踏入12月，圣诞饭局陆续有嚟!! 原来尖沙咀有间隐世木系西餐厅「Potluck Eatery」，好罕见闹市都有餐厅咁大咁靓!! 一入门口仲有悬挂月球灯、小木凳好唯美，嚟庆祝圣诞好有Feel。
圣诞节【Christmas Menu 2025 】(12月24、25日限定)
「Potluck Eatery」12月会有两款套餐畀大家拣～ 圣诞节12月24、25日想食得超丰富就推荐《Christmas Menu 2025》，单单前菜就有3款—法式香煎带子、牛油果蒜香虾、煎焗三文鱼饼，套餐价钱视乎你拣咩主菜，私心觉得法式鹅肝鱼子酱义大利饭$468 CP值最高，500蚊有找就有前菜+热汤+主菜+甜品+饮品嘅圣诞大餐啦。
如果你系海鲜控，就可以考虑因为大家强力敲碗而载誉归来嘅《秘制酱汁海鲜拼盘二人套餐 $598/2位》，每人大约300蚊就食到海鲜拼盘—全只波士顿龙虾、新鲜大蚬、半壳青口、大虾、鱿鱼，加埋自家秘制酱汁同薯蓉真系瞬间清碟!! 呢个海鲜二人餐仲包咗自家熬制餐汤、蒜蓉法包、凯撒沙律、甜品同饮品。两款圣诞大餐你会点拣呢? 即刻睇详情啦～
前菜｜法式香煎带子、牛油果蒜香虾、煎焗三文鱼饼
圣诞套餐一开始就食齐3款前菜，左起有牛油果蒜香虾，大虾用蒜蓉、牛油爆香，粉嫩虾肉连埋牛油果蓉一齐食，邪恶得嚟又几清新。中间就有法式香煎带子，带子用牛油煎到金黄，外层微微焦香、入面依然鲜甜嫩滑。最右边嘅煎焗三文鱼饼将手剁三文鱼蓉包裹面包糠做到金黄酥脆，呢种三文鱼食法几有新鲜感。
热汤｜周打蚬汤
冬天饮一碗热辣辣嘅周打蚬汤，真系好有幸福感!! 浓稠汤身用海鲜、奶油煮制，饮嗰阵仲食到大蚬，加埋蔬菜几丰富。
4大主菜选择｜
黑松露蒜香三文鱼$398
呢个冬日奢华版三文鱼，完全系三文鱼Fans福音！挪威三文鱼柳用牛油、蒜蓉黑松露煎香，酱好吸引，喺圣诞特别日子好啱配杯白酒或鸡尾酒。
法式鹅肝鱼子酱义大利饭$468
「Potluck Eatery」嘅鹅肝多士一向好受欢迎，因为鹅肝份量超多😍！今次就将呢个大份量鹅肝用嚟煮仪式感更强嘅义大利饭，加埋鱼子酱好有圣诞气氛啊。
炭烧谷饲安格斯肉眼$598
圣诞一定要锯扒嘅各位～ 强力推荐拣呢道超厚切安格斯肉眼！而且谷饲牛油花会比较丰富，食落有油香又有肉味㗎。
龙虾威灵顿$688
今个圣诞想有啲新意，可以拣呢个威灵顿变奏版，将经典牛柳内馅变成龙虾肉！同时依传统做法，用酥皮包住巴马火腿、野菌同龙虾钳肉够晒酥脆香浓，仲好有新鲜感。
甜品3选1｜
最后仲有3款甜品拣—云呢拿圣诞树、双重朱古力圣诞树、红莓星星，一定拣到自己钟意嘅口味🥰。
圣诞限定鸡尾酒/热饮
今冬「Potluck Eatery」推出几款圣诞限定Cocktail、Mocktail同热饮，圣诞夜同最重要嘅人一齐饮嘢倾偈食大餐🥂。
【秘制酱汁海鲜拼盘二人套餐 $598/2位🦞】(12月24-25日暂停供应)
另一个徇众要求、再度强势推出嘅《秘制酱汁海鲜拼盘二人套餐 $598/2位》，就有海鲜拼盘—全只波士顿龙虾、新鲜大蚬、半壳青口、大虾、鱿鱼，配上自家秘制酱汁。因为呢款秘制酱汁深受客人欢迎，「Potluck Eatery」今次特别喺海鲜盘内加入薯蓉，等大家可以充分品尝酱汁嘅惹味。
呢款二人套餐包咗每日自家Blend制餐汤及蒜蓉法包、凯撒沙律、甜品和饮品，CP值超高呀!!
