たいおいしい鯛魚湯料理 (已結業)

鯛魚腥，味精湯腥，豆卜雪；食材極不新鮮，食完好似番左冰河時期近兩年食過最差一餐openrice要求我加多d字多d內容，但其實真係冇野好講，因為從來冇食過咁腥嘅一餐所以要專登黎打食評，總結：唔好幫襯

今天加完班回到荃灣，終於自己去試了想食很久的鯛魚湯飯，地方座位都幾好～👍 點了最貴的龍蝦鯛魚湯飯，等了一會便上菜，同之前朋友話龍蝦有時會碰上來貨頭大身細，今次我的也算身多肉，而且老闆有提我快些夾起蝦身令佢不會太老，所以肉質吾錯，味道同湯好夾。👍👍 因本身有火燒住所以夠熱，老闆中途也有幫我加了湯，所以全程口感豐富充滿湯的鮮味和水份。👍 值得一提，他們6.00前結帳不用加一，而且有抵食下午茶時段，找日同屋企人試下先～😀😀

唔係話服務好差，不過等完位之後都要搭枱真係估唔到⋯⋯如果你人少但係想坐得舒服，呢個唔係一個選擇囉。因為始終佢都唔算平，一個湯飯要過百元。食物方面，魚湯濃嘅，不過怕腥就要小心選擇了。叫咗一個大蝦蜆烏冬，真係有啲腥，不過蜆肉鮮甜。另一個招牌湯飯，合格啦，不過係靠大量飯素調味。

好耐冇喺路德圍食嘢，發現新開咗間裝修好日本嘅鯛魚湯料理，應該是2022年底新開，店舖環境唔錯，好有日式餐廳氣氛，坐卡位好舒適，不過數量有限，先到先得！呢度應該係食鯛魚湯出名，不過定食好似比較抵食，定食包溫泉蛋、御飯、味噌湯、付新香物，所以最後選擇咗定食，同埋叫咗一款小食！🥩雜菇肥牛溫泉蛋定食 $75🐽吉列豬扒溫泉蛋定食 $85😋食後感：-雜菇肥牛炒得好香，好味🤤-吉列豬扒賣相唔錯，不過食落有啲乾-味付螺肉、溫泉蛋、味噌湯不過不失-飯上面加咗調味粒粒，好味😋芝麻雞翼(2件）$40😋食後感：-賣相唔錯，食落好脆，口感唔錯-😂重口味人士表示可以再咸少少

吉列豬排定食：好厚、皮脆、份量足。肉冇味，食完三舊唔想食！鰻魚定食：勁多鰻魚汁，飯上面鋪滿味素，甜到糖尿跟餐螺肉，麵豉湯，沙律：普通到冇得再普通結論：好睇唔好食

//< たいしい鯛魚湯料理 >小編2年前係九龍城食過！雖然店名唔同，但係睇菜式就知係同一間😆😆 荃灣呢間幾大，裝潢非常日風，門面都好有氣勢🤣————————————- 鯛魚片湯烏冬 $68 -小編本身係想食蜆，不過當日午市仲未有😯 湯底係鮮甜魚湯，裡面仲有好多蔬菜🥬 仲有豆卜等～ 鯛魚片啖啖肉，無骨好滑，手打烏冬亦夠晒滑🥰————————————- 安格斯肥牛番茄湯烏冬 $88 -番茄湯底依舊有魚既鮮甜，不過多左🍅既酸味～ 安格斯肥牛牛味濃郁，份量頗多，帶少少咬口～ 小編相對上終於前者多d😆————————————- 飲品 -飲品係包埋！凍檸茶同奶茶都不錯😊————————————評分：7.3/10地址：荃灣路德圍14-18號德仁樓地下B號舖營業時間：12:00-23:00#たいしい鯛魚湯料理 #鯛魚湯專門店 #鯛魚湯烏冬 #荃灣美食 #荃灣必食 #荃灣路德圍 #路德圍 #路德圍美食 #香港日本美食 #香港美食 #香港必食 #hkfood #hkfoodie #hkfoodblog #hkfoodshare #hkfoodlover #hkfoodblogger #hk

