“Mamaday”嘅黑色幽默曾令你我回心一笑，仲记唔记得一入门口嘅「愚蠢的人类」打卡位，见证大家嘅爱情友情。由2019年开业至今，犹记得大家耐心地等位等食嘅画面，一切一切都令团队好感动。
人来人往，“Mamaday”老店始终受不了香港昂贵租金要讲再见了。团队会努力经营至7月，于最后时光同大家好好告别，希望各位再次莅临支持。往后寄望于 “GoodDay BadDay MamaDay”、“Wish You A Mamaday”同大家未来见。
由2019年开业至今，大家嚟到一定打卡嘅「愚蠢的人类」。
老板用心砌嘅Lego墙，一事一物都系回忆。
【老店最后时光 | 芫荽控】
就算步入倒数时光，“Mamaday”依然用心创作最后限定系列—「芫荽控」同大家告别，并特地选用本地有机芫荽，好感受到团队真心不舍同用心。
“Mamaday”告别作「芫荽控」，用心回馈食客多年支持。
健康荽选层层叠窝夫沙律$108
手工窝夫一直系“Mamaday”限定人气单品!! 坚持自家制作窝夫浆，兼且即叫即焗先做到咁外脆内松软。
于最后嘅芫荽控系列，团队就帮你健康荽选咗食咩好荽最健康喇。呢个健康荽选层层叠窝夫沙律用窝夫夹住火龙果、牛油果扮汉堡，搞鬼搞怪又几清爽满足㖞，松软窝夫比平时嘅汉堡包仲吸引呀。配埋柚子油醋汁沙律，一啲都唔腻。
用窝夫、火龙果、牛油果扮汉堡，鬼马呀你。
好有新鲜感嘅素食料理。
吾系几荽窝夫$108
如果你都系“Mamaday”手工窝夫Fans，足足有4件窝夫嘅吾系几荽窝夫好值得食。每件窝夫都有3重芫荽—芫荽窝夫浆+芫荽吉士酱+新鲜芫荽，芫荽无孔不入!! 全系列均用本地有机新鲜芫荽，兼且全手工制作窝夫，只系$108绝对诚意之作呀。
细心留意，就会发现每条窝夫坑纹都加咗花生糖!! 食落甜甜地、脆卜卜几有层次，有啲似九份嘅花生糖冰淇淋㗎。
每条窝夫坑纹都加咗花生糖，脆脆甜甜几特别。
芫荽蕃茄双蚬意粉$158
嚟过都知“Mamaday”厨房空间唔大，但依然无阻团队对细节用心。好似呢道芫荽蕃茄双蚬意粉，单单意粉就分开煮2次做到弹牙口感。
而且海蚬唔会预先煮好，「纽西兰花白加越南海蚬」即叫即煮特别鲜甜㗎。满满嘅秘制芫荽酱料更需打制1个钟，食嗰阵真系值得汁都捞埋。
用泰式虾片分隔海蚬同意粉，方便试匀2款口味兼汁都捞埋。
荽荽哋戚风蛋糕$68
芫荽控连甜品都唔放过，荽荽哋戚风蛋糕绝对比你想像更好食!! 戚风蛋糕好香绵松软；上层奶油又滑溜唔会太甜，无论口感、甜度都啱啱好。记住连埋芫荽薄脆、新鲜芫荽一齐食，真系食过最荽嘅蛋糕呀。
自问芫荽控，点可以未食过新鲜芫荽蛋糕。
荽声荽气荽梳打$56
原来芫荽变嘢饮都好吸引!! 荽声荽气荽梳打用近期爆红手打柠檬冲法，将芫荽、新鲜青柠即场手打，浓郁芫荽味好爽快。
走西(酒荽)沙冰啊唔该$56
想走西? 谂都唔好谂呀，最多帮你酒荽啦。将芫荽、西班牙红酒打成沙冰，变成呢杯神秘趣味Cocktail。可以先饮一啖最底嘅芫荽沙冰，芫荽味爆劲！再捞匀轻甜嘅红酒沙冰，又系另一种感受呀。
(左)走西(酒荽)沙冰啊唔该、(右)荽声荽气荽梳打
【味道回忆 | 本店经典限定】
讲完最后芫荽控系列，嚟到最后最后……唔知你仲记唔记得“Mamaday”老店先有得食嘅有蟹GO又有蟹肉的蟹蟹蟹义大利扁面，真系爆多蟹膏蟹肉；都几辣的泰式打抛猪乌冬，灵魂系18种香料煮足4、5个钟而成嘅台湾打抛猪酱；手工紫薯窝夫，唔只窝夫系手工制，连紫薯蓉都新鲜制作……全部都系回忆呀。
仲有仲有，真心抵食西班牙黑毛猪乳猪只系$338，足足4份1只绝对够几个人Share。每只乳猪都浸汁几个钟做到入晒味，猪皮仲烧到脆卜卜。
西班牙黑毛猪乳猪足足有4份1只。
当年团队多番试味，最终决定用呢种有肉又够嫩嘅乳猪仔。
Mamaday
地址: 尖沙咀加连威老道29号信基商业中心2楼
电话: 23456856