一休(居食屋)日本料理 (38廣場)

营业中

休息中

黎到旺角食日本野，雖然多選擇，但要擇d大件夾抵食既，都有d難度既，今次試左間叫「一休」，都算係唔錯既選擇。環境方面係雅蘭附近，大窗口望街景，大量卡位連中間都整埋卡位，有d勁高既隔板，非常有私隱度。食物方面1）海鮮盛合拼盤，要抵食，又可以試下唔同野，就梗係叫佢個拼盤喇，先$188，包左海蝦，三文魚，油甘魚等等，刺身方面，佢做到厚切，入口好有口感，而且魚味油脂味都幾濃郁，唔錯2）燒鰻魚，份量就唔算多，但口感都唔錯，算有d彈性，肉質唔係死固固，而且食落都無乜骨，唔似放題果d任食鰻魚咁，食到要吐骨3）介辣outopus軍艦，非常值得推介，勁多料，介辣味好足，食一兩舊做前菜開下胃就岩曬，鐘意介辣既朋友一定要試下！

呢一晚，我又身處左係日本兩個鐘頭啦～每次去食日本野都當自己置身係日本！咁樣食野先夠開心～呢晚黎到旺角！又係想食日本野！旺角好多日本野揀，但係我又唔想食放題，行行下就黎到呢度～由於係星期日既關係，又冇book 枱，都等左陣先入到～呢個餐牌d野真心抵食，個刺身拼盤好抵食！！！188就有好多樣野！坐窗邊仲望到出面大大個招牌～唔驚搵唔到路！每枱枱面都會有醃薑！味道真係好正....我地忍唔住食左差唔多1/3樽...食完每樣野食1-2塊清清油利感！大推！一d都唔姑寒放係度俾你任夾！好中意食芥辣八爪魚！食落口個個嗆鼻感真係每次我叫既原因！！呢度既芥辣八爪魚壽司都冇令我失望～～八爪魚夠哂爽口唔會好似趙香口膠咁！又夠攻鼻牛油軟殼蟹手卷： 牛油果配軟殼蟹真係最佳既配搭！重點係紫菜夠脆！！軟殼蟹係即叫即炸，唔係有d放左好耐你叫就即上俾你～所以夠哂新鮮滾熱辣～仲叫左枝豆慢慢食～由一開始食到尾，把口冇停過！d枝豆唔會煮得過淋，有番一定咬口！正！刺身拼盤加細板海膽，細板海膽都真係幾細但價錢黎講性價比都幾高！夠哂鮮味，唔會係d黑黑地又唔鮮味～～其他刺身都好新鮮，磯燒鮑魚估佢唔到咁爽口彈牙，三文魚腩極肥美......

呢排心情比較鬱悶，難得週末，的起心肝約個老友出嚟飲番杯、吹下水， 解解悶。老友話要地點就腳，想食好啲，但又唔想太貴，一定唔可以限時，週末喎。。。真係考起我。上網 search 一輪，見到呢間一休日本料理，好似平靚正，一於試下啦。餐廳係雅蘭隔離，好易搵。呢度唔單止裝修平民化，連餐牌價錢都非常之親民。食肉獸必點蒜片和牛粒同埋雜錦牛肉鍋。蒜片和牛粒大大份都只係 HKD78, 超抵食 和牛粒夠林，洋蔥蒜片夠香，絕對推介，冇得輸雜錦牛肉鍋湯底偏甜，有啲似壽喜燒。有肥牛、豆腐、娃娃菜、冬菇 、金菇同雞蛋， HKD58 超抵食， 加 HKD12 仲可以有個白飯。食日本嘢點都要叫壽司嘅，我哋點咗餐廳推介火炙胡麻蝦捲。好得喎，蝦好彈牙，配胡麻醬夠開胃。跟住唔少得梗係吹水必食嘅炸雞軟骨同埋酒煮蜆啦。雞軟骨得喎，新鮮熱辣炸起，大大粒又一啲都唔硬，如果少啲炸粉仲好。酒煮蜆酒味比較濃，啲蜆好大隻，大大鍋， 又係平靚正。吹水當然唔少得飲番兩杯啦朋友點左巨峰果汁酒，我就試咗佢哋嘅梅酒 。梅酒後勁都幾強，飲兩杯有少少 over 添

