ナカヨ食堂

营业中

休息中

呢間有一排都因為商場星期三既新鮮日而經常幫親,又由於唔識讀佢個名，所以我地叫左佢做飯堂XD佢係中價日本野黎講算係cp值高. 百幾蚊一碗丼，有魚生有湯其實真係唔錯. 最少佢味精唔算多，唔會話食完要飲成晚水!平時我地係會叫二人餐，但昨天大家都唔算餓，所以最後只叫兩個丼就算了...佢昨天個湯有三文魚，雖然都係大大條既骨，但都有碎左既頭頭尾尾咁，所以都唔敢飲到底，但個湯都大碗，好味!佢地間唔中就有新丼或套餐，所以我地平時行過都會望下睇下有冇新野想試，呢間以呢個價黎講絕對係飯堂之一XD

見餐廳新年期間推出左個好豐富嘅二人套餐 ，有燒魚、魚生飯同埋甲羅燒，仲有成板海膽送。兩個人份量夾埋都係400幾蚊而且唔使加一，即刻同朋友去試。甲羅燒香濃蟹膏上面舖了滿滿的蟹子、蟹肉同香蔥，食落口感好豐富。蟹肉唔霉好鮮味，用來撈飯一流。魚生飯幾款刺身都好新鮮，完全無雪藏嘅味道。蝦同帶子彈牙鮮甜，三文魚肥美。套餐仲包埋足足有一板咁多嘅海膽，雖然唔算特別鮮甜但無苦澀味，不過不失。另一款魚生飯本身就有海膽，同成板上嘅個種海膽比較係大塊啲。魚生飯上面個隻食落口感creamy，更加鮮味。飯面頭嘅刺身份量都唔少，性價比算係幾高。最令人滿意嘅係燒三文魚鮫，餐廳師傅燒魚個陣火喉掌握得好好，燒至外皮香脆而魚肉則好嫩滑，一邊夾一邊就溢出好香既魚油。另一條赤魚燒出嚟雖然唔夠三文魚咁有油香，啲肉亦都比較結實，但整體都燒得好好味，兩條魚好快就比我地KO左。套餐太豐富，仲有兩碗落足蘿蔔同海帶煲嘅麵豉湯，唔係普通用水沖開即飲嗰種。兩個人食到最後已經有十成咁飽，捧住個大肚腩好滿足咁離開餐廳。下次經過呢邊都會再嚟試下咁抵食又好味道嘅魚生飯同燒魚。

OT完去太古搵飯食，趁aeon未收拿拿林搵間餐廳坐低。呢間食堂零零舍舍多人，原來係食魚生丼，身為魚生愛好者又點可以錯過？！叫左個店長推介，有大蝦、油甘魚同火炙三文魚腩。每一啖都令人驚豔，實在太！肥！美！了！有點置身日本魚市場的感覺。望住店員燒個三文魚，好新鮮，同埋每一啖都有魚油爆發出黎，好滿足。個蝦好大隻，同埋啖啖肉。個飯就暖暖的，唔係攤左好耐凍哂。油甘魚的肥美程度難以形容，太好食了！！！跟飯有個三文魚湯，好濃好飲！估唔到aeon都有咁高質嘅餐廳，會再光顧！

宜家食魚生真係唔好貪平，一陣平個d唔乾淨食左蟲/菌落肚就手尾長。aeon food court呢間望落大份之餘，見到都多人排就知應該幾新鮮同高質，所以唔理咁多一於排埋一份。叫完好快就黎啦！大大份又擺得靚已經令人流口水!朋友叫三文魚蝦定食，隻隻蝦都肥嘟嘟好厚肉!而我既三文魚份量都非常之唔錯! 三文魚入口慢慢溶化軟軟地既感覺真係好正! 佢d飯唔係熱係和暖，所以一上就好即刻食。見到有其他人點燒魚條魚都幾大條下，但因為我嫌魚骨煩所以冇食魚。

今日去太古城睇戲，睇之前去康怡吉之島呢間食堂食左野先，平時行過成日見佢都坐滿人，想試好耐，終於今日去左食睇左好耐餐牌，揀左1個燒花魚定食，1個醬油燒油甘魚定食定食跟兩款前菜，1個飯同1個湯前菜個蕃薯好甜好食，湯係有魚肉既味噌湯飯上面既黑芝麻好香，連埋日本米既飯一齊食好正原條花魚冇乜骨，又多肉，岩晒鍾意大啖肉既我，不過佢魚皮再燒香少少我會喜歡多啲燒油甘魚勁多魚油，都好香，不過就細左少少唔駛$100可以食到一個燒魚定食，好抵

