年尾咁多饭局，揾餐厅真系要多啲优惠先得呀。Mark实呢间日本居酒屋「黑木亭」嘅优惠时间，所有优惠都可同时使用㗎，好似佢哋嘅优惠锅物—熊の降临豆乳猪骨锅 配M7澳洲和牛珍宝杂锦盘、椰皇寿喜烧A5宫崎+M7澳洲和牛宝盒、朝鲜大酱牛肠锅、矶煮鲍鱼御田关东煮锅等等，同一时间全部都有7折，食得越多越抵！
【季节锅物】
熊の降临豆乳猪骨锅 配M7澳洲和牛珍宝杂锦盘
7折$338 (原价$483)
最新推出嘅熊の降临少女心爆发！一上枱已经畀熊仔冰吸引，趁佢未溶前就要影相啦。唔好以为啡色嘅豆乳熊仔冰加咗色素，原来纯天然豆乳冰冻后会变啡色㗎。
零味精猪骨汤底系自家用猪骨筒、猪肉等熬10几个钟，浓郁汤底集满精华。熊仔冰完全融化后就可以开动喇，丰富锅物配料有M7澳洲和牛、豚肉、帆立贝、野菜等等。
椰皇寿喜烧 A5宫崎+M7澳洲和牛宝盒
7折$398 (原价$569)
另一锅物就有呢个和牛宝盒！400蚊有找食齐2款和牛—A5宫崎和牛、M7澳洲和牛之外；仙气木盒内仲有牛肩脊、大虾、日本福袋。开动前，可自行将纯天然越南椰子水倒入野菜锅物，待滚起再轻灼和牛。无谂过过寿喜烧+椰子水系咁夹，两者嘅清甜、浓郁互相平衡。天然椰子水仲好解腻，配和牛一流。
朝鲜大酱牛肠锅 7折$198 (原价$238)
牛肠锅系九州名物，当地人好钟意放工同朋友食个牛肠锅、饮杯啤酒，暖住返屋企好满足。
不过香港就好少地方有得食喇，因为处理牛肠工序繁复。而「黑木亭」亦多番研究煮法，决定彻底清洗牛肠后慢煮至入味，临上枱前再剪开畀大家滚住食，咁样系最惹味Q弹㗎。如果你都挂住日本秋冬味道，放工约朋友嚟食个牛肠锅真系别有一番风味。
【澳洲/日本和牛】
M7澳洲和牛捲石烧 7折$168 (原价$240)
除咗一系列暖笠笠锅物，和牛、海鲜、生蠔都有优惠，特别系「生蠔买一送一」绝对系蠔迷福音。想赚尽全部优惠，星期一至四夜晚仲有「限定版清酒买一送一」，轻松饮饱食醉。
石板热辣辣上枱，可以自行将和牛捲烧到喜爱生熟度。和牛包住嘅日本水菜更会产生化学作用，散出阵阵芥末香，但食落又全无呛辣味，相当过瘾。
A5宫崎石烧厚切和牛 7折$368 (原价$526)
钟意实在肉感咬口嘅话，可以拣石烧厚切和牛。将和牛两边烧至粉嫩就食得，烧嗰阵见到油脂慢慢渗出嚟，仲闻到好香炸蒜同肉味，饮埋清酒气氛一流。
A5宫崎和牛他他 7折$238 (原价$340)
如果你追求和牛嘅原始肉味，可以拣和牛他他。半熟和牛嘅口感软绵绵，夹埋洋葱碎、蛋浆、酸汁一齐食，轻辛微酸又重肉味，好有层次。
88mm直径A5和牛球石头锅饭 (尖沙咀限定)
呢个88mm直径A5和牛球，净系望到咁多牛肉都开心呀！食之前将牛肉同饭压落热辣辣石锅，逼啲肉汁油花出嚟，仲可以整埋饭焦。
【时令生蠔/鲜鱼】
法国、韩国 时令生蠔 买一送一(低至$48)
优惠期间，海水味偏浓嘅法国、韩国青花瓷 生蠔都买一送一。法国生蠔味道层次会丰富啲，各种蠔款会分别带有果仁、甜味等馀韵，值得试多几款。而拥有不少沿海城市的韩国，海域营养丰富是养殖蠔的好环境，因此蠔也成为了韩国人经常食用的食材之一，到了冬天适逢蠔的收成季节，食落更美味鲜甜。
海产细味六杯蠔
六杯生蠔分别配上泰式汁、鸡尾酒汁同酸汁，拎起生蠔杯一啖过啪入口好爽。
六杯蠔劲新鲜，自带灯光效果打卡好靓。
时令秋刀鱼刺身/烧时令秋刀鱼 7折$198 (原价$283)
每到9至11月乃秋刀鱼最肥美之时。但秋刀鱼较难储存，所以最常见系烹煮料理。烧时令秋刀鱼固然鱼味浓郁、鱼脂丰厚；但能呈上秋刀鱼刺身就更显师傅功架，所以好推荐食埋秋刀鱼刺身。有别一般刺身，秋刀鱼拥有低调嘅细腻口感、清香甘甜，有种等待知音人欣赏、细味嚐鲜嘅感觉，佐酸汁食更富鲜味㗎。
