有冇人都好钟意食薄饼嘅气氛，嗰种一班人一齐Share畅饮；又或者两个人约会都觉得气氛轻松Chill啲。今个圣诞想食薄饼又有仪式感，不如试吓去呢间靓靓薄饼店「Abbraccio」。中环同北角分店都系义大利餐馆氛围。
中环店有个大户外用餐区，可以一班朋友坐喺籘椅梳化，喺星空下望住红砖大馆饮酒食薄饼，有种飞咗去外国过圣诞嘅错觉呀。室内座位就用咗壁灯、油画点缀，落地玻璃隔篱就系一整排梳化位，两个人拍拖食薄饼都好有Feel。有啲座位仲见到外籍厨师即场搓面团、抛面团，再喺450°C石窑炉新鲜出炉，成个用餐体验同味道都同一般来货薄饼好唔同啊。
北角店以深色木、红砖打造大空间。
北角店好有空间感，适合饭局聚会。
「Abbraccio」中环及北角今冬推出「圣诞义大利节庆套餐($888/人 或 $688/人)」，用最温暖热闹嘅义大利家庭菜式，陪你过一个充满欢笑嘅圣诞！呢2款套餐都有热汤、开胃菜、义大利面/薄饼、牛扒/海鲜、甜品，外国份量超级丰富🍕!! 而$888/人套餐额外多咗义大利面包篮，同埋独家嘅红虾布拉塔乾酪、义大利海胆意粉、乾酪拼盘都好吸引!! 即刻睇详情啦～
圣诞义大利节庆套餐$688/人
圣诞义大利节庆套餐$888/人
【欢迎面包篮】($888/人套餐独家)
如果你拣$888/人套餐，会好似传统义大利料理咁，先有手工杂锦面包篮，跟配顶级初榨橄榄油、陈年巴萨米克醋、醃橄榄，畀大家边蘸边食边倾偈，即刻开始感受到圣诞气氛啊。
【汤品】
黑松露杂菌奶油汤
丝滑奶油汤底加入多款鲜菌，慢火熬到入味，最后刨上浓郁黑松露。第一啖已经好有大地香气，系冬天最治癒嘅一碗热汤。
丝滑奶油汤底加入多款鲜菌，慢火熬到入味。
【开胃菜(每人选1款)】
意式醃八爪鱼
醃到好入味嘅薄切八爪鱼，配搭西瓜粒、巴马臣薄片、烤松子，将几种配料夹埋一齐食，系清甜、咸香、脆口三重奏!!
几种配料夹埋一齐食，清甜、咸香、脆口三重奏。
安格斯·薄切生里肌肉
牛柳片好似纸咁薄，但每块都好食到原始肉味!! 加埋自家酸辣酱汁、陈年巴马臣、火箭菜、酸豆，味道复杂得嚟又唔会掩盖牛味，系劲鲜嫩嘅味道。
每块牛柳薄片都好食到原始肉味。
红虾配布拉塔乾酪
平时好少见嘅奢华前菜!! 野生红虾加入爆浆布拉塔乾酪，员工仲会即席倒入清番茄汤底。第一次将鲜味咁浓嘅红虾加埋布拉塔乾酪一齐食，有时又食到少少微酸番茄汤，味道变化几特别。
野生红虾加入爆浆布拉塔乾酪，相当奢华。
员工即席倒入清番茄汤底。
冬季沙律
如果钟意西餐先食个沙律，都有呢个冬季沙律选择。有杂菜、石榴、烤核桃、浓郁蓝纹乾酪等，淋上轻酸微甜石榴醋汁几清新。
冬季沙律有杂菜、石榴、烤核桃、浓郁蓝纹乾酪等。
【义大利面/薄饼/烩饭(每人选1款)】
蓝乾酪梨子烩饭
经典北意代表烩饭，喺浓郁蓝乾酪烩饭加入轻甜水梨、烤核桃脆，甜咸交错超上瘾。
烩饭加入轻甜水梨，甜咸交错。
正宗热那亚青酱意粉
呢道青酱意粉配料睇落好简单，就系新鲜罗勒、蒜头、松子、橄榄油即制青酱，反而最食到天然食材嘅风味，而且每啖意粉都好香!!
