而家一人烧肉唔只系快食，连高级干式熟成牛肉都有得食啦!! 将军澳新开「一人烧肉馆」主打九州和牛同安格斯牛，并破格于一人烧肉引入熟成牛，最平$74就食到啦。干式熟成过程中，肉中酵素会自然分解蛋白质同脂肪，产生独特烟燻风味，肉质都会更软嫩㗎。
嚟到「一人烧肉馆」，一入门口就见到自家干式熟成柜啦。柜内肉品都会熟成至少14日，包括九州和牛、安格斯牛五花、安格斯牛小排、鸭胸，而且全店一人烧肉套餐均跟配沙律、面豉汤同饭，CP值好高。
将军澳新开「一人烧肉馆」主打安格斯牛同九州和牛，并破格于一人烧肉引入熟成牛，最平$74就食到。
店内干式熟成柜，放满九州和牛、安格斯牛五花、安格斯牛小排、鸭胸，全部至少熟成14日。
【入门必食】干式熟成牛五花套餐$74(100g) / $119(200g)
如果你本身无食过干式熟成，可以用入门价试吓干式熟成牛五花先，套餐包埋沙律、面豉汤、饭 只系$74(100g) 真系佛心价钱，而且香港好少地方食到熟成牛五花㗎。
【油香直逼和牛】干式熟成牛小排套餐$142(100g) / $217(200g)
身为熟成牛fans，一定要试吓被喻为干式熟成最好味嘅肉位—牛小排!! 因为牛小排本身好有肉味同咬口；同时又有28%-30%脂肪比例。经干式熟成后脂肪比例会提升至40%，呢个比例已经好贴近和牛喇，所以食落有和牛油香又有肉质咬口，满足2个愿望。
牛小排被喻为干式熟成最好味嘅肉位，因为熟成后脂肪比例贴近和牛，拥有和牛油香同肉质咬口。
干式熟成牛小排油脂重，未食已经闻到好香啦。
同场另有「精选牛小排套餐」$87/100g、$154/200g。
全店烧肉套餐均跟配沙律、面豉汤及饭。
烧肉套餐+$20 可升级温泉蛋紫菜饭。
除咗干式熟成烧肉外，另有九州和牛、安格斯牛肉拣～
精选肉眼扒套餐$116(200g)
肉控必食嘅大大块肉眼扒！成块放上炉烧真系好疗癒，烧到咁上下就用铰剪剪开一件件方便食。而且肉眼扒油花分布均匀，食落又嫩又juicy。
肉眼扒大大块，肉控必食。
精选牛板腱套餐$66(100g) / $99(200g)
牛板腱油花适中，好啱追求细腻口感嘅人。烧制后肉香更浓，蘸埋枱面嘅酱—烤肉酱 / 韩式酱 / 蒜蓉酱 再惹味啲。
牛板腱油花适中，口感细腻。
蘸埋酱汁好好味。
九州和牛肉套餐$110(100g) / $177(200g)
一人烧肉都要食好啲!! 入口即化嘅九州和牛，口感真系好滑嫩。一百蚊多啲啲就食到，够晒抵食。
一百蚊多啲啲就食到九州和牛。
想食得丰富啲，可以追加鸡肉/海鲜～
追加鸡腿肉$15(100g)。
追加照烧汁鲭鱼柳$48(100g)。
追加西京渍比目鱼柳$96(120g)。
店内装潢舒适，座位适合一人烧肉或多人聚会。
一人烧肉馆(香港)
地址: 香港将军澳澳南海岸唐俊街23号MONTEREY Place 地下G22A号舖
电话: +852 93651971