每次经过尖沙咀山林道，都会畀梦幻蓝色花花餐厅吸引住。呢间由黎巴嫩人Imran Khaleel开嘅“RUE DU LIBAN”，可以食到地道黎巴嫩菜。最近2025年11月推出咗新菜单，继续有当地人饭前会食嘅冻开胃菜(Cold Mezze)、热开胃菜(Hot Mezze)，好有风味。埃及人主厨Ahmed Menshawy亦设计咗一系列主菜—招牌慢煮牛肋条、香滑鸡奶酪等，加埋传统阿拉伯烤肉好丰富!!
主厨Ahmed Menshawy超过40年黎巴嫩料理经验，亦曾喺开罗嘅喜来登酒店掌厨，之后又喺黎巴嫩、杜拜同好多欧洲国家工作，阅历丰富。同时继续秉承地中海健康饮食，加入各种奶酪、蔬果、香草、橄榄油。就算想疯狂食肉，都可以食得健康㗎。
“RUE DU LIBAN”最新资讯/优惠
🔥2025年11月推出全新菜单 🔥黎巴嫩双层下午茶 只需$88/位 (3pm - 5pm) |
尖沙咀蓝色花花小店“RUE DU LIBAN”。
异国风装潢配搭漫天花海，好IGable。
埃及人Chef Ahmed Menshawy拥超过40年黎巴嫩料理经验，曾于开罗嘅喜来登酒店掌厨，擅长黎巴嫩古老食谱。
【即刻睇吓11月新菜单有咩食啦】
前菜｜
哈罗米乾酪芝麻菜沙律(Halloumi Arugula)
超厚切哈罗米乾酪，大大粒好软Q，比平时嘅乾酪多咗种微咸奶香，绝对值得为哈罗米乾酪嗌呢道沙律呀。当然仲有新鲜芝麻菜、番茄粒、洋葱等等，食落好清爽同乾酪几夹㖞。
哈罗米乾酪超厚切软Q。
冻开胃菜(Cold Mezze)｜
松露奶酪(Truffle Labneh)
当你见到一系列嘅开胃菜(Mezze) 选择，就知点解黎巴嫩菜一直被称为健康菜系。好似冻开胃菜(Cold Mezze) 就有多款鹰咀豆蓉、茄子蓉、奶酪等，软绵绵口感开胃之馀，天然食材又有营养，嚟到一定要「入乡随俗」试吓。如果你钟意希腊奶酪同松露，呢道松露奶酪一定系首选。
希腊奶酪同松露组合，有种独特香味。
热开胃菜(Hot Mezze)｜
香烤八爪鱼(Grilled Octopus)
口感控一定要食嘅烤八爪鱼，八爪鱼须真系超大只!! 加埋鹰嘴豆、番茄干酸酸哋，好啱边食边饮酒。
超大只八爪鱼须。
塔布勒沙律(Tabbouleh Salad)
钟意纯粹嘅清爽蔬菜感，可以拣呢道有番茄粒、洋葱、欧芹碎嘅沙律。特别加咗柠檬酱、红石榴，酸酸甜甜一啲都唔单调。
柠檬酱、红石榴成为呢道沙律嘅灵魂。
炸羊肉球(Kibbeh Bil Laban)
黎巴嫩菜有好多羊肉料理，如果食开羊嘅唔会觉得羶，反而会钟意个肉味好浓。主厨Ahmed Menshawy特别加咗奶酪酱几解腻，有时又食到松子仁嘅坚果味几吸引。
黎巴嫩菜好擅长羊肉料理。
主菜｜
招牌慢煮牛肋条(Beef Short Ribs)
牛肋条经低温慢煮，肉质真系软嫩好多!! 切开嗰阵，真系轻轻用力已经骨肉分离，而且有种中东菜式独特香料味。
低温慢煮牛肋条好软嫩，并有中东香料味。
香滑鸡奶酪(Chicken Fatteh)
黎巴嫩料理真系好擅长用奶酪入馔，好似呢道常见嘅鸡料理，加咗奶酪酱后令鸡肉多咗种轻盈奶香，完全系白饭小偷呀！
香滑鸡奶酪配饭一流。
传统阿拉伯烤肉(Traditional Arabic Grill)｜
想感受中东饮食文化，不得不提传统阿拉伯烤肉。推荐牛肉(Beef Kebab)、鸡肉(Chicken Shish Tawook) 都烧到外焦内嫩。拎起肉串嗰阵，仲见到肉汁滴紧落嚟!! 烤肉Juicy得嚟又有香料味，配埋新鲜蔬菜食好正。
必试传统阿拉伯烤肉，惹味又有肉汁。
【下午茶优惠$88/位】
每日逢3pm - 5pm，“RUE DU LIBAN”下午茶只系$88/位咋～ 呢个价钱已经包咗招牌小沙律、2款三文治、甜品、饮品。三文治有鸡肉沙威码/牛肉沙威码/烤肉丸/法尔费尔款式拣，用咗奶油面包几香!!
双层下午茶、靓茶壶都好精致有Feel，而且“RUE DU LIBAN”挂满花花真系好靓，下昼想揾个地方同老Best轻食倾偈就啱晒啦。
双层下午茶、茶壶好精致，用餐体验圆满。
RUE DU LIBAN(香港)
地址: 香港尖沙咀山林道22-26号地下A号舖
电话: +852 23102922