各位手工意粉迷，呢间“Nocino”绝对值得Bookmark！每日新鲜制作手工意粉之外，老板兼主厨瑞士人Matthew Ziemski仲会煮制家乡瑞士义大利语区Ticino料理，喺香港都食到地球另一边嘅味道，真系好难得。
Matthew Ziemski喺大坑开第一间小店后，瞬即爆红成为排队店。佢哋嘅手工意粉好有蛋香，而且口感比一般意粉Q弹得多，真系好值得一试。
好消息系而家📍观塘、中环怡和大厦、中环苏豪都有分店，想食就方便得多喇。而且午市套餐仲好抵食☀️，单点意粉只需$139！私心觉得最抵系SET C，前菜+意粉+甜品/饮品只系$169～ 因为佢哋嘅前菜唔系普通沙律，而系大大碟嘅Ticino地道料理—炸瑞士格鲁耶尔乾酪球、小牛舌配意式吞拿鱼酱、布袋乾酪配意式无花果芥茉酱等，呢个价钱食埋手工意粉真系值。
“Nocino”午餐详情
🍝 PASTA ONLY $139 🍝 SET A $159 (前菜+意粉) 🍝 SET B $149 (意粉+甜品/饮品) 🍝 SET C $169 (前菜+意粉+甜品/饮品) 🍝 SET D $199 (前菜+意粉+甜品+饮品) |
“Nocino”高CP值午餐｜自家制手工意粉
宽扁面(Tagliatelle) (V)
松露菇菌酱、戈贡佐拉乾酪泡沫
如果你钟意挂汁感强嘅意粉，好推荐呢款宽扁面。粗糙表面挂满松露菇菌酱，再慢慢渗出手工意粉特有嘅蛋香，系一种好精致嘅味道。最特别系超爆满戈贡佐拉乾酪泡沫，轻盈泡沫口感撞上Q弹宽带面几惊喜，有种咸甜咸甜嘅特别味道。
宽扁面挂汁感强，上面有爆满戈贡佐拉乾酪泡沫。
每日新鲜制作意粉，口感Q弹有蛋香。
波浪粉(Reginette)
辣肉肠酱、马斯卡彭乾酪、帕玛森乾酪
近年意粉界好受欢迎嘅波浪粉，两边捲曲外型好似蕾丝裙边，食落特别有层次感。Matthew Ziemski特别配搭辣肉肠酱，第一啖已经好有意式辣肠嘅油香。而且完全唔手软加咗好多马斯卡彭乾酪、帕玛森乾酪，浓郁微辣咸香好啱秋冬食。
波浪粉，近年喺意粉界好受欢迎。
完全唔手软加咗好多马斯卡彭乾酪、帕玛森乾酪。
意粉蕾丝裙边外型，食落特别有层次感。
长管粉(Festonati)
烤甜栗米、烟燻猪颊肉、帕玛森乾酪
手工长管粉有种丰厚口感，蛋香存在感更强。而呢道意粉酱汁唔算多，更加食到配料烤甜栗米、烟燻猪颊肉同帕玛森乾酪风味。
手工长管粉，口感丰厚。
酱汁唔算多，配料烤甜栗米、烟燻猪颊肉存在感强。
是日精选
另外每日都有唔同精选意粉，就算成日嚟食都唔会闷。当日款式可以参考黑板，或者向店员查询㗎。
每日都有唔同精选意粉。
“Nocino”高CP值午餐｜前菜
炸瑞士格鲁耶尔乾酪球(Malakoff) (V)
想嚟食瑞士料理嘅话，好推荐午餐食埋呢道波波外形嘅炸瑞士乾酪球，炸皮好厚脆，满满乾酪馅好浓郁。如果Lunch Time时间充裕，饮品可以升级埋Mocktail，好似Ticino当地人咁饮嘢慢食倾偈。
炸瑞士乾酪球。炸皮好厚脆，满满乾酪馅好浓郁。
布袋乾酪配意式无花果芥末酱
开心果、薄荷、义大利风干火腿
另一款乾酪前菜选择，就有呢道布袋乾酪。绵密奶油质地嘅布袋乾酪，加埋意式无花果芥末酱有种甜中带咸嘅呛辣，真心有惊喜。试完乾酪，又可以将义大利风干火腿包住乾酪、开心果碎碎一齐食，系另一种风味。
布袋乾酪口感绵密。
有多款配料，每啖都食到唔同风味。
意式杂菜汤 (Minestrone Soup) (V)
翠玉瓜、萝卜、西芹、番茄、杂豆
秋冬想饮啲热汤暖吓胃，有呢道义大利乡村经典热汤拣。汤身轻盈，饮落有蔬菜同杂豆粒粒口感，好钟意嚟自萝卜、番茄嘅天然酸甜味道。
义大利乡村经典热汤。
汤身轻盈，有蔬菜同杂豆粒粒口感。
小牛舌配意式吞拿鱼酱
意式吞拿鱼酱、墨鱼汁调味酱、成熟酸豆
真系好少见午餐前菜有咁大碟牛舌!! 薄切小牛舌肉色粉红，食落软嫩又有咬口。食嗰阵连埋意式吞拿鱼酱、墨鱼汁调味酱一齐食，令牛味多咗层咸鲜海洋味，几有新鲜感。
午餐前菜少见，超大碟足料牛舌！
连埋意式吞拿鱼酱、墨鱼汁调味酱一齐食，几有新鲜感。
Odette’s提拉米苏(含有酒精)
嚟自Ticino家族秘方，用100%义大利马加邦尼乾酪(Mascarpone Cheese)、杏仁酒(Amaretto)、义大利玛萨拉酒(Marsala) 制作，由开业第一日就系最受欢迎嘅甜品啦。
Ticino家族秘方提拉米苏，开业第一日已经大受欢迎。
口感Creamy，酒香浓郁。
栗子乾酪蛋糕
蒙布朗、黑加仑子
冬天系属于栗子嘅季节，甜品师将佢变成绵滑细腻栗子蓉，配上轻甜黑加仑子、微微奶香乾酪蛋糕，撞出栗子、果香、奶滑三重味道。午餐食件高质甜品，真系特别有仪式感。
细腻栗子蓉，配上轻甜黑加仑子、微微奶香乾酪蛋糕。
午餐饮Mocktail有Feel～
“Nocino”系一间手工意粉店，但佢哋嘅嘢饮都好有心思，好似呢两杯Mocktail就好清爽。想食Lunch都好似外国人咁放慢节奏，一定要饮埋呀。
午餐只系+$37，有柠檬蜂蜜气泡饮Lemon Honey Gazzosa；另一选择Hibiscus Rose Fizz用洛神花、玫瑰、伯爵茶调制，酸甜花香带伯爵茶独特味道。
“Nocino”有驻场调酒师，即调各种Mocktail、Cocktail。
Nocino(香港)
地址: 香港大坑铜锣湾道92E号地舖
电话: +852 60121098