年三十晚去咗荃灣行年宵，好多餐廳都冇開門，淨係見到呢間有開，肚餓仔😿即刻衝入嚟試吓。•鯛魚湯飯魚湯味鮮甜，不過食完有少少口渴。魚質地少少實，有魚味。•廣島蠔湯飯魚湯味同上面有少少唔同，可能係放咗蠔，再多少少鮮味，蠔有3大隻，都幾新鮮厚肉。除咗白飯仲有啲脆米粒，唔到食囉，唔會太單一。•汁燒魷魚仔醬汁味OK，但係唔知係唔係未熟哂，中間係滑潺潺嘅感覺。😼小熊私心評分：71/100等咗20分鐘都未有嘢食，一問之下原來冇落單😿，好在店員立即幫我整，好快就有得食。除咗魷魚仔，魚湯飯係OK，可以一試。

凍冰冰想飲啖熱湯，入左黎呢間試下。Menu好多海鮮湯烏冬，有龍蝦🦞，蟹🦀️腳，蠔🦪…etc!仲有個雜菇炒肥牛烏冬同安格斯牛肉蕃茄烏冬都好吸引，不過喺我心目中海鮮勝，試左海鮮先！🤣睇完晒menu覺得個鮮蜆大蝦烏冬CP值最高🤤大蜆鮮蝦烏冬/湯飯$88有7隻大蜆，size 真係都唔細，隻隻都無沙又幾鮮甜👍🏻2隻蝦應係泰國嗰d大頭蝦，肉質都結實唔痴殼，新鮮！size都唔細隻，我fd話個頭好多羔，我見都係鮮橙色既，佢食落都話ok👍🏻烏冬係幼d，唔係平時粗嗰隻口感好實既cheap 烏冬。我平時唔鐘意食烏冬，但我偷食左我fd一條食，呢隻我ok 😁個湯都ok無話飲完覺得口渴😋我要左同一樣野，但轉左做湯飯。佢有d脆脆喺飯度個口感更加好👍🏻但可惜比d湯浸到焾左🙁如佢分開上仲夠脆就perfect! 😁📌P.S.我感覺湯飯比烏冬抵，因湯飯有個火爐慶住，望落有特色d同d湯keep 住夠熱👍🏻 但我一路食一路驚緊係咁燒住，我d湯咪乾晒？😰估唔到佢居然有加湯服務！👏🏻呢點最值得讚賞👍🏻FYI: 加$10要左個凍檸茶，可叫走冰，女仔既福音😊又係抵讚👍🏻我覺得可encore 下次試幾他野😁

見到路德圍呢度開左間新既鯛魚湯料理，趁天氣有少少凍，啱曬食魚湯泡飯或者魚湯既麵食～呢度既泡飯同烏冬有好多款唔同既海鮮搭配，仲有各款定食可以嗌，魚湯每日用上大量鯛魚熬煮，湯底鮮甜，值得一試啊😌 1⃣️鮮帶子三文魚籽湯飯（$128） 湯飯原鍋上好正。仲一路有火係下面暖住個鍋～啱曬冬天食🥰湯底呈奶白色，飯粒煮得入曬味。配料仲有啲海帶、木耳、白菜。帶子同三文魚籽加埋鯛魚湯底，成個海鮮味好足～  2⃣️鮮蜆大蝦湯烏冬（$88） 有兩隻大大隻既虎蝦🦐另外蜆都大粒多汁，冇沙。烏冬彈牙👍  3⃣️蒜片牛粒溫泉蛋定食（$108） 定食有漬物、溫泉蛋、飯同埋湯。個漬物係八爪魚。另外飯係佈滿飯素既，撈埋溫泉蛋食好好好味😋蒜片牛柳粒咬落多汁，帶燒汁甜甜地既香味，夾埋伴碟炸脆既蒜片一齊食好好食。  4⃣️唐揚魷魚鬚（$58） 魷魚鬚都彈牙，炸得夠脆，唔錯😄  5⃣️唐揚墨魚咀（$48） 唔小心嗌左兩個小食都係魷魚🙈仲要都係唐揚😂但係兩個都好食！墨魚咀好彈，仲有沙律醬可以點黎食。