青酱意粉简单不平凡，更加食到食材天然风味。
海胆意粉($888/人套餐独家)
海水味浓嘅海胆意粉，意粉上面有满满海胆，加埋白酒、撒丁岛鱼子酱。
海胆意粉有浓郁海水鲜味。
安格斯牛面颊红酒烩意粉
如果钟意软腍多酱口感，值得一试慢煮到入口融化嘅牛面颊。而且粗管意粉好挂汁，一咬开就爆出红酒酱汁嘅感觉好正。
薄饼(招牌玛格丽塔 / 四式乾酪 / 农家鸡肉 / 三文鱼及黑鱼子酱限定款)
嚟到点可以唔食薄饼，好推荐大家主菜一定要拣款薄饼呀!! 今次套餐有4款口味拣，乾酪控唔使谂一定系四式乾酪。如果想食经典口味，无悬念系招牌玛格丽塔㗎喇～ 系正宗义大利口味，清甜番茄酱同罗勒香味都好有存在感，系简单好食嘅味道!!
特制石窑炉，以450°C高温即叫即焗薄饼。
厨师铺满爆多乾酪!!
四式乾酪薄饼。
另外仲有啖啖肉嘅农家鸡肉口味，同埋唔使加钱升级就食到嘅奢华三文鱼及黑鱼子酱，CP值都几高。
限定三文鱼及黑鱼子酱薄饼。
新鲜出炉薄饼批底好松脆。
【第二盘主菜(每人选1款)】
牛扒选择｜安格斯牛柳300g / 安格斯西冷300g / 佛罗伦斯T骨扒500g(+$98)
今次套餐有两道主菜，继意粉薄饼选择后，就有牛扒同海鲜畀大家拣～
套餐有3款牛扒选择。
如果追求嫩滑肉质嘅，推荐安格斯牛柳，简单炭火烧锁住肉汁。追求厚切有嚼劲嘅话，可以拣安格斯西冷。两款都配慢烤蒜头，饮酒一流。选择困难症表示唔知点拣好，直接拣佛罗伦斯T骨扒啦！呢个独特肉位可以食晒牛柳同西冷，系经典Fiorentina做法！
纸包海鲈鱼(+$58)
原条海鲈鱼连柠檬、白酒、番茄、迷迭香一齐焗，打开纸嗰刻即刻闻到好香啊。
海鲈鱼连柠檬、白酒等一齐焗，锁住海洋鲜味。
白酒青口
有时唔知一班朋友食咩好，拣白酒青口就无错啦！新鲜青口浸白酒牛油汁，用蒜蓉包吸埋啲汁嚟食好正。
白酒牛油汁完全系精华，一定要汁都食埋!!
【甜品(每人选1款)】
如果一班人想坐耐啲，饮酒倾偈Enjoy气氛，$888/套餐独家有义大利乾酪拼盘选择，由主厨精选3款经典义大利乾酪。
甜品方面就有柠檬酒红桑子提拉米苏选择，经典提拉米苏加柠檬酒、新鲜红桑子，系清新变奏版。另一选择有圣诞熔岩朱古力蛋糕，热辣辣熔心朱古力蛋糕、香草冰淇淋、鲜莓，邪恶指数爆表超满足!!
柠檬酒红桑子提拉米苏，系经典口味清新变奏版。
熔心朱古力蛋糕，系冬天嘅甜蜜浪漫。
Abbraccio
中环分店
地址: 中环云咸街77号嘉兆商业大厦5楼
电话: 26333878
北角分店
地址: 北角堡垒街19A号景文楼LG楼
电话: 23297028