影片
又到放饭时间啦！！！今日午餐食位于港湾豪庭商场既一叶小厨🍃中午12点零钟都仲有位可入座睇吓餐牌先👀👀午餐多数都系一个𩠌跟一个饭，可选择菜饭/肉燥饭，其实好岩同人share，一人叫一个𩠌就试到两个𩠌啦！可惜我一人午餐🥣无人同我share🥲🥲🥲我order左盐酥鸡排跟菜饭，饮冻蜂蜜红茶杯红茶甜到呢⋯⋯唯有等佢慢慢溶化🫠🫠大约等11分钟，所有食物都到齐啦！食鸡排店员会提供调味粉，自己加落鸡扒度👍🏻👍🏻👍🏻👍🏻👍🏻我三只味（梅子粉、海苔粉、七味粉）都试晒啦⋯⋯最夹都系海苔同梅子粉鸡扒真系好炸，好热气😂不过中间个块有少少🤏生生地，整体都ok ge下次食其他先
继续阅读
特登黎依间连锁台湾店食依度装修简朴因为位置唔近地铁其实人唔多所以都坐得几舒服同朋友倾计或者想找个宁静既地方食饭都一流 晚餐叫左云吞鸡肉燥饭因为人唔多既关系 好快就送到肉燥饭无咩特别 但算多肉燥既 至于个云吞鸡真心几好食个汤虽然系味精汤但几好饮 送饭一流同埋成个云吞鸡好足料云吞好大粒 入面个虾都大只鸡就普通入面仲有其他配料例如菜同火腿等等食完真系好饱最后饮埋野饮非常满足 其实以依间野既价钱黎讲 性价比真系几高有机会都会想再返黎食依个抵食之选
继续阅读
外卖叫咗个炒饭，点知食食下，油浸炒饭，即刻食唔落了…………之前食过其他嘢唔错，服务都OK，所以今日见多人冇堂食，唯有叫外卖，都不求高质素，只求正常味道，点知…………炒饭出晒事
继续阅读
今日同男朋友去睇下有咩食，系出面望到个店面环境都几好，就谂住试试。送野食过黎既店员好冇礼貌，放低得好大力，好似我地得罪佢咁。跟住再试下啲野食，咁我地叫左台式孖宝肉燥饭。野饮就叫左蜂蜜红茶同柠檬茶。𩠌就简左黑醋猪软骨同台湾肠既。睇相张就好吸引，实际黎到就得两旧糖浆杯大细既猪软骨，一条台湾肠。咁都唔紧要啦，但啲肉燥仲少到两啖冇晒，就真系有啲少。因为食包都惯左加啲炼奶，当我地问个店员可唔可以比啲炼奶既时候，佢好唔耐烦咁话呢到冇炼奶。我觉得有啲侮辱左我地既智慧，一间舖点会冇炼奶，朝早早餐餐包都要炼奶啦。真系食到一肚气。啲野饮又好涩，要落糖加水咁饮。仲要卫生做得唔好，张枱有虫系到爬黎爬去。总括而言，今餐食得好辛苦。
继续阅读
自从屋企附近一叶执左笠，我就对佢既焗猪念念不忘，啲分店又唔就脚。今日终于有机会去大角咀分店食，原来唔系间间有焗猪，好彩无去错。虽然成个商场好似好up dup ，无阻我去揾间舖系好耐无见既焗猪，之前食开，佢啲饭系珍珠米好咬口，而且啲汁多，猪扒有香茅味好正。呢间食落其实少少失望，汁唔够多，猪扒有一两旧系好硬好干，唔够香茅另外再叫个炒新竹米粉，还好睇怕如果唔系咁啱经过 都唔专登过黎食了
继续阅读