好多公司陆续取消WFH，公司放工倦倦哋想同朋友食嘢轻松吓，食串烧就最啱啦。「龙井」而家有【75分钟串烧放题】，每位只系$50咋！下昼1点至夜晚12点都有，想食就食又唔使理budget 就是爽。同场仲有即制煲仔饭㗎，必食香港腊肠好有酒香～
【75分钟串烧放题详情】
时间：下午1时 至 晚上12时
- 每2人起，凡惠顾煲仔饭1个 或 啤酒1 set，即享优惠价$50歎串烧放题！猪、牛、鸡、羊4款串烧75分钟任食
即叫即制 高质串烧放题
呢度全部串烧、煲仔饭即叫即制，热辣辣上枱超正呀！4款任食猪、牛、鸡、羊串烧全用高质货加秘制酱～外层焦香，咬开仲好有肉汁，完全唔系一般现成串烧来货嚟㗎。
自家人手串串烧，即叫即烧超高质。
同场仲有超过50款串烧，推介人气烧牛舌、烧猪颈肉、烧鸡皮、肥牛金菇捲外，海鲜大推烧扇贝！扇贝铺满蒜蓉、香葱劲惹味，连海鲜汁都要饮埋呀。
蔬菜类就有超大件秘制烧茄子(原条)，同样铺满蒜蓉、香葱加埋秘制酱，茄子一夹即离皮超嫩，好啱配肉解腻。食完茄子，即刻可以食多几串放题串烧赚到尽(笑)。
即制煲仔饭 超脆饭焦！
夏天煲仔饭瘾一起，真系好难揾到嚟食。呢度就全天候都有煲仔饭啦，同样由下昼1点至夜晚12点都有得食。全部即叫即制，一上枱记住淋上豉油再冚盖焗一焗，更有饭香。
煲仔饭都有好多款，如时令腊味饭、田鸡排骨饭、豉汁白鳝饭等。私心大推腊肠滑鸡饭、咸鱼鱼腩饭，香港制造腊肠一咬开即有酒香，好味又放心；咸鱼鱼腩就好有咬口，捞饭一流，最后记住刮埋脆脆饭焦食呀。
开饭仔依家仲有好野益大家！于2022年4月29日至6月9日期间，到【龙井】消费并上载有效收据到指定网页， 随时赢取丰富奖品！ 食得愈密， 得奖机会愈大，超过200份奖赏等梗大家！快啲约埋饭脚开餐啦！