冇相，叫左2碗烏冬因為等左25分鐘一碗都冇到仲要見到格離枱遲黎係識既野食就佢地到先呢樣先最嬲 ok, 唔想做生意咪出聲囉仲要已經夜晚10點鐘唔係繁忙時間 絕對冇下次 想受氣就幫襯啦25分鐘等2個烏冬😏

たいおいしい鯛魚湯料理 (荃灣)$168 原隻波士頓龍蝦湯飯(7.5/10🌟)Boston Lobster Rice in Soup -原隻龍蝦切開一半浸係湯底，龍蝦肉還算彈牙，龍蝦肉同蝦好易分離-湯底唔算特出，同鯛魚片湯飯湯底一樣，只係多咗微微龍蝦味-整體材料俾足，只係如果湯底用龍蝦殼熬製，令龍蝦味更特出會更吸引$75 鯛魚片湯飯(7/10🌟)Sliced Snapper Rice in Soup-鯛魚片好滑，無骨，好食-湯底係中式魚湯，魚味濃但未話好吸引，正正常常-額外有海棠、豆卜、娃娃菜作配菜📍荃灣路德圍14-18號德仁樓地下B號舖#香港美食 #荃灣美食 #湯飯 #平民美食 #平民價 #hkfoodie #foodhk

好鬼腥。食唔落。食左幾啖就走了。以後會唔食。永久black list 又要再食其他。第一口個湯 有啲腥諗住都頂硬上食埋佢食埋個豪腥到不得了。平時自己唔算鐘意食生豪。但都會食下。呢個豪熟左都咁鬼腥

見到路德圍又開新嘢，係主打鯛魚湯底嘅烏冬，主要係比個湯吸引到，同埋佢裝修幾靚坐得好舒服！鯛魚湯底魚味都幾出，但鮮味重濃啲應該仲正！本着食鯛魚湯底嘅心態黎食，反而係個炸豬扒有驚喜🤣🤣而且烏冬都係手打烏冬～價錢來講算中規中矩，因為佢都算幾大碗，同埋個環境好好坐座位好寬闊～

今日午膳和同事去食荃灣路德圍新開的鯛魚湯（頂左舊鋪樓下冰室），一入去就有位，唔駛等😆 坐下即叫2個鮮蠔湯烏冬，另一位同事叫左一個鯖魚定食。不過出菜時間稍為有啲耐，可能要等耐少少喔。菜一到，即飲返啖鯛魚湯，好鮮，再食一口鮮蠔，好鮮甜，有4粒都好大粒，啖啖肉，愛食蠔既朋友可以試試！另外，同事叫既鯖魚定食，有湯有飯（有飯素）仲有流心蛋可以撈飯食，好抵食！仲要無加一，都係$58咋。環境衛生都非常好，廚房係開放式，見到入面都ok乾淨服務員都好有禮貌

同老公帶埋阿仔一齊去食晚餐，我叫咗個牛柳粒鯛魚湯烏冬，牛肉都幾好食，夠嫩口！烏冬湯比較清魚香味，老公叫咗一個全隻龍蝦湯飯，湯飯味道唔錯，龍蝦都好大隻，好好味！另外額外叫咗一個炸蝦天婦羅，蝦炸得夠熱，皮唔太厚、幾好味😋本身想試炸玫瑰蝦，但咁岩無，但炸蝦天婦羅都無令我哋失望！總體表現唔錯，服務都好好！👍🏻👍🏻👍🏻可以一試，座位都座得好舒服，夠寬敞….適合一家大細！個烏冬都真係幾好食，夠煙韌，阿仔連湯都飲埋，值得一試！