喺中环同北角都有分店嘅手工薄饼“Abbraccio”，一向吸引好多薄饼fans。薄饼系用义大利00面粉整，外籍大厨会喺现场由搓面团做起。中环分店有啲座位，仲可以隔住落地玻璃望住成个整薄饼过程。大厨抛起面团，又再搓成薄饼入石窑炉450°C高温焗，新鲜出炉批底气孔丰富，又脆又蓬松。而且批边轻韧弹牙，加埋微焦炭香好正!!
中环店“Abbraccio” 有个大平台，夏天嚟饮嘢食饭好有feel。
座位都好宽敞，约会或朋友饭聚都啱。
室内环境优雅，又系另一种感觉。
北角店“Abbraccio” 系欧洲红砖风格。
大餐枱布置，好啱一班人食饭。
最近发现佢哋新出咗好多西餐，嚟食pizza可以顺便食埋法国空运Fine de Claire N1 生蠔、鲜芒果酱伴红虾薄片开胃菜 (Gambero & Mango Carpaccio)、地中海乡村鱿鱼(Calamaro Rustico Mediterraneo)、番茄慢煮八爪鱼意粉(Pasta alla Lucinana) 等等。多款料理都用咗高质食材、欧洲经典煮法，同平时食嘅西餐好唔同。
大厨用义大利00面粉即制薄饼。
两间分店嘅薄饼都系新鲜出炉。石窑炉450°C高温烤焗，批底外脆内轻韧。
【夏季限定】
2025年夏季会有法国空运Fine de Claire N1 新鲜生蠔，蠔味咸甜平衡。N1 Size 生蠔几大只，肉质丰满，可选择生食或焗食，亦有多款酱汁/配料选择。
【全新菜式】
鲜芒果酱伴红虾薄片开胃菜(Gambero & Mango Carpaccio)
铺满野生红虾、香甜芒果、薄切红洋葱、青柠汁，虾味浓郁又微甜清爽。食落仲有辣椒片、红辣椒、辣椒油带嚟嘅温热感，配合特级初榨橄榄油嘅滑润，平衡几种风味。当作开胃菜，饮吓酒几有feel。
地中海乡村鱿鱼(Calamaro Rustico Mediterraneo)
原只鱿鱼煎到弹牙嫩滑，混合咸香黑橄榄、酸甜干蕃茄及咸味龙葵。馀韵会渗出白酒与新鲜柠檬汁，有时又会食到番茜嘅清新，几有地中海风味。
番茄慢煮八爪鱼圆通粉(Pasta alla Lucinana)
呢道拿坡里传统料理，佢嘅乡村番茄酱用咗慢煮小章鱼、甜车厘茄、咸黑橄榄同白酒煮制。再用新鲜番茜点缀，有时食啖香煎八爪鱼；又再食啖挂满番茄酱汁嘅圆通粉，几有风味。
柠檬意粉配烧鸡(Pasta al Limone with Pollo a la Griglia)
(提供无烧鸡素食选择)
蛋制宽面几丝滑，拌以新鲜西西里柠檬、奶油同巴马臣酱。烧鸡几大只，入面肉质仲keep到好嫩滑。加咗新鲜柠檬片同罗勒，食完成碟鸡都唔会腻，同场都提供无鸡嘅素食选项。
橙汁刺身级带子(Crudo di Capesante all’Arancia)
当新鲜北海道带子去到外籍大厨手上，同平时食开嘅刺身级带子好唔同。今次淋上橙汁醋汁，伴以juicy橙肉、薄切红洋葱，微酸清甜几特别。上面仲有烤开心果碎碎，多咗份微脆果仁口感。
绿色鱼料理(Pesce Verde)
鲷鱼鱼柳煎到金黄，鱼皮脆脆哋几香口。丝滑酱汁系用西兰花、菠菜、奶油、白酒同洋葱浓缩酱煮制，清新菜味几啱夏天食。
【夏日必食】沙律/甜品推介
Insalata Soleggiata / Sunny Salad
呢两款沙律都有满满翠绿沙律菜，配搭柑橘酱汁、浓郁义大利蓝乾酪(gorgonzola picante) 同甜美芒果，好有夏日阳光风味。
夏季奶冻布甸(Summer Panna Cotta)
下昼嚟“Abbraccio” 可以食到呢款布甸。夏季会转用甜芒果酱、新鲜薄荷同少少青柠皮，香甜清爽。
芒果冰淇淋(Gelatto With Mangoes)
呢度2款口味冰淇淋—云呢拿冰淇淋、芒果冰淇淋，都会跟配新鲜芒果肉。
Abbraccio (中环店)
地址: 中环云咸街75-77号嘉兆商业大厦5楼
电话: 26333878
Abbraccio (北角店)
地址: 北角堡垒街19A号景文楼LG楼
电话: 23297028