食咗咁耐外卖，难得可以出嚟堂食梗係搵间气氛好嘅，Enjoy 埋个环境嘛！尖沙咀呢间日本料理「黑木亭」喺2楼，首先要穿过日本风奇幻楼梯，入席时又有专人敲太鼓极具玩味。
楼梯好有日式神秘感。
多个扮飞日本嘅打卡靓位。
【必食】打卡和牛富士山！回復晚市仲有优惠7折添 (尖沙咀限定)
呢度经常有新推打卡料理，就算成日约Friend 嚟都唔闷。最近就有日本富士山为主题嘅「富士山铁板A5和牛温泉蛋饭」，用满满A5和牛堆出富士山，温泉蛋一戳开即火山爆发般流出绵滑蛋浆，捞饭一流。
戳开温泉蛋即爆出蛋浆。
和牛超足料！夹埋饭焦一齐食劲香口。
【原隻蟹熬粥】6折食虎虾麵包蟹粥
大家都知用蟹熬粥有几鲜甜！今次仲用晒成隻麵包蟹熬煮，将蟹膏精华逼晒出嚟，所以粥底有好多橙色蟹膏，仲有种海鲜独有嘅鲜甜味。
麵包蟹超大隻，差唔多霸咗成个煲。
每啖粥都轻松食到蟹膏、蟹肉、虾肉，懒人恩物。
【豪华版茶渍饭】龙虾八鲜木桶丼配 鲷鱼汤
咁耐无去日本，仲记唔记得茶渍饭嘅回忆味道？其实日本人好锺意茶渍饭，将热茶倒入饭中就做到朴实无华嘅鲜味。而呢个木桶丼可形容为豪华版茶渍饭，木桶丼足足有8款海鲜─龙虾、海胆、三文鱼、剑鱼腩、飞鱼籽、八爪鱼等。
木桶丼放满8款海鲜，丰富奢华。
食海鲜至尾声时，记住留返少少饭，再拎起茶壶倒入鲷鱼汤拌饭食。鲷鱼汤相比热茶多咗一种浓鲜味，但又做到养胃解腻嘅舒畅感。
倒入鲷鱼汤，亲製升级版茶渍饭。
【拎起即食】A5和牛海胆他他
一手拎起紫菜脆片，即刻忍唔住一啖过食A5和牛+海胆超爽快！半熟和牛又绵又有油脂香，加埋Creamy 海胆同脆片嘅两极口感好刺激，好啱佐酒呀。
A5和牛刺身绝对係主角，最正一啖有晒多重口感。
【女生必食】脆片牛油果虾沙律
同样係一手拎起就食得嘅佐酒小食，薯片上嘅牛油果沙律多到就嚟满泻，加埋虾肉弹牙清爽。
多到满嘅牛油果沙律！
【忌廉波波】忌廉球炸薯条
忌廉波波薯条好啱一班人Share，将薯条沾满咸香忌廉，香口得嚟又唔热气。
忌廉波波洒满辣粉，超香口！
【只係$28起】清酒都可以一Shot落单！
讲咗咁多佐酒小食，点少得主角清酒呀！呢度清酒款式超多，由果香至辛口都有。最吸引係每款清酒都可以一Shot Shot 落单，一班人试多几款口味清酒都唔怕Out Budget。
一次过睇店主Single Shot(一酌)推介清酒！
- 北秋田 浊酒 $28(一酌) - 越后樱 醉乐无极 大吟酿 $48(一酌) - 北鹿 雪中贮藏 大吟酿 $58(一酌) - 越乃雪桩 特A山田锦 纯米大吟酿 $58(一酌) - 出羽樱 雪女神四割八分 纯米大吟酿 $48(一酌) - 仁井田 自然酒 めろん3.33 $78(一酌) - 大岭 三粒米 纯米原酒 $89(一酌) - 高砂 松喰鹤 纯米大吟酿 季节限定版 $158(一酌) - 东京盛 纯米大吟酿 季节限定版 $189(一酌) ．口说き上手 山田锦40 纯米大吟酿 季节限定版 $158(一酌) |
多款清酒由$28/Shot 起，一Shot Shot 落单就可以试多几款。
【梦幻甜品】云朵梳乎厘雪糕 (尖沙咀限定)
除咗有多款清酒，呢度都有女生期待嘅甜品㗎！呢款云朵梳乎厘口感软绵绵，连外形都做到好似云一样。
梳乎厘即叫即焗，配绿茶雪糕。
脆炸棉花糖多士(尖沙咀限定)
多士铺满扭纹棉花糖，外层焗至金黄，拉开惊喜有粉红、粉蓝唯美拉丝，绝对係甜品影相位。
唯美粉色棉花糖拉丝。
午市推介！尖沙咀返工族召唤～
呢度嘅Lunch 丰富到好似晚餐咁，份量足之馀，仲有前菜2点、甜品，閒时想食好啲就啱晒。
午市特推-忌廉球咖哩鸟冬配唐扬炸鸡 $88
估唔到忌廉球同咖哩都好夹！一夹起乌冬就挂满忌廉咖哩，忌廉嗰种微咸绵滑，恰好中和咖哩腻感。
忌廉咖哩质感浓郁，食完有超强满足感。
一人刺身拼盘配日本产赤醋饭 $198
返工日子都要好好对待自己，呢个刺身拼盘作为午餐，真係极级丰富！有三文鱼、海胆、拖罗蓉等。
刺身摆盘好靓，有海胆、拖罗蓉等高质刺身。
优惠一览！
1) 「富士山铁板A5和牛温泉蛋饭」7折优惠价$338 (原价$482) 2) 「虎虾麵包蟹粥」6折优惠$348 (原价$579) 3) 「龙虾八鲜木桶丼配 鲷鱼汤」7折优惠价$448 (原价$640)(星期一至四送矶煮鲍鱼一隻 公众假期及节日除外) 4) 「A5和牛海胆他他」7折优惠价$168 (原价$240) 5) 指定Single Shot清酒低至$28起 6) 消费卷优惠, 星期日至四晚市88折 (本月推介及饮品除外) 7) 午市优惠(12pm-3:30pm) 凡惠顾每 $150即减-$30，$500即减-$150 8) 生日／週年庆祝预早1日致电餐厅订座，可半价无限选购甜品 *优惠不能同时使用 |