まじめや (已結業)

海胆鱼籽蟹肉蟹膏烧 $128蟹肉蟹膏烧 $78虽然蟹盖个size有d迷你, 但系蟹膏份量绝对唔少! 蟹膏口感好绵密, 入口会渗出淡淡蟹嘅香味, 非常满足!❤️ 至于海胆几香滑都唔腥, 但系我唔算系好钟意食海胆, 所以都系比较钟意净系蟹肉蟹膏🙈-串烧5款 $118串烧款式日日唔同, 主要系盐烧再洒少少黑椒, 味道已经好够, 而且冇乜酱唔会太油腻👍🏻 中间嘅香肠包住鸡腿肉几特别🍗🤔-P.S. 我系星期五夜晚去, 个晚都几多人, 食左一个钟就好快清枱要我地走... 可能lunch/平日夜晚去会好少少...…查看更多

本身谂住都系揾间唔难食既楼上日本野，唔太贵而倾到计既，一开䢂门已经觉得间餐厅超班装修有高档而好贵既日本居酒屋风，由于订左位既关系，佢仲俾左个小房仔(其实系好似卡位咁加上半边墙)，非常靓又聪明既设计而倾计又一流，未食已经好感大增咁既装修加埋服务都系好好，即刻惊左一惊，似乎会好贵即刻睇下餐牌，都系7-80起，食埋鱼生饭既餐都系118，跟住就谂：装修靓、服务好、价钱平，唔通好难食？！先上一个Majimeya炸鸡定食，每一个定食都加埋有三款渍物、沙律、面豉汤，细心又精致，一餐多个口味同口感炸鸡入口好腍，外面保持到脆既，鸡味浓而唔系雪鸡，味道适中又够风味，加少少七味粉送珍珠米简直系一流饮品拣左冰乌龙茶，又香又清太油时饮啖再食，鸡味更正另一个系海鲜丼定食，卖相已经无得输^_^多款刺身吸引不特止，细心之处系加入埋酱渍海鲜同三文鱼籽，成个饭既口感风味都正左好多啖啖都有唔同既鲜味，鱼生新鲜更不在话下，尤选红虾同帆立贝饭、紫菜、醋既配搭亦好好非常高分的丼咁既地点、咁既环境、咁既服务、咁既价钱、咁既食物，都无咩野有得挑剔啦^_^食过你就知我无夸张#间房真系靓唔讲得笑#张menu个个都想食真系好难拣#晚市应该饮下酒仲正…查看更多

呢间餐厅已经系我第唔知几多次黎嫁啦, 叫做系水准KEEP 得好好既心水餐厅之一.  今日都同老公番黎食, 食下串烧RELAX一下. 今日餐厅真系好多人, 如果唔好食真系冇可能上楼店做到呢个效果. 我地BOOK左都只可以坐BAR 枱面对住师傅食.  我地好快就叫左野食见到咁多人都知要快手如果唔系烧物都要等. 好快就上左田乐茄子, 个味噌好好味.配上我最钟意既茄子好夹. 淡淡既茄子夹埋浓浓既味噌做成一个PERFECT MATCH.呢个系雷鱼一夜干, 通常见到一夜干我都唔会放过! 呢个正在可以连骨都食埋, 真正食"鱼"唔吐骨!味道有小小焦又有咸鱼既咸香加小小柠檬汁真系好FRESH好好味. 呢2个系我地次次都必点嫁. 因为一来超抵食又超好食. 牛仔骨系$78, 味道系甜甜地不过又唔会掩盖左牛肉既牛味, 令到我地愈食愈想食. 海老系小小盐味, 味道好鲜肉质好爽. 跟住我地再叫左个串烧盛, 由师傅发辨次次都令到我地有惊喜... 今次我最欣赏既系露笋牛肉卷, 食落有露笋既鲜同爽, 又有浓浓既烧汁牛肉. 又FRESH 又好味.最后就系呢个不能错过既系列... 我因为小B 所以冇得食...我老公又点会唔食. 好彩之前都食过好多次, 店员在旁边慢慢烧熟晒中间既蟹肉同蟹膏,当闻到蟹膏既香时再打只蛋上去俾我地自己拌好黎食. 哗... 今次冇食不过谂番起之前既味道都真系流紧口水. 生完一定要番黎再食呀!!!!! …查看更多

一行七人想试新野，见呢间唔错，地方又企理即管试下！为咗试真D，7条友唔准重覆叫唔同嘅定食，等下次更有方向叫野，点知....濑哂野！首先评论一下食物，除两款鱼生饭还可以外，其余全部属于难食，咖哩饭及鳗鱼饭只系食到一半已经顶唔住，放弃咗，索性去买蛋挞医肚。服务方面，其中一个由头黑到尾，其实我地都唔系烦既客，唔明黑乜面🤔另外两个员工虽然无笑容，但未至于黑面.最大问题系，我地每位一放低餐具，便9秒9收野，好有赶客feel, 唔知以为自己去咗澳牛😪…查看更多

6月30日晚亲戚聚餐，根据杂志介绍，选了这家居酒屋。用餐后感想：一间CP值颇高的居酒屋餐厅：食物美味，有正宗日本味，而且价格相宜，又不赶客人走，我们从6:30坐到10:30，一边吃，一边聊天，非常写意。不过餐厅服务只是属于茶餐厅水平，有待改善。…查看更多