「黑木亭」5周年转型!! 7月18日起居酒屋变身成新派日式放题店，任食多款刺身，必食回本日本直送鲜拖罗、松叶蟹脚。各位海鲜迷仲可以食埋Shake Shake牛油海鲜桶，任拣鲍鱼、虎虾、青口、蚬、鱿鱼圈，即叫即Shake埋畀你食～ 仲有得任食A5宫崎和牛，绝对坊间放题少见啊。
「黑木亭」全新装潢，座位宽敞。
正值榴梿时令季节，可以任食埋马来西亚直送树上熟D24榴梿，奶油口感+特浓甜味真系大癫。其他任食Items—鹅肝、日式矶煮鲍鱼、花胶海参、乳鸽，加埋自助区又有一系列意式料理、Häagen-Dazs，再任饮清酒/啤酒/汽水，而家低至6折最平只系$333咋。午市、晚市都有得食，睇到最后有优惠价钱畀大家参考～
【放题任食--刺身类】
落咗单一阵就有刺身啦，嗌咗几次都跟Order畀足。选择几多，有日本直送鲜拖罗、松叶蟹脚、极品大赤虾、象拔蚌、油甘鱼、池鱼王。
多款日本直送刺身，唔好错过任食拖罗同埋松叶蟹脚啊。
【放题任食--寿司/捲物类】
寿司、军舰、火焰寿司、捲物都有，目测最多人嗌有三文鱼腩寿司、鲜吞拿鱼寿司、池鱼寿司、海胆军舰、火焰左口鱼边寿司、A5宫崎和牛火焰寿司等。吞拿鱼迷亦可以试匀大拖罗、中拖罗同赤身。
A5宫崎和牛火焰寿司
同场仲有油甘鱼寿司、赤虾寿司、火焰鳗鱼寿司、酱烧帝王蟹棒寿司、三文鱼籽寿司等。捲物就有炸葱吞拿鱼蓉捲、乾酪酱芒果蟹籽捲、火炙左口鱼边捲、鳗鱼肉松玉子捲。
多款寿司选择。
必食海胆军舰！
创意捲物好丰富。
炸葱吞拿鱼蓉捲
鳗鱼肉松玉子捲
【放题任食--A5宫崎和牛】
放题好少有得任食A5宫崎和牛，今次任叫A5宫崎和牛火焰寿司、A5宫崎和牛海胆牛角包、A5宫崎和牛寿喜烧。呢度嘅寿司、热食都系keep到居酒屋质素。
A5宫崎和牛海胆牛角包
【放题任食--牛油海鲜桶】
食完和牛，又系时候再食啲海鲜喇。牛油海鲜桶即叫即Shake，秘制牛油酱Shake匀鲍鱼、虎虾、青口、蚬、鱿鱼圈等等，食嗰阵热辣辣又咸香几正。
秘制牛油酱Shake Shake海鲜。
鲍鱼、虎虾都好大只。
海鲜选择有好多。
【放题任食--创意料理/ 天妇罗/ 炸物/ 串烧】
「黑木亭」本身系居酒屋，今次放题都可以任食多款招牌料理。好似好多人钟意嘅新派薄脆Taco，大玩墨西哥 x 日本菜，用炸饺子皮包住 鹅肝牛肉/ 原条鳗鱼/ 海胆鱼籽/ 鸡尾酒酱吞拿鱼蓉 同寿司饭，香脆爆馅又有寿司风味。
新派薄脆Taco，大玩墨西哥 x 日本菜。
其他居酒屋料理仲有草莓南蛮酱配吉列炸虾杯、脆炸猫山王、炸鱿鱼仔、黑松露炸薯条、脆炸日式九肚鱼等。当然唔少得天妇罗、炸物、串烧。天妇罗即叫即炸，炸浆亦几薄脆。
即叫即炸天妇罗。
6款串烧有自家制串烧酱。
居酒屋质素嘅草莓南蛮酱配吉列炸虾杯、脆炸猫山王、炸鱿鱼仔等。
【放题任食--矶煮鲍鱼/ 厚烧鹅肝/ 妙龄乳鸽】
食放题最开心系连热食都高质!! 呢度有矶煮鲍鱼、厚烧鹅肝、妙龄乳鸽(红烧/ 盐焗/ 麻辣)、鲍汁花胶海参、蒜蓉烧蠔、清酒煮蚬等，最惊喜系用新鲜鲍鱼。
多款热食都好高质。
【无限榴梿/ 啤酒汽水/ Häagen-Dazs冰淇淋】
记住留肚食埋树上熟D24榴梿、Häagen-Dazs冰淇淋，马来西亚新鲜摘落嚟嘅D24榴梿即送到香港，比平时嘅榴梿香甜好多，仲有阵酒香馀韵㗎。同场可以任饮汽水、啤酒、清酒，轻松饮饱食醉。
任饮任食树上熟D24榴梿、Häagen-Dazs冰淇淋、汽水、啤酒、清酒。
【任饮任食自助区】
自助区必食火焰左口鱼边蜜味日式Pizza，每件Pizza都有左口鱼边。另外意粉都好吸引—龙虾汁蟹肉意粉，香浓酱汁拍得住西餐。食到咁上下，又可以饮啖椰子煲鸡汤同糖水暖吓胃再作战！
自助区有多款沙律、热汤、意式料理、汽水/啤酒/清酒。
M7澳洲和牛Pizza/ 火焰左口鱼边蜜味Pizza
龙虾汁蟹肉意粉
原条珍宝鱿鱼墨汁意面
炸洋葱圈
多款水果
Häagen-Dazs冰淇淋
价钱一览｜A5宫崎和牛拖罗放题120分钟限时(原价$555)
星期一至四及公众假期: 12:00pm-4:00pm 6折 成人价$333 /小童$167 5:00pm-7:00pm 65折 成人价$361 /小童$181 7:00pm-9:00pm 7折 成人价$389 /小童$195 9pm-11pm 65折 成人价$361 /小童$181 晚市自由时间组合120分钟 7折 成人价$389 /小童$195
星期五及六及公众假期前夕: 12:00pm-4:00pm 65折 成人价$361 /小童$181 5:00pm-7:00pm 7折 成人价$389 /小童$195 7:00pm-9:00pm 75折 成人价$416 /小童$208 9pm-11pm 7折成人价$389 /小童$195 晚市自由时间组合120分钟 75折$416 /小童$208
长者 : 65岁以上长者 成人价8折 小童: 90-140cm 成人价半价 90cm 以下免费 |
黑木亭居酒屋 (尖沙咀店)
地址: 尖沙咀金马伦道58-60号国钯大厦地下至1楼
电话: 23296669