成班朋友食飯，又好想揀一個坐得舒服、傾到計、嘢食又好味嘅餐廳，於是友人選擇試這間一休日本料理。餐廳設計十分舒適闊落，而且環境暗暗地，很適合朋友相聚成餐飯食物滿意之預，服務都系一流，店員keep住斟茶，又幫你換碟，好細心。海膽十分抵食，$148已有一板，食落鮮甜，不腥，必點之選魚生點了三文魚腩，一上台已十分有驚喜，超厚切！ 入口充滿油香，新鮮，$108 實在抵食另外點了特盛海鮮丼，有赤蝦，北寄貝，三文魚，魷魚等，十分足料滑蛋豬扒飯分量十足，飯粒不太林，沾滿豬排醬汁及滑蛋，很美味！豬排厚身軟熟，吉列皮脆口雞軟骨炸得香口，而且大碟，送酒perfect!睇餐牌仲有每日特價，下次再來一定要試！

係公司OT完都差不多9點，收到朋友的message 話佢都就做完運動，係旺角，問我有冇興趣一齊晚飯😉突然抽起條筋想食日本野，就揀左呢間位於山東街的店，在一幢商業大廈的一樓，地點頗為隱蔽。壽司拼盤(花) $128有十多款不同種類壽司，三文魚、鰻魚、吞拿魚、北寄貝通通都有，每種刺身都非常新鮮，厚切夾大件，相當底吃。海膽$148，原板上😜，味道甘甜，質感細膩，幾乎入口即溶。黑松露帶子炒飯$78甫上檯，那陣黑松露的香味已教人食指大動，加上炒飯粒粒分明，配埋帶子真是不得了。桃味梳打 $10吉列廣島炸蠔$52炸粉不會太厚，蠔的size大小適中，一口就能吃掉天婦羅海老卷 $108超大份，還有兩種味道，一款配上芒果另一款則是牛油果

雖然已經食左兩日日本野，但依家天時熱，星期日都係繼續食日料行開旺角咁岩見到呢間一休好似正正常常，就拍板決定入去一試因為阿妹唔係特別食生野，所以見到個幾吸引既壽司拼盤都唔要得 身為鰻魚控既我差唔多每間餐廳都必點鰻魚飯／鰻魚sushi，呢份鰻魚水準都唔錯另外點左一份極上和牛卷，一樣咁正另外仲要左三串串燒，分別係一串帆立貝($28)同兩串軟骨串燒($28)，要贊一贊串燒，好夠味，向來奄尖既阿妹都好鐘意仲要左碗辛辣黑豚肉拉麵（$65)超級大碗！好足料！不過呢碗麵真心有小小辣，唔食得辣既朋友要注意下原本諗住食綠茶紅豆小豆子，但無貨，唯有要個日本芝士蛋糕啦，估唔到又幾好食，好香芝士味，細細舊唔會太heavy野飲方面要左蜜桃梳打，甜甜地凍凍地夏天消暑岩哂 最後食唔完店員仲比左個盒仔我打包走

今日去左旺角食日本野，係朗豪坊隔壁地點好方便~火灸黑松露帶子壽司朋友唔食黑松露所以我自私食~黑松露味突出，帶子亦夠新鮮生美，不過$22一件略貴。大阪燒比想像中細不過味道唔錯，煎得香脆唔會一夾就散。雜錦天婦羅有青椒、大蝦、蕃薯、茄子、冬菇同蝦天婦羅，新鮮炸起熱辣辣，炸得乾身咬落一d都唔油膩，炸漿唔厚仲可以食到材料既鮮味。槍燒三色飯三色包括三文魚, 帶子同左口魚邊，個人覺得食槍燒比刺身好因為唔會凍冰冰但又食到刺身既口感，三文魚, 帶子同左口魚邊輕輕燒過，微暖又帶D焦香味，面頭仲有D燒汁增添味道，伴有wasabi係飯面，撈勻食好好食!岩石燒牛肉粒鍋飯原個石鍋上檯，所以成個飯keep住好熱，牛肉粒都幾多，牛味唔算好濃但肉質唔韌，中間仲有隻蛋黃，篤穿佢撈埋d飯食別有一番風味!配菜洋蔥同青椒仲有面頭既芝麻令成個飯增加香味，唔錯!小貼士:我地7點幾去到好快已經坐滿哂人，如果唔想排隊建議7點前入座~