太古城康怡廣場餐廳好多選擇，如果趕時間，可以考慮呢間，雖然要排隊，好快會輪到，仲可以睇住師傅準備魚生飯，魚生質素當然唔可以同高級餐廳相比，平均百五元一個人，最驚喜嘅係有魚肉的miso soup，非常滋味, 加$20仲有鹽燒蝦☺️

是日同朋友想食日式食物，就簡左呢間，因為星期日，店內位置唔太多，只有幾張枱，同埋吧台，所以都等左陣先有位。灸燒三文魚腩丼（$99），三文魚腩好肥美，因為底面都有燒過，所以好多魚油滲出，而中間仲keep住係魚生狀態，而且厚切，口感好好，加埋日本米一齊食，非常好食。四色丼（$149）有海膽，帶子，三文魚同甜蝦，刺身都新鮮，海膽亦都甜唔錯特上長腳蟹肉丼（$149）期間限定，呢個除左滿滿既蟹肉外，蟹蓋內仲有蟹膏，用黎拌飯一流，而且仲跟左一個煮蜆煮蜆份量都唔少，不過就有d沙，味道都可以，另外仲送左一個烤魚呢個就偏鹹左些少，所以食唔哂~其實呢間性價比唔錯，以魚生丼黎講唔算貴，而且都多野食，唯一唔好係坐既位置唔太好，但食物質數同價錢可搭夠。

食堂喺康怡 Aeon 嘅 Food Court，驟眼睇好似 Food Court 其中一員，位置裝修唔搶眼。如果唔係屋企人捉住話一定要去，應該已經路過咗唔會去排隊。雖然舖頭細細，但佢有單人 Bar 檯同四人檯，上菜都快，所以輪轉都快，唔算等咗好耐時間，睇完餐牌決定食咩已經有位。我哋叫咗個二人餐再加兩個定食。等咗一陣啲嘢食陸續上，最後擺到成張檯都係。原本見價錢都唔會有好大期望，但食落好有驚喜。太太話佢果個鹽燒油甘魚鮫嘅質素相當唔錯，拍得住出面餐廳食，但平好多。我食果個火炙三文魚都唔錯，油香好好，三文魚仲有冷熱嘅層次。唔怪得我爸媽不時買完餸會喺度食埋晏晝至走，睇嚟我哋都應該多啲嚟食下啦。

岩岩去完日本返黎，都仲好掛住日本個啲野食，咁岩去開太古，點可以唔去aeon行下，一行aeon就行到唔知時間，又到左食飯時間，睇左幾間餐廳，終於決定食呢間既燒魚定食。望住個餐牌樣樣都想試下，最後決定試下兩個人氣商品，分別係《 鹽燒鯖魚定食》同埋《燒花魚定食》，仲有就係甲羅燒！落左單唔係等左好耐就已經有得食，條燒花魚好大條，開邊燒好配上檸檬汁，啲魚肉岩岩好，唔會過老，真係好好味。條鯖魚都有返咁大條，味道岩岩好，唔會太咸，加埋檸檬汁味道仲清新啲，仲有個麵豉湯好足料，好好飲，又大碗。個甲羅燒都好好食，啲蟹膏份量好多，上面鋪滿蟹籽，蟹肉，同埋蔥，撈埋食味道真係一流。呢餐係性價比高既一餐，既可以滿足下我掛住日本食物既心，食物既味道仲要唔錯。

今日lunch想食好d, 又想食魚生, 就搭叮叮去康怡食魚生飯。去到要先排隊, 店員會幫你安排位置, 佢既座位係吧坐設計, 中間可以見到d員工係度處理食材。同朋友一人叫左一個海膽三文魚飯, 每個主食都會跟埋個湯。等左大約5分鐘就有喇。魚生份量都算幾多, 三文魚油脂適中, 切得再厚身d就更加好, 海膽味道鮮甜。 留意返佢個wasabi係放係個飯上面, 如果好似我咁唔食wasabi就最好落單前講低。呢個飯$108 lunch來講都算貴, 但耐唔耐想食魚生都會去過下口癮。

