最近手工意粉Fans又有好消息！由瑞士人Matthew Ziemski开嘅小店“Nocino”，第4间分店喺中环开业啦。即係而家去中环(有2间分店)、大坑同观塘都可以食到每日新鲜整嘅手工意粉喇。
手工意粉排队店“Nocino”，第4间分店喺中环开业。
中环新店简洁宽敞。
大坑分店有小酒馆感觉。
观塘分店好开扬，走自然乡村风格。
老闆兼总厨Matthew嚟自瑞士意大利语区Ticino，即係瑞士南部靠近阿尔卑斯山，接壤意大利边境嘅位置。呢度涵盖冰川至栗子森林，独特地理环境造就特色料理。Matthew以前喺伦敦担任大厨多年，2019年移居香港后想将正宗Ticino风味带畀香港人。如果你都想试吓地球另一端味道嘅话，好值得嚟呀。
老闆兼总厨Matthew嚟自瑞士意大利语区Ticino，想将家乡风味带畀香港人。
嚟到“Nocino”，唔使谂一定要食每日现製意粉!! 你仲会留意到，原来新鲜意粉係煮得特别快。食落蛋香浓郁啲，口感都好Q弹。呢度有几款意粉拣，今次我哋就试咗小牛腿醃核桃肉酱宽带麵、烤墨西哥辣椒火箭菜杏仁香草酱珊瑚麵，仲有几款Ticino料理。
小牛腿醃核桃肉酱宽带麵
锺意意粉咬口嘅话，好推荐拣宽带麵。意粉一上枱，就畀超爆满戈贡佐拉蓝芝士泡沫吸引!! 轻盈泡沫口感撞上Q弹宽带麵，估唔到又几惊喜，仲有种独特咸甜咸甜味道。而宽带麵又挂满核桃酱，呢种深沉坚果风味几有新鲜感。
超爆满戈贡佐拉蓝芝士泡沫。
烤墨西哥辣椒火箭菜杏仁香草酱珊瑚麵
呢碟芝士迷一定要试!! 上面铺满嘅帕玛森芝士泡沫，芝士味好浓。同时加咗轻辛嘅烤墨西哥辣椒，小小辣几过瘾。而且珊瑚麵又挂满杏仁青酱，所以每啖都有唔同风味咁，同平时食嘅意粉好唔同。
铺满帕玛森芝士泡沫，芝士迷一定锺意。
自家製迷迭香麵包
Ticino人好锺意饮吓酒；又食吓麵包、芝士、冷盘肉类，同朋友倾偈慢活。所以一坐低可以嗌杯鸡尾酒先，再配传统意大利烘焙嘅迷迭香佛卡夏麵包开胃。食嗰阵，一定要蘸啲特级初榨橄榄油、樱桃木陈酿香醋一齐食，油润酸甜几有欧洲风味。
传统意大利烘焙嘅迷迭香佛卡夏麵包，油润酸甜几有欧洲风味。
红酒炖鹿肩荞麦玉米糊
“Nocino”有多款即调Cocktail同Mocktail，嚟放慢脚步饮饱食醉。
小牛舌配意式吞拿鱼酱
虽然主角係小牛舌，但意式吞拿鱼酱、墨鱼汁酱汁同成熟酸豆真係好抢Fo。用小牛舌夹住吞拿鱼酱一齐食，肉味会慢慢渗出海洋风味好特别!!
食咗几件牛舌后，係时候食啲酸豆清新吓味蕾，跟住就会上瘾又想食多几件牛舌(笑)，真係瞬间清碟。
食咗几件牛舌后，係时候食啲酸豆清新吓味蕾，跟住就会上瘾又想食多几件牛舌(笑)，真係瞬间清碟。
小牛舌配搭意式吞拿鱼酱、成熟酸豆，惊喜地好食。
红酒炖鹿肩荞麦玉米糊
近年香港少咗地方食鹿肉，但其实喺欧洲几常见。“Nocino”就有呢道红酒炖鹿肩荞麦玉米糊。鹿肉用红酒长时间慢炖，煮到软嫩又入晒味。鹿肉肉味存在感强，酒味唔会好重。
食嗰阵，可以蘸多啲荞麦玉米糊一齐食。荞麦嘅淡雅穀香，同半软牛奶芝士—芳提娜芝士(Fontina Cheese) 可以中和吓肉味，层次感会更加强同精緻。
食嗰阵，可以蘸多啲荞麦玉米糊一齐食。荞麦嘅淡雅穀香，同半软牛奶芝士—芳提娜芝士(Fontina Cheese) 可以中和吓肉味，层次感会更加强同精緻。
红酒炖鹿肩荞麦玉米糊。
鹿肉用红酒长时间慢炖，煮到软嫩。
Nocino (中环)
地址: 中环苏豪荷李活道49号鸿丰商业中心地舖