有人话，人生一定要坐次热气球睇靓景。未得閒飞到土耳其，尖沙咀「花楽」都准备咗超唯美「花楽热汽球 • 天空の森」下午茶—热气球3层架、甜品玻璃屋、小食3点同花茶，又靓又丰富。Book定视窗卡位仲可以望尖沙咀靓景，闺蜜girl’s talk 或者哄女朋友都好啱呀。
「花楽热汽球 • 天空の森」有丰富日本料理、甜品、花茶，每日下午2:30-4:30 限量15份。
「花楽热汽球 • 天空の森」有咩食～
超吸睛热气球有多款刺身、寿司。上层放满鲜花俨如小花园，当中有日本直送蓝鳍拖罗、油甘鱼、甜虾刺身。
热气球下午茶层架俨如小花园。
中层有海胆杯，入面系新鲜日本紫菜配马粪海胆寿司，摆盘精致高级。
海胆杯放满马粪海胆。
下层就有日本番茄伴梅酒啫喱、日本冷豆腐清清味蕾。当然仲有香葱玉子件黑毛猪风干火腿、新鲜蓝鳍赤身寿司、三文鱼寿司满足大家寿司瘾。
日本食材清新健康。
犹如童话书走出嚟嘅甜品玻璃屋～最上层日本和菓子精美得好惊喜，再饮啖花茶好似变咗日本女生咁。同层仲有樱花水信玄饼、芝麻琵琶蕨饼。
甜品玻璃屋好梦幻，自行打开玻璃门进入甜品世界。
下层甜品气氛由日本飞到法国，乾酪蛋糕、法国朱古力饼食出精致感。值得一提嘅系，朱古力蛋糕用料矜贵，系法国六星级饭店米芝莲餐厅指定朱古力供应商，可可味浓郁。最后就以红豆冰淇淋解腻，再饮啖花茶度过悠閒下午。
甜品有和菓子、蛋糕、冰淇淋等。
今次下午茶仲有3款小食，佐酒烧鳕鱼干、香口炸蠔、三文鱼刺身。真心一个下午茶食到咁多日本料理，加埋靓景CP值好高。
3款小食都好啱配酒。
驻场唎酒师 唔熟清酒都可以享受Wine Pairing
呢度可能系全港最多唎酒师嘅居酒屋，5位唎酒师会依你嘅喜好/料理推荐各种清酒。最重要系全日酒品都系Happy Hour价钱，接近零售价饮酒～即场饮可享免开瓶费；买走亦享9折优惠。
唔熟清酒都可以轻松饮，唎酒师每日都会严选10几支清酒，以抵价一杯畀大家试酒，最平约$39/杯就有喇，连名牌清酒十四代都可以$99/60ml饮到，好啱心思思咩都想试吓嘅大家。
经过上嚟饮杯酒，同唎酒师倾计交流吓都得㗎。
唎酒师每日精选10几款清酒。
每杯份量恰好方便试多几款。
即睇清酒详情！
- 每日精选清酒 约$39-$99(60ml)/杯 - 每日精选清酒 约$99-$299(180ml)/杯 - 十四代清酒$99(60ml)/杯、$299(180ml)/杯、$2,990(1.8L) - 鸡尾酒约$88-$128/杯 |
下午茶以外～多款精致料理
「花楽」有全日Happy Hour 清酒、午市、下午茶同晚餐，基本上咩时间想嚟食嘢饮酒都得。午市套餐$88起，刺身、寿司、熟食都有得拣(包前菜、沙律、面豉汤)。
晚市料理都好细致，好似呢道「海鲜茶碗蒸」，以鲜花配上海胆、鲍鱼、刺身虾，绵滑蒸蛋仲吸满海鲜精华。
海鲜茶碗蒸，绵滑蒸蛋吸满海鲜精华。
蠔迷福音！「花楽六味真蠔」集合多款口味—三杯酢啫喱蠔、乾酪焗蠔、蒜蓉焗蠔、天妇罗蠔、岩盐海胆蠔；玻璃杯内则有柚子伴日本蠔(刺身)。咁多款蠔，可以大胆问吓唎酒师可以配咩清酒撞出惊喜。
花乐六味真蠔有多款焗蠔同生蠔。
日本料理 x 咖啡Me Time
其实日本有好多餐厅都有咖啡饮，「花楽」亦想大家嚟到可以enjoy成个环境，特意邀请咖啡师驻场冲调100%阿拉比卡咖啡豆，入口有榛子、浆果味平衡浓郁嘅可可香气。同时亦会不定期推出各种果味咖啡、牛油果咖啡㗎。
「花楽」走典雅日本风，饮酒、咖啡都好啱气氛。