等咗好耐先有位因為間鋪可以坐嘅位唔多而且夜晚都好多人等位要比啲耐性。呢個係兩人份量我哋叫咗個帆立貝丼加海膽同埋鰻魚玉子飯因為係一個套餐佢會送埋兩碗三文魚湯俾你飲嘅晚市食價錢都唔算好平不過係值得既因為帆立貝好大嚿好新鮮不過對啲海膽有啲失望因為唔夠鮮甜 鰻魚玉子飯就非常好分量十足啲汁唔會太多亦都唔會太少食到最後唔會得返啲白飯無哂餸😂不過一定唔會經常食因爲整體價錢偏貴不過佢既鰻魚的確值得一試都唔會後悔！

環境2分：大型商場地面超級市場內嘅food court，地方唔大，有吧檯位，有二人四人枱，食晏時間要等位。衛生3分：乜都係自助，衛生係正常快餐三分貨仔。服務3分：同快餐店一樣，要自己排隊買嘢食，自己攞水，wasabi，豉油，筷子，同嘢食，正常冇服務嘅三分。味道3分：海膽三文魚丼，個餐跟一碗麵豉湯，麵豉湯嘅份量比出面食開嘅大碗，味道正常冇特別， 快餐店唔會expect好多。重點係個海膽三文魚丼，份量唔係好大，但勝在三文魚同海膽都幾新鮮，個飯少少甜，唔太凍唔太熱暖暖地，煙煙靭靭唔錯，畀佢三分。抵食3分：109蚊一碗日本魚生飯，不過不失，但碗飯嘅份量比較少，所以畀三分。

公司同事對食物非常講究，佢地成日都周圍去搵唔同嘅食店，話返工咁辛苦，lunch唔食好啲真係對自己唔住。同事對食物好有要求，大家尤其對日本料理情有獨鍾。其中位於康怡廣場呢間Nakayo Shokudou算係其中一間大家去得最多嘅食店，我今次就第一次跟佢地去嘅。Nakayo Shokudou位於foot court入面，佢嘅主打係刺身丼，不過由於客人好多，佢地話呢度經常都排滿人等位。我地今日由於早到，先係foot court搵定位再買票，所以好快有得食果然係有經驗！反正都係要食不如食個好啲架啦！我揀左呢個海鮮極丼，入面有吞拿魚腩蓉同海膽呢兩款貴價刺身，加上其他刺身如三文魚，真係非常豐富。價錢$158一客，其實都非常合理。

來到太古城的AEON STORE, 血拼前先行飽肚，才有力量再走再行。二人前餐C有味噌湯、海鮮丼、龍蝦以及燒蝦等等，看起來CP值相當高。落了單後，都是如常的等著pager響。先上的味噌湯，有大量白蘿蔔片、紅蘿蔔片，還有三文魚肉，豐富盛味！海鮮丼用的是厚片三文魚，還加上海膽，好食到無朋友！稍後上的燒蝦們熱度剛剛好，半隻芝士龍蝦啖啖肉，芝士恰到好處，龍蝦頭更是有超多膏的！燒大蝦亦是一絕，鹽味調得勁正！反而燒魚鮫只是一般，燒得不夠香……反正是送的，也就罷了。總括而言，是抵食又好味的一餐。

這間店舖永遠都是我治療我想食魚生的治療店😂😂😂經常有特別新款，特價套餐推出👍👍👍食放題又太過飽，所以每次都會去這幫襯，不過經常排隊等位😂😂😂今天點了三色丼（赤蝦，三文魚籽，海膽）,另一個是人氣商品海膽三文魚丼😜😜😜，套餐還包一碗湯這店的魚生都算大塊，而且很新鮮，沒有偷工減料的😋😋😋每個海鮮丼買相非常之美觀，超足料，每碗都配搭上薑片。赤蝦超級大隻，海膽和三文魚籽都一大堆，鮮甜新鮮😍😍😍而且套餐送的湯都唔hea嫁，超足料，用三文魚骨，白紅蘿蔔淆製出來的。其實還有很多套餐都非常抵食，所以有機會經過可以試下😁😁😁重點價錢夠平民，魚生新鮮又唔hea, 還有吧枱和其它枱可以選擇😉😉😉