坐落將軍澳寧靜海濱嘅“Maison Beirut”唔只係一間餐廳，更係一場通往黎巴嫩核心嘅感官之旅。呢度有迷人嘅海濱靚景，正值春夏好啱坐室外，聽住波浪拍打堤岸聲音享受美食；揀啱時間仲可以欣賞夕陽，構成令人難忘嘅用餐背景。
室內裝潢則對地中海魅力致敬，以湛藍色調為基底，牆身精心挑選傳統黎巴嫩幾何圖案，搭配七彩繽紛的中東風格沙發裝飾，充滿異國情調。無論你選擇室內，於精緻燈光下用餐；抑或室外享受清風送爽，都可以感受充滿活力又寧靜嘅氣氛。
穿越黎巴嫩美食之旅
“Maison Beirut”坚持正宗黎巴嫩美食，无论食材、调味均致上深深敬意。大胆地以香料、新鲜香草同历史悠久煮法，呈现一场传统味道盛宴。
由拥有超过40年经验嘅埃及主厨精心设计菜式，确保每份味道都带有黎凡特(Levant) 中东地区灵魂。黎巴嫩菜以健康、奢华平衡而闻名，大厨将呢个理念展现得淋漓尽致。以优质橄榄油、手工研磨香料、新鲜豆类入馔，一嚐引人入胜嘅大自然味道。
必试招牌菜 满足海鲜迷&肉控
用餐之旅开始，当然要试吓黎巴嫩料理基石—Mezze!! 丰富嘅Mezze 好啱同朋友happy share㗎。呢道Mix Hummus Platter 就係必试之选，包含4款滋味变奏—经典、松露、红菜头同牛油果。每款都係将传统口味加入独特变化，配埋暖笠笠、软绵绵嘅彼得麵包同香脆Nachos 蘸嚟食，开胃又好食。
对海鲜fans嚟讲，呢道烤八爪鱼都係必食之一!! 八爪鱼用橄榄油、柠檬汁、大蒜同香草调製嘅醃料醃过，然后烤到微焦啱啱好。咬落肉质弹牙嫩滑，好有地道风味。
同样吸引嘅係蒜香烤虎虾，就配上浓郁嘅蒜香同他他酱，带嚟一阵浓烈味道爆发，撞上鲜嫩多汁嘅虎虾几夹喎。
唔止八爪鱼同虎虾，海鲜迷表示「我咩都要!!」，就要拣呢道Mix Seafood Grill 啦。集合多款新鲜海鲜—虾、青口、三文鱼、鱿鱼同澳洲鲈鱼，全部都烤到好香。配埋香草牛油酱，以浓郁香草同微酸味，突出海鲜嘅天然甜味。
而锺意食肉嘅朋友，就要拣呢道IGable嘅Mix Grill啦。多款烤肉散发住仙气上枱，未食已经闻到好香。每款烤肉都用传统黎巴嫩香料醃製，咬开仲爆出肉汁好正。
沉浸式体验黎巴嫩文化 精彩肚皮舞表演
“Maison Beirut” 独特温馨气氛，无论约会或三五知己饭局都好啱㗎。选择室外用餐，更会伴随住海风轻拂同柔和背景音乐，成为浪漫晚餐、家庭聚餐或者悠闲週末brunch 嘅理想地点。
逢星期五及六(7:30pm及8:30pm)，更有出色嘅肚皮舞者精彩表演。迷人舞姿同传统音乐，带你穿越到贝鲁特嘅热闹街头，喺星空下感受异国风情地用餐。无论生日、週年纪念，又或只係想过一个特别晚上都係完美选择。
如果有特别节日同庆典，仲会举办独家肚皮舞表演!! 多数由客席舞者演出或延长表演时间，同感受与别不同嘅活力同兴奋气氛。
Maison Beirut
地址: 将军澳唐贤街29号蓝塘傲格林威治村地下10号舖
电话: 23210368