如果你最近都想有啲仪式感，喺靓环境食餐精致晚餐，可以试吓呢间黎巴嫩餐厅“RUE DU LIBAN”。由黎巴嫩人Imran Khaleel 开设，IGable蓝色墙门口，入面用餐环境就挂满花花好梦幻。
呢度可以食到地道又精致嘅黎巴嫩料理，全因老板Imran Khaleel 年轻时远赴瑞士读书，之后喺高级酒店开展职业生涯，一直对料理要求好高。而家夥拍40年经验埃及人主厨Ahmed Menshawy，以开罗喜来登酒店掌厨经验；以及黎巴嫩、杜拜、多个欧洲国家阅历，为“RUE DU LIBAN”设计一系列菜式。
“RUE DU LIBAN”法文意指黎巴嫩街道，蓝色门口已经好有外国气氛。
店内挂满花花好梦幻。
而家7月1至31日，单点餐牌有85折!! 可以趁机试吓佢哋新推料理—虾仁鹰嘴豆蓉(Hummus with Shrimp)、萨塔乾酪烤饼配新鲜奶酪(Zaatar and Cheese Manakish with Labneh)、慢煮鸭腿配东方饭(Confit Duck Leg with Oriental Rice) 等，即刻睇吓有咩私心推荐啦～
“RUE DU LIBAN” 7月优惠！
由7月1至31日，单点餐牌85折(逢星期日至四) |
全新料理都有85折!! 经典虾仁鹰嘴豆蓉、慢煮鸭腿配东方饭都系必食。
虾仁鹰嘴豆蓉(Hummus with Shrimp)
将黎巴嫩经典结合海鲜风味!! 传统鹰嘴豆蓉(Hummus) 好绵滑，加埋新鲜虾仁多咗层鲜甜味。用嚟配彼得包同脆片，再饮啖酒几好vibe。
虾仁鹰嘴豆蓉绵滑，又有虾肉鲜甜。
萨塔乾酪烤饼配新鲜奶酪(Zaatar and Cheese Manakish with Labneh)
呢道烤饼好有黎巴嫩风味，一次过试到当地人钟意嘅中东萨塔香料(Zaatar)、乾酪同新鲜奶酪(Labneh)。烤饼几松软，第一啖会食到萨塔香料层次，然后会有乾酪同奶酪嘅咸香奶香，味道同咬口都有新鲜感。
萨塔乾酪烤饼配新鲜奶酪，好有黎巴嫩风味。
蒜香虾(Garlic Shrimps)
用大量蒜蓉、橄榄油同香草炒香虾肉，热辣辣上枱即刻食仲有种焦香，加啲柠檬汁提鲜仲好味!!
蒜香虾用大量蒜蓉、橄榄油同香草炒制。
慢煮鸭腿配东方饭(Confit Duck Leg with Oriental Rice)
鸭腿慢煮到好软腍，用叉轻轻一拮就离肉，可以想像到鸭肉几嫩!! 特别钟意轻焦嘅鸭皮有种独特鸭油香，用嚟捞饭一流啊。
慢煮鸭腿配东方饭，鸭油香捞饭一流。
鸡肉沙威玛(Chicken Shawarma)
黎巴嫩街头成日会见到嘅旋转烤肉，鸡肉用香料醃制后再烤到金黄入味，鸡肉又有肉汁，一班人share真系好快清碟。
鸡肉沙威玛，系黎巴嫩街头经典小食。
RUE DU LIBAN(香港)
地址: 香港尖沙咀山林道22-26号地下A号舖
电话: +852 23102922