超美隐世泰国菜: 圣诞除夕限定地道和牛肠必食

原来中环PMQ入面有间高质泰国菜「BKK」，环境仲要好靓!! 一入门口就有个泰国大钟，泰式木系加埋昏黄灯光好有Vibe，圣诞除夕想食泰国菜都可以有仪式感呀🥰。

「BKK」主打曼谷、泰国东北部料理，菜式大部分都好咸香惹味，想约饭局嚟饮酒食饭就啱晒啦，一齐嚟Enjoy泰国嘅热闹气氛🥳。

今个圣诞除夕「BKK」推出限定料理，用超值价钱就食到和牛香肠配罗望子酱、泰式炒贵刁、软壳蟹青木瓜沙律之馀，冻冰冰不如食埋黑芝麻汤丸配自家製薑汤，团团圆圆欢度节日啦。

和牛香肠配罗望子酱$138

呢道菜係传统泰国东北伊桑地区(Isaan) 街头酒摊嘅经典香肠。厨师团队将普通牛肉转成和牛，直接从路边摊升级奢华版😆。

佢哋会将顶级和牛肉加入新鲜香茅、南姜、鱼露、青柠叶等多达十几种香料，反复试味调配后手工灌製而成。香肠表面烧到好焦香酥脆，咬开瞬间爆汁，肉味浓郁又带香茅同辣椒香味，微辣开胃。而且重点係酸甜浓稠嘅罗望子酱，新鲜罗望子果肉熬煮，再加入棕糖、鱼露同乾辣椒等，酸度啱啱好中和和牛嘅油香，酸辣甜三重奏喺舌尖炸开，私心觉得饮埋啤酒一流呀。