香港有好多高质日本菜，但唔系间间都可以望埋靓景。主打日法fuison菜嘅「花楽」，就有落地玻璃望住尖沙咀靓海景。全店优雅和式设计，无论下午茶定晚餐都好有气氛。
想同闺蜜high tea好推荐「花楽热气球下午茶」，3层热气球+玻璃甜品屋打卡都好靓㗎。
「花楽」优惠详情
星期日 晚市时段$688 日本直送活鱼+日本海胆一客(30g) 星期一 晚市时段$688 日本直送活鱼+日本海胆一客(30g) 星期二 晚市主餐牌8折优惠 星期三 晚市时段优惠价$99 换购日本直送刺身(每星期不同) 星期四 晚市时段订座送花楽精选甜品 星期五 晚市时段每2-4位客人送佐酒小食一客、5位以上送两客 星期六 $99换购一杯14代(60ml) |
【花楽热气球下午茶】
热气球下午茶极唯美，一个价钱有晒热气球层架、甜品玻璃屋、小食3点、冷盘3点、花茶。料理同甜品都会定期转变，每次嚟都有新鲜感。
落地玻璃旁有一整排卡位，并悬挂唯美花花弔灯，隐私度高兼有靓景，好啱闺蜜girl’s talk或约会。
「花楽热气球下午茶」菜单
餐前小食 三文鱼、鳕鱼干、炸北海道甜虾
冷盘小食 海葡萄醋物、烟燻三文鱼乾酪捲、迷你吞拿鱼蟹肉手捲
热气球层架 拖罗、油甘鱼、甜虾刺身 海胆刺身 冷番茄佐梅酒啫喱
甘品 日本和菓子、自家制布甸、日本蛋捲 特色法国甜品、时令水果、日本冰淇淋
*所有菜式会按每日时令食材改变 |
热气球层架 多款刺身
热气球下层就有海胆刺身、冷番茄佐梅酒啫喱。海胆好大件又绵滑。之后再食冷番茄中和腻感，加咗啲梅酒啫喱酸酸甜甜好开胃。
好少食下午茶有咁多刺身，所以「花楽」呢个打卡下午茶CP值几高㗎。除咗下层海胆刺身，上层仲有拖罗、油甘鱼、甜虾刺身，下午茶时段都可以一解刺身瘾。
3款香口小物+3款冷盘 定期更新
「花楽热气球下午茶」系包埋花茶，而3款小食都系香口开胃，好啱边饮边食、饮茶畅谈。今次小食就有三文鱼刺身、鳕鱼干、炸北海道甜虾。
冷盘就有海葡萄醋物、烟燻三文鱼乾酪捲、迷你吞拿鱼蟹肉手捲。特别钟意海葡萄醋物，入口会卜卜爆开又有丰富营养；而吞拿鱼蟹肉手捲就用鳕鱼干代替紫菜，更加烟韧有口感。
甜品玻璃屋放满梦幻日式和菓子、特色法国甜品，仲有自家制布甸、时令水果、日本冰淇淋等，甜品控一定好钟意。
【人气单点料理】9:30后宵夜时段入座即享85折再送一杯cocktail
只要晚上9:30后入座，全部单点都有85折。即刻睇吓单点料理有咩食啦～
鱼子酱海胆赤身寿司完全系集合3款受欢迎鱼材，海水味浓郁，仲可以享受3种截然不同嘅口感层次。
「花楽」鱼材供应商每日都有高质靓鱼，所以呢度嘅日本即送原条鱼刺身好值得一试。原条鱼刺身劲鲜甜，每日鱼材都唔同，今次就食到有独特甜香嘅八角刺身啦。
呢道低温烧金枪鱼鲛系师傅拿手料理，以外国煮法融入日本食材，先风干金枪鱼鲛再以独特手艺做到鱼鲛边香脆，入口再爆出鱼油，唔系度度食到㗎。
芜青昆布蒸金目鲷
日本高级料理食材—芜青，附以昆布、日本青柚子煮出独特香味，有种熟悉嘅温泉旅馆料理感觉。日本鱼中之王—金目鲷，平时多以刺身上场，今次蒸煮更带出鱼脂甘香、肉厚特点。
驻场唎酒师 唔熟清酒都能享受sake pairing
呢度可能系全港最多唎酒师嘅居酒屋，5位唎酒师会依你嘅喜好/料理推荐各种清酒。最重要全日酒品均接近零售价。
唔熟清酒都使担心，唎酒师会每日严选10几支清酒，以抵价畀大家试酒，最平约$39/杯就有喇；名牌清酒十四代只系$99/60ml就饮到。
日本料理 x 咖啡Me Time
其实日本当地好多餐厅都有咖啡饮，「花楽」想大家嚟到可以enjoy成个环境，特邀咖啡师驻场冲调100%阿拉比卡咖啡豆，入口有榛子、浆果味平衡浓郁嘅可可香气。同时亦会不定期推出各种果味咖啡、牛油果咖啡㗎。
花楽 (北京道1号)
地址: 尖沙咀北京道1号8楼801室
电话: 26222386