就換返了今次揀左椰香海鮮辣湯，老實講個湯底比較淡，亦無乜椰香，唔係話佢唔好味，只係同個名有d出入髮絲麵方面，係一種比較淋身嘅幼麵，但又比上海麵爽口少少祖迪好公道，講真呢度唔係泰國菜餐廳，呢個餐$39，咁平真係算係咁。檸茶是茶記風格總括嚟講，係好難形容呢度😂好似椰林閣咁，表面上係食西餐，實際上個menu又乜都有d，裝修都有少少格，不過d員工做野程序同招乎係集團茶記，背景音樂聽廣東歌不過祖迪搵到想食嘅野，就會繼續幫襯。

昨晚因為媽咪的ant club 兩張100卷到期，一行4人去晚飯。前一晚佢已經同細妹共4人去咗一次，但因為無講明分單所以只用1張100。咁昨晚就好醒目同waiter 話分兩枱。事實我地係4個人分坐兩張2人枱。當時個waitress 無表情咁話唔得。之後叫經理來，無表情咁講咗幾句唔得之後就話如果你地堅持要分就分la. 令我mami，dad很唔開心。首先4個人唔係搭枱點解唔可以分單找數，一定要一個人找？你張cash coupon 有寫最少4人可用咩。咁嘅態度同無謂規定今loyalty club 只有反效果。重要張coupon 唔係贈卷係我用錢買架。我一蚊tips 都唔俾。食完走咗出門口記得無取單，去cashier 叫個女仔俾張單我，佢又係無表情咁話張單廿幾蚊咋喎。然後print 俾我。這就是為什麼他們在餐廳仔工作而不能在酒店餐廳工作。我認為ant group 應加強前缐的培訓，鍾意去一間餐廳與否同D服務態度有極大關係。我爸媽話以後都唔去。

忌廉汁味道濃郁又多汁，吾會食到好乾，好creamy😌容易入口!份量黎講都好足夠仲有菠菜同菠菜碎，感覺上好健康🤗雞柳味道清淡，好似無乜調過味，幸好肉質都吾太'鞋'整體味道都系清淡為主，吾會太多油想食清d嘅朋友，呢個都系一個吾錯嘅選擇🤔

偷得浮生半日閒, 難得地可在假日去嘆翻個下午茶餐, 也喜歡“獨食難肥”這句話!黃大仙北館開了一品螞蟻, 看看能否保持水準如昔日荷里活廣場的那一間一品螞蟻!蘋果對蘋果, 所以我選了特式香茅豬扒法包 加一杯熱奶茶!法包香,外脆內軟, 豬扒味美汁豐, 水準比以前有過之而無不及! 一邊嘆著香熱的奶茶,一邊欣賞餐廳內精緻的擺設! 值得一提的是: 假期的下午茶也沒有收加一的!

因為要外岀工作，經過黃大仙，於是就開始我地既遲來的午餐。因為坐底已經兩點幾三點，人流不太多，侍應安排左我地坐卡位，所以就算當日拎住大包小包都坐得好舒服。餐廳係新開，花牌都未拎走晒，裝修新簇，坐位間亦空間十足。我同同事都叫左個越式香茅豬扒湯河，免費轉米線，湯底選椰香海鮮湯，餐飲跟熱檸水。唔使5分鐘，豬扒米線送上。廚房細心地將豬扒切條另上，以免食時整到成嘴都係油，同時又唔會被湯浸到冇味，雖然呢個只係小舉動，不過對女仔黎講係加分位😁豬扒帶有微微的香茅味，可惜分量小左d, 米線軟硬度拿捏得準，分量十足，一個女仔係食唔晒，椰香海鮮湯的確飲到有椰味，除此之外係冇味，唔夠咸，海鮮味小小都冇。請店員俾左d類似辣椒醬既醬我地，不過可能呢度唔主張食咁重味，所以就算加左好多醬都冇乜味。建議店家或可將價錢稍微調高小小，加多小小豬扒，個湯加返小小調味。