你有无试过食一餐韩国菜，会将放满12款前菜、多款主菜、锅物嘅枱搬上嚟？真系未食已经震撼眼球!!
韩国人Mr.Jung开设嘅韩餐馆“SONAMU Korean Restaurant”，隐身喺尖沙咀地库依然人气爆发。除咗超打卡嘅「换枱」食法，店主坚持煮韩国家庭料理亦系一大特色。Mr.Jung提道：「妈妈煮嘅饭餸最健康，佢唔会落好多味精好多盐。而我哋想还原韩国妈妈料理畀食客，所以都系少味精亦唔会太咸太辣，真系食到食材鲜味同营养。」除咗煮法健康，呢度全部食材都系每日韩国直送！好似招牌酱油海鲜拼盘、海鲜嫩⾖腐⽕锅，你会见到全部海鲜都系大大件又新鲜！当然，秋冬必食嘅锅物—韩式猪脊骨火锅、鸡肉章鱼火锅、猪肉血肠火锅等都系韩国直送食材，一定要放入今冬Bucket List呀。
Mr.Jung开店之前做过资料搜集，喺香港未见过呢种上菜方法，所以想将佢带嚟香港。
4人套餐(婆婆套餐)，超澎湃韩国料理！
招牌酱油海鲜拼盘，海鲜吸满微甜咸香酱油。
海鲜嫩豆腐火锅。回本首选，超爆满韩国直送海鲜！
最重要系呢度CP值好高！2人餐$480/$630、3人餐$850、4人餐$980、5人餐$1,130，呢个价钱仲要全日免加一!! 开饭仔已经帮大家计咗，每人平均二百几蚊就有交易啦。而且每个套餐已包括前菜约12款(大部分每星期转款)，大路款有泡菜、辣醃青瓜、鱼仔干、韩式猪耳、麻油拌韩式粉丝、蔬菜蛋饼、芽菜、辣豆腐等，最估唔到近期爆红嘅明太子都有㖞，咸咸香香用嚟捞饭几正。
每个套餐包括12款前菜，大部分每星期转款。
(左)蔬菜蛋饼、(右)明太子
【2人/3人/4人/5人套餐详情👇】
每个套餐最大分别系主菜数量，全部料理份量同味道都系一样㗎，所以几多个人嚟食都好划算。好似「2人餐$480」就有12款前菜、1款锅物、2款主菜；「3人餐$850」就有12款前菜、1款锅物、3款主菜，如此类推。
套餐共有6款锅物、22款主菜选择。款式真系好多，完全系多人饭局福音，一定满足到唔同人口味。
【6款锅物选择🥘～】
韩式牛展火锅。汤底唔会好咸好浓，牛展肉味、蔬菜味道混和几香。
韩式猪脊骨火锅。猪脊骨一咬已经化开好软腍，成个口都系肉味同胶质嘅深邃香味。
「2人餐$480/$630」除咗头先嘅锅物选择，仲会多咗呢4款韩国汤拣—泡菜汤、贻贝汤、豆腐汤、大酱汤。
【22款主菜选择🍲～】
韩国菜唔少得酱油蟹、酱油虾，海鲜迷可以直接嗌个酱油海鲜拼盘!! 有酱油鲍鱼、章鱼、虾同三文鱼。另一回本推荐有生拌牛肉，原始肉味加埋蛋浆好正。
套餐有酱油蟹拣。
酱油虾都系另一选择。
心大心细唔知拣咩好，呢款酱油海鲜拼盘就啱晒。
生拌牛肉，原始肉味好正!!
主菜都有唔少铁板选择，有埋个炉热住食几有Feel。烤鳗鱼、黄油烤鱿鱼、烤牛小排都煎到好香。
烤鳗鱼。秋冬用铁板边烤边食，好有Feel。
黄油烤鱿鱼，鱿鱼份量有惊喜。
牛控必食烤牛小排。
特色啲嘅韩国料理唔少得烤猪肩肉，用生菜包住啲肉同辣酱食劲开胃。白饭小偷唔少得辣炒猪肉、韩式炒牛肉，韩国独特嘅香辣真系佐饭
烤猪肩肉，用生菜包住肉同辣酱食好开胃。
辣炒猪肉，捞饭一流。
韩式炒牛肉。
【所有套餐可额外追加韩式煎饼/炒年糕🍳～】
海鲜韭菜煎饼、泡菜煎饼、土豆煎饼、辣炒年糕。
“SONAMU Korean Restaurant”隐身尖沙咀地库，以韩国家庭料理同上菜方法引爆人气。
“SONAMU Korean Restaurant”套餐价钱一览
2⼈套餐(姨妈套餐1) $480 2⼈套餐(姨妈套餐2) $630 (包含3款主菜) 3⼈套餐(妈妈套餐) $850 4⼈套餐(婆婆套餐) $980 5⼈套餐(SOUNAMU SET) $1,130 |
SONAMU Korean Restaurant (尖沙咀)
地址: 香港尖沙咀柯士甸路152号好兆年行LG楼
电话: +852 66921233