【创意料理】
火焰鹅肝A5和牛青苹果捲 7折$279 (原价$399)
呢款捲物云集鹅肝、和牛、鱼子酱三大矜贵食材，一啖入口即刻爆出鹅肝油香，然后越咬越有和牛肉味。好钟意馅料加咗青苹果清甜解腻。味道平衡恰好，每件捲物都俨如一道迷你法国菜。
【新品料理】
海鲜渍物拼盘
一班朋友嚟居酒屋饮酒倾计，嗌呢道海鲜渍物拼盘share CP值好高。一个价钱就有矶煮鲍鱼、辣酒煮花螺、鮟鱇鱼肝、芥末八爪鱼，全部都好啱佐酒。
三味章鱼小丸子
卖相好可爱嘅章鱼小丸子，分别系芥末沙律酱、柚子沙律酱、紫菜肉松酱口味。
紫菜年糕烧
日本传统嘅烧年糕，好似日本人咁简单包住紫菜食，特别Q弹烟韧；或者加红豆、炼奶当作甜品食又得。
【又食又拎】限定版清酒 买一送一低至$378
3款指定清酒买一送一！其中一款仲系神秘限定版季节清酒，想知系咩就要嚟试喇。清酒饮唔哂，仲可以打包添!!
高CP值清酒买一送一:
北鹿 北秋田 浊酒 720ml(2支) $378
本月特选 -限量版720ml(2支) $538
作 惠乃智 纯米吟酿720ml(2支) $728
【限定熊仔冰饮品】
「黑木亭」嘅熊仔冰一向系打卡位，好有夏天vibe嘅红火龙佛手柑熊茶、蓝蝶花佛手柑熊茶，梦幻颜色望到都好疗癒喇。
另一杯creamy啲嘅绿茶鲜奶熊脆脆，熊仔冰更加抢眼！牛奶做嘅熊仔冰会慢慢融化，绿茶会越饮越富奶香㗎。
「黑木亭」尖沙咀及天后分店优惠
(如优惠时段相同，所有优惠可同时使用)
优惠1: 指定食品7折起(星期一至日全日供应) 【季节锅物】 1. 熊の降临豆乳猪骨锅 配M7 澳洲和牛珍宝杂锦盘 7折$338 (原价$483) 2. 椰皇寿喜 A5宫崎+M7澳洲和牛宝盒 7折$398 (原价$569) 3. 朝鲜大酱牛肠锅 7折$198 (原价$238) 4. 矶煮鲍鱼御田关东煮锅 7折$278 (原价$397)
【澳洲/日本和牛】 5. M7澳洲和牛捲石烧 7折$168 (原价$240) 6. A5宫崎石烧厚切和牛 7折$368 (原价$526) 7. A5宫崎和牛他他 7折$238 (原价$340)
【时令生蠔/鲜鱼】 8. 法国、西班牙时令生蠔 买一送一 (低至$48) 9. 时令秋刀鱼刺身/烧时令秋刀鱼 7折$198 (原价$283)
优惠2: 晚市单点餐牌88折 晚市单点餐牌88折 (星期五及公众假期前夕除外；本月推介及饮品除外)
优惠3: 限定版清酒买一送一 (低至$378/2支) - 北鹿 北秋田 浊酒 $378/2支(720ml) - 本月特选 - 限量版 $538/2支(720ml) (全日供应，星期五及公众假期前夕除外)
优惠4: 午市单点餐牌85折 所有午市单点餐牌85折 (午市定食、所有套餐、本月推介及饮品除外)
优惠5: 生日玩大D优惠 - 订位免切饼费 - 免费生日惊喜大灯牌 及 生日歌助庆／点播你心水歌曲
8人以上预订，免费Upgrade VIP Private K房 (必须电话及订金确定)【尖沙咀店限定】
-消费满$900，即送生日蛋糕1件 或 双球冰淇淋1份(附设免费写名服务)
以上优惠日期: 2023年10月15日 至 2023年11月30日 |
黑木亭居酒屋 （尖沙咀店）
地址： 尖沙咀金马伦道58-60号国钯大厦地下-1楼
电话： 23296669
黑木亭居酒屋 （天后店）
地址： 天后清风街10号清风大厦地舖
电话： 26606373