想过一个畀花花围绕嘅浪漫圣诞，可以试吓呢间黎巴嫩餐厅「RUE DU LIBAN」，蓝色门餐厅门口已经好IGable，入面餐厅环境仲挂满花花真系好梦幻。
山林道蓝色打卡餐厅「RUE DU LIBAN」，由黎巴嫩人Imran Khaleel开设。
花花用餐环境好精致。
而且呢度系由黎巴嫩人Imran Khaleel 开设，佢年轻时远赴瑞士读书，之后喺高级酒店开展职业生涯，一直对料理要求好高。而家夥拍40年经验埃及人主厨Ahmed Menshawy，以开罗喜来登酒店同埋黎巴嫩、杜拜多个欧洲国家掌厨经验，令「RUE DU LIBAN」料理成日带嚟惊喜。
埃及人Chef Ahmed Menshawy 拥超过40年黎巴嫩料理经验，并曾于开罗嘅喜来登酒店掌厨，擅长黎巴嫩古老食谱。
【圣诞套餐$528/人 超丰富7道菜🎄】
今个圣诞，佢哋就设计咗圣诞套餐～ 只系$528/人就可以食到7道菜!! 饮完暖笠笠南瓜汤后，就有软QQ嘅哈罗米乾酪芝麻菜沙律。然后就有黎巴嫩人好钟意食嘅开胃菜，今次可以食匀冷同热两款—经典鹰嘴豆蓉 / 松露软乾酪(Truffle Labneh)、黎巴嫩香肠。
主菜有冬日气氛十足嘅栗子酿鸡外，再有4选1—炖牛肉、烤羊排、澳洲肺鱼、肉酱千层批，绝对系圣诞大餐嘅丰富程度啊。
圣诞套餐$528/人。
【SOUP】
南瓜汤(Pumpkin Soup)
用新鲜南瓜慢火熬煮热汤，口感好似丝绒咁浓滑。天然甜香，略带黎巴嫩香料风味，加埋奶油好有层次又暖胃。
【SALAD】
哈罗米乾酪芝麻菜沙律(Halloumi Arugula Salad)
煎到金黄色嘅厚切哈罗米乾酪，外脆内软Q好特别!! 独特咸香啱啱好，配埋新鲜沙律菜、香甜石榴一齐食好开胃。
【APPETIZER(COLD)】
经典鹰嘴豆蓉 或 松露软乾酪(Classic Hummus or Truffle Labneh)
好有黎巴嫩风味嘅两款开胃菜，你会点拣呢? 经典鹰嘴豆蓉系健康满足嘅选择，大厨将鹰嘴豆打成奶滑质地，加埋柠檬汁、特级橄榄油等，口感轻盈又有豆香，用薄饼蘸嚟食好好味。
另一选择就系松露软乾酪，呢款软乾酪(Labneh) 黎巴嫩嘅特色乾酪，系将奶酪放入布袋沥干做出嘅定乾酪，口感比希腊奶酪厚实，同时又浓滑带淡淡酸香。今次加埋松露菌香，做出精致味道。
【APPETIZER(HOT)】
黎巴嫩香肠(Makanek)
大厨自家剁碎肉碎，再手工加入各种黎巴嫩香料，最后煎到外皮微焦，比平时嘅肠仔惹味好多，真心未食已经闻到好香!!
【MAINS】
栗子酿鸡(Stuffed Chestnut Chicken)
冬天食热辣辣栗子特别有幸福感，大厨特别酿入鸡肉再慢火烤至金黄皮脆、封锁肉汁。一啖入口有栗子甘香同鸡汁，完全系圣诞嘅味道啊。
以下4选1👇
炖牛肉(Beef Stew)
用多种蔬菜、香料炖煮牛腩几小时，令软化牛肉肉质同时吸满汤汁精华，用嚟捞饭一流!!
烤羊排(Roasted Lamb Rack)
黎巴嫩香料好啱入馔羊排，多层次香料令羊肉更加惹味!! 好推荐大家每人嗌唔同主菜Share，有羊、有牛又有鸡，好有圣诞大餐Vibe。
澳洲肺鱼(Barramundi)
身为懒人又想食鱼嘅话，少刺嘅澳洲肺鱼就啱晒喇。雪白鱼肉弹牙清甜，鱼皮又烧到金黄脆口。配埋自家慢煮杂菜，酸香微辣好有地中海风味。
肉酱千层批(Moussaka)
将厚切茄子炸至金黄软糯，再层层叠上香料牛肉酱。入口有种爆酱口感，特别系茄子真系渗出肉香，钟意绵密口感嘅话必食!!
【DESSERT】
朱古力熔岩蛋糕(Chocolate Lava Cake)
最后就有外层烤到微脆，入面系朱古力流心嘅熔岩蛋糕！一啖蛋糕、一啖云呢拿冰淇淋，甜度平衡啱啱好，为圣诞大餐完美落幕。
RUE DU LIBAN
地址: 尖沙咀山林道22-26号地下A号舖
电话: 23102922