今晚跟朋友在旺角聚舊，位於山東街雅蘭附近有間日式餐廳，一休日本料理，個人不太喜歡日本料理放題，沒有水準，都是喜歡單點，讓廚師有更多時間專心制作食物，這間餐廳餐牌食物種類繁多，有刺身、壽司、燒物、炸物等一應俱全，包羅萬有，而且店內環境舒適，可看著繁忙的街道吃晚飯。我們點了壽司拼盤（花）$128、海膽$148、三文魚腩$108、特盛海鮮丼$68、黑松露帶子炒飯$78、桃味梳打 $10、吉列廣島炸蠔$52、雞軟骨$45。壽司拼盤（花）- 有三文魚、蟹籽、鰻魚、吞拿魚、北寄貝等多款壽司，每款一件，足以填飽肚子，個人非常喜歡三文魚、熟蝦壽司，鮮味十足。海膽 - $148有完整一板新鮮海膽，非常便宜，海膽味道甘甜，質感細膩，幾乎入口即溶，沒有腥味，夾上紫菜片增加口感，一流。特盛海鮮丼 – 種類非常多，有頭甜蝦沒有黑頭，蝦的鮮味由口腔發出。黑松露帶子炒飯 – 吃了這麼多冷盤，吃一點熱東西是應該的，上檯很香黑松露味，每粒米飯都很分明。吉列廣島炸蠔、雞軟骨 – 吃完後再點了兩款小吃跟朋友談天說地，兩款炸物都非常出色。

近排食飯咁啱都係食日本野多，一樣都係旺角樓上鋪，又方便又可以坐好耐密密傾嘅餐廳。地方好大，又有卡位坐，睇下餐牌已經多到唔知點揀好，十幾頁咁多刺身、壽司、丼飯、熟食、小菜。。。而且價錢都唔貴！最後乜都嗌啲share一齊食～壽司拼盤 $218壽司味道都唔錯，雖然有幾款都食唔出咩魚，但都算鮮甜。吞拿魚花之戀幾特別，食落好搞笑，口感係平時食花之戀一啖好滿足嘅感覺，但係吞拿魚味嘅😂仲有鋪滿晒嘅海膽軍艦都正，但可惜只有一舊，要同朋友爭食🤪明太子雞翼 $48明太子雞翼唔使lur骨😬 入面釀滿晒明太子，但都仲有雞翼嘅肉係入面，啖啖肉又好味～汁燒魷魚筒 $78呢個我覺得係最抵食，唔使80蚊就有成條魷魚食，餐牌寫話北海道直送，肉質都好彈，唔會太腍或者太硬。炒雜菜 $50連炒雜菜都覺得好好食，加咗好多蒜片同芝麻，好香！

一休(居食屋)真的旺角平價日本食物之選是日因為想坐耐D，所以就去返一休(居食屋)啦，座為很寬敞，坐得舒服，刺身同壽司亦ok，熱食也可以做到好食，只是唔可以太要求好好食，哈哈~有時食貴野，都想食下D平野平均返的，最重要既係冇限時，唔洗食到趕頭趕命，可以慢慢食，整體來說，一休(居食屋)性價比高，都會再來食的。

和Honey 去旺角購物後，來到山東街口的「一休」日本料理晚飯。「一休」在38廣場1樓，店舖感覺乾淨企理，旁邊的卡位可望到街景。《蟹子海膽炒飯》$78 這個炒飯內有很多海膽，飯粒炒得乾身不油膩，充滿濃郁的海膽香氣，真想一吃要吃。《火焰黑豚肉烏冬》$65 湯面灑滿芝麻，很香。有一隻鹵水蛋，黑豚肉軟腍，帶些少肥肉，烏冬彈牙，豬骨湯底香濃好味。《大蝦天婦羅》$68 有5隻，天婦羅炸得薄脆，蝦新鮮《牛肉炒雜菜》$50 主要是椰菜，還有菇和紅蘿蔔絲，牛肉條薄切，夠入味，加上香濃的牛肉汁，不錯。

