最近春风送爽，下昼想chill啲食得好、饮杯嘢，可以试吓呢间挂满手枪嘅「Sepoy Mess」。呢度以英国殖民时期嘅印度为主题，呈现当时英属印度军队食堂嘅独特fusion煮法。以印度食材及香料入馔，同时又大幅减低辣度并加入英国风味，成为由时代造就嘅英式印度菜。
「Sepoy Mess」以英国殖民时期嘅印度为主题，喺香港相当罕见。
店内挂满手枪，好有feel。
印度博物馆慷慨提供，英属印度军队真实相片。【Hapyy Hour】尖沙咀超抵饮啤酒
餐厅环境精緻。Happy Hour时段啤酒低至$28，真係好抵饮
(左)鸡尾酒Whiskey Sour、(右)鸡尾酒Aperol Spiritz
如果3:00pm-8:00pm想饮杯嘢，「Sepoy Mess」每日都有Happy Hour时段，多款啤酒、烈酒、红/白酒、鸡尾酒选择，啤酒更低至$28。加埋呢个靓环境真係好抵饮，值得mark低。
想饮得尽兴可以拣Free Flow任饮!! 入座起任饮2小时，只係$168/位，包括烈酒、红/白酒、Kingfisher Beer、Mimosa、Aperol Spirtz、Virgin Mojito、杂果宾治。
餐厅环境精緻。Happy Hour时段啤酒低至$28，真係好抵饮(左)鸡尾酒Whiskey Sour、(右)鸡尾酒Aperol Spiritz【Dalue Lunch详情】英印料理 新鲜出炉印度薄饼
新推午市套餐「Dalue Lunch」只係$138起，就有前菜、咖喱/软壳蟹卷、甜品、饮品。每份咖喱都可以拣印度薄饼 / 牛油印度薄饼 / 蒜香印度薄饼 / 烤炉薄饼 / 印度香米。印度薄饼喺印度烤炉Tandoor新鲜出炉，汁都捞埋，正啊!!
午市套餐「Dalue Lunch」，全部咖喱均可跟配新鲜出炉印度薄饼。- Appetizer(3选1)-
Aloo Tikki Chaat
Aloo Tikki Chaat炸到金黄香脆，入面係软糯浓郁嘅香料薯蓉，撞出双重口感。隔篱嘅杂豆咖喱唔会好辣，反而有时咬到啲石榴会又辣又甜几上瘾。
Masala Garden Salad
始终想食道开胃沙律，呢道Masala Garden Salad就用咗番茄、青瓜、洋葱等，配料望落简单，但胜在全部外国直送兼新鲜，加埋芝士同薄荷酱好丰富。
Prawns 65
浓味控可以拣呢道甜辣前菜，每隻炸虾都好脆卜卜，外层裹满浓郁乾喀什米尔辣椒酱，好有微辣烟燻风味。
- Main Curry(5选1) -
5款咖喱选择都可跟配印度薄饼 / 印度香米，咖喱方面就有慢煮羊肉 / 鱼 / 烟燻鸡髀肉 / 烟燻茄子蓉 / 慢煮黑扁豆 选择。全部都唔会太辣，反而香料层次几丰富。
Lamb Rogan Josh$158
喀什米尔风味咖喱着重味道平衡，浓郁微辣，隐约有淡淡果仁味。而慢煮羊肉係软腍到有惊喜，一咬落去好似会化开咁，略带油香且肉味浓，最重要係完全唔羶，私心推介!!
Nagpuri Fish Curry$148
如果你锺意椰奶同香料味，呢道那格浦尔风味嘅鱼咖喱就啱喇。咖喱唔会太辣，反而有阵温暖香料味。特别加咗gooseberry，独特微酸平衡椰奶甜香，同鱼肉几夹。 
Chicken Tikka Masala$148
经典鸡肉咖喱都有惊喜，因为烟燻鸡髀肉几有奢华感，而咖喱就用咗番茄洋葱忌廉酱煮製，浓稠酱汁微甜温暖，用嚟配松软嘅印度薄饼好正!!
Smoky Eggplant Bharta$138
其实印度菜好啱想go green，当地人擅长将茄子、蔬菜、豆类煮到好惹味。好似呢道烟燻茄子蓉，就加咗综合香料(garam masala)、大蒜同新鲜香草一齐煮製。烟燻之中略带丰富香草味，就算go green都满足唔单调。
Dal Makhani$138
相信香港人对黑扁豆咖喱有啲陌生，但其实係印度当地经典料理之一。黑扁豆、红腰豆都慢煮到好软糯，而咖喱就用咗小茴香、大蒜同牛油煮製。豆咖喱比想像中香浓，食落又好似入口即化咁，几有新鲜感。
【Sandwiches】
Soft-shell Crab Roll$178
今次「Dalue Lunch」套餐唔只得咖喱，仲有呢道软壳蟹卷选择。用饼皮包住满满软壳蟹肉、炒甜椒同洋葱，一咬落去爆馅好满足。几锺意佢跟配嘅清新薄荷酱、薯仔，丰富味道同超大分量令用餐体验好圆满。
【精緻鸡尾酒】
「Sepoy Mess」都有驻场调酒师，即调多款鸡尾酒。今次加入咗唔少水果元素，好啱春夏气氛下同朋友摸吓酒杯底。
Sepoy Mess(香港)
地址: 香港尖沙咀柯士甸道西1号ELEMENTS圆方金区演荟广场顶楼R008号舖
电话: +852 23300316