啤酒或红白酒 买1送1优惠！ (12月24-25日暂停供应)
一班朋友嚟食，再嗌多几款小食或单点料理，一定劲丰富，超满足！美食当前，如果想饮少少酒，无论你想饮啤酒或红白酒，仲可以享用买1送1优惠！
【必试特色Cocktail /Mocktail】
唔想饮酒？想饮啲特式饮品？餐厅仲有多款Cocktail 或 Mocktail选择。清爽鸡尾酒，用经典 Limoncello 为基调，再以柠檬、白酒、梳打水带嚟酸甜平衡味道，好有意式风味。
Limoncello Spritz
唔知饮咩好嘅时候，Mojito一向系好选择!! Rum酒撞上梳打水嘅轻盈气泡，每啖都有清新薄荷、柠檬嘅微酸甜感。
Mojito
【Mocktail推介🍹】
呢杯Apple Yuko果香几重，融合柚子嘅清新微酸、伯爵茶嘅香同苹果嘅甜，十分协调。
Apple Yuko
结合柚子、香橙同莓果嘅Mocktail，成杯Lady Yuzu颜色有不同层次，女仔一定钟意。
Lady Yuzu
好有热带花香风味嘅Amber Fiesta，融合菠萝、柚子同柠檬清新，加埋洋甘菊柔和花香，味道同香味都好放松。
Amber Fiesta
近期新品仲有柠檬咖啡、鲜橙咖啡、柚子蜜桃咖啡，入口先有清新果香，之后渗出咖啡微苦，好啱夏天饮。
鲜橙咖啡
柚子蜜桃咖啡
【长薄饼推荐】 (12月24-25日暂停供应)
好多人钟意佢哋嘅长方形薄批Pizza，巴马火腿薄饼、义大利三色乾酪薄饼(蓝乾酪、水牛乾酪、巴马臣乾酪)、菠菜烟三文鱼薄饼、香辣海鲜薄饼，目测差唔多每枱都有食。同场仲有香煎法式鹅肝多士、乾酪明太子蒜蓉包、脆炸鱿鱼伴墨鱼汁沙律酱等等，好多都啱同朋友Share。
巴马火腿薄饼
长方形薄饼，每件Size啱啱好，唔会太腻，食完仲有Qouta 食其他嘢。批底够薄脆，Pizza馅存在感好强，钟意啖啖爆馅口感嘅话就啱晒喇。最多人钟意嘅巴马火腿薄饼，个酱甜甜哋，哈密瓜加埋咸火腿好滋味。每件薄饼上有烟三文鱼花花，一众三文鱼控必食!!
菠菜烟三文鱼薄饼
每件足料唔使争，薄饼上摆满海鲜 — 鱿鱼、大虾、青口。
香辣海鲜薄饼
钟意重乾酪味嘅话，呢款薄饼加咗重口味蓝乾酪，仲有拉丝几正。
义大利三色乾酪(蓝乾酪、水牛乾酪、巴马臣乾酪) 薄饼
“Potluck Eatery”是一间人宠共融嘅木系西餐厅，第一眼畀佢门口半露天空间吸引。入到去发现用餐区好大：有幅大壁画、小木凳、藤梳化椅，宽敞空间闹市少见，好啱同朋友嚟Chill吓，仲可以打卡留影。
门口半露天空间，木门同绿色墙身有种复古美感。
大壁画、小木凳，打卡位绝对闹市少见，系难得嘅喘息空间。
悬挂月亮灯用餐区，好有氛围感。
Potluck Eatery
地址: 尖沙咀柯士甸道136-138号金门商业大厦地舖
电话: 26400388