旺角食晚飯唔知食咩好，放題又太多人，隨機搵左一間日本野試試。上到去環境都好大，全部係卡位形式，唔會好迫又有私隱度，睇餐牌價錢有平有貴，刺身飯大約$60都有，都算係豐儉由人咁因為近排天口熱，我就毫不猶豫要食壽司！佢有唔同壽司拼盤，選擇困難症就如我，揀左款壽司拼盤等左一陣好快就上菜，不過好似有d貨不對辦，買相唔錯既，但係數量就同餐牌既唔一樣壽司飯比例都算細舊，係一啖一舊既size我覺得甜蝦 三文魚 帶子都好鮮甜，反而其他魚我就麻麻雖然我唔食海膽，但見到個海膽都鋪到滿，感覺上呢個餐都算抵食再食多個手卷其實都已經差唔多飽，但我又發現，個手卷冇牛油果，我嗌既係牛油果軟殼蟹手卷。。。另外仲有兩款好正既魚類小食雞泡魚乾 燒多春魚小食類真係唔錯，雞泡魚乾好好味，又係食到停唔到口果種，多春魚燒得剛剛好，冇穿冇爛又靚仲有碟炒雜菜，有菜食好健康其實佢選擇都算好多，而且價錢都算非常親民，當然食物質素就唔會要求到超高，不過如果可以改善下食物貨不對辦既情況就好啦，有機會再食時希望好些吧。

呢間唔係一間食放題既日式餐廳😂不過我地幾個以放題形式咁喪叫野食最後人均都$300幾蚊😂💸唔可以話好平，但我地真係叫左好多野😂其中一樣仲要係原條池魚刺身🤣！-講返野食質素先~我覺得每一樣野都幾好食👍🏻串燒質素ok，應乾身既夠乾身👍🏻刺身同壽司亦ok😛都新鮮，唔會腥😛炸物既粉又吾會太厚👍🏻熱菜亦夠惹味😚-以呢個價錢嚟講我覺得性價比算高嘅，雖然價錢最後可能同放題差不多，但勝在每樣野有啲水準，又有啲放題冇嘅野食！最重要既係冇限時，唔洗食到趕頭趕命，可以慢慢食吹下水☺️

最近計劃去日本，所以睇左唔少日本美食，但仲有一段頗長既時間先到，唯有係香港搵間日式小食頂住個癮先啦。上網見到呢間旺角小店食評唔差，食物相都吸引，而且又有優惠，結果係幾個選擇中勝出。星期五晚上6點到達，當時只有一兩枱客人；即使到7點都只係得3-4成客人，係旺角呢個鬧市，晚餐時間只有呢個人流，已經說明左佢既吸引程度。晚上7:30前落單，都可以優惠價$9點黑松露珍寶赤蝦壽司同三文魚腩壽司前者只有黑松露味，沒有蝦既鮮味；後者即使係腩位，但食落欠缺鮮甜、肥美感覺，朋友果件更有少許變色(相中圈起位置)。消費滿$100，即可以優惠價$49.9試到三文魚刺身十切首先要澄清下，由於餐廳燈光所致，相片同實物存有色差，實物係比較淺既橙色。味道普通，但同肥美、鮮甜仲有一段距離。滑蛋豬扒飯 $52「BLACK LIST呢個飯」係我既飯後感。第一滑蛋已經係老蛋，一D都唔滑；第二吉列豬扒唔知炸完放左係保溫箱幾耐，炸粉完全濕哂，好難食。蜂蜜芥末炸雞 $56新鮮炸起，炸粉好薄好薄，但唔脆；雞肉無怪味，正正常常；不過我唔太中意呢度個芥未醬，味道好鹹唔甜，好奇怪。小店價錢唔貴，但食物質素認真麻麻，即使免費都唔會再黎。

今次來旺角晚餐，見到網上book 位有折扣，所以就抱著試試也無防的心態來左。餐牌有頗多選擇，包括魚生，烏冬，壽司等等。餐廳的環境不錯，我們座卡位，座為很寬敞，坐得幾舒服。我們點了魚生飯和牛肉鍋飯，魚生新鮮配上粒粒分明的壽司飯，對於不喜歡食米飯的我，不知不覺就食完了一大碗魚生飯，因為飯很鬆軟，口感很好，加上壽司醋，令人胃口大增。牛肉鍋飯也是很有份量的，不過要是上菜時可以熱一點就更加完美了。整體來所性價比高。