旺角一向系约朋友最方便嘅地方，但揾间又大又坐得舒服嘅餐厅唔易㗎。开业无耐嘅隐世墨西哥餐厅“REFLECT Restaurant & Bar”，设计概念贯彻店名“REFLECT”，门口、酒吧位都大玩光影反射好唯美。
“REFLECT”嘅室外空间几惊喜。好少旺角餐厅有咁大个天台，仲有好多梳化位chill住饮嘢倾计，大到可以包场开party或举办轻婚礼㗎。
隐世墨西哥菜 | “Christmas 5-Course Set”
“REFLECT”主打墨西哥菜，并请嚟10年经验墨西哥大厨主理，创作多款party vibe墨西哥菜，好啱食饭饮酒直落。今个圣诞限定“Christmas 5-Course Set”，有充满节日气氛嘅圣诞火鸡墨西哥夹饼之馀；仲有炭烧MB2西冷扒锯埋扒。
圣诞套餐专享 | Wine Pairing
凡惠顾圣诞套餐均可$280/人追加Wine Pairing，边食边饮气泡酒、红白酒、甜酒更有仪式感。
“Christmas 5-Course Set”$880/2位
即刻睇吓“Christmas 5-Course Set”有咩食～
手拆蟹肉龙虾浓汤
欧洲圣诞大餐点少得龙虾，大厨特别手拆鲜蟹肉，再用龙虾、海鲜熬煮浓汤，鲜味极浓郁呀!!
圣诞圈圈沙拉
好温馨嘅圣诞圈圈沙律，将鲜虾、新鲜石榴、橙肉、车厘茄做成梦幻圈圈好清甜。圈圈中间系特调百香果沙律汁，香甜开胃，女生一定钟意。
圣诞火鸡墨西哥夹饼(Turkey Tacos)
墨西哥菜必食Taco!! “REFLECT”依地道墨西哥做法，饼皮系用粟米制成，新鲜烘烤有种粟米香味，仲比一般面粉饼皮健康得多。
圣诞限定火鸡Tacos有满满手拆火鸡丝，馅料多到爆出嚟。最后淋上秘制酱汁，一嚐墨西哥风味圣诞。
炭烧MB2西冷配焗薯
特选高级牛前腰脊肉，肉感纤维丰富，同时又布满油花。会越咬越有浓郁肉味，牛扒fans一定钟意！特别配上美式烟肉焗薯，软绵咸香又有圣诞气氛。
圣诞特色甜品
最后会有自家圣诞甜品，蛋糕口感绵密又有浓郁朱古力。
追加限定鸡尾酒
今年仲有2款圣诞限定鸡尾酒—X'mas Pirates、Santa Kisses。X'mas Pirates有果仁香，以Dark Rum、花生、坚果、奶油、柑橘调制。酒身绵滑，加埋杯边嘅脆脆焦糖好有层次。
另一高脚杯Santa Kisses极华丽，以草莓、复盆子、橙汁、伏特加等调制，最后以草莓果酱点缀，酒香中带甜。
(左)Santa Kisses、(右)X'mas Pirates
【必食招牌料理】
“Reflect”新开业无耐，已经收到大家心声好钟意呢几款招牌料理。望住餐牌无从入手嘅话，直接拣呢几款实啱食。
墨西哥夹饼(蘑菇/鸡肉/牛肉)
墨西哥菜必食Tacos，呢度可以拣蘑菇/鸡肉/牛肉馅料。用地道粟米制夹饼，加埋牛油果酱、莎莎酱、酸奶油好爆馅。
羊肉西冷配乾酪薄脆
平时食羊都系羊架多，呢度就选用更矜贵嘅羊肉西冷。羊肉好软嫩，第一啖好似食紧牛柳嘅错觉，后续再渗出羊扒独特肉味，恰到好处唔会羶。加埋外层脆脆巴马臣乾酪薄脆、松露汁，口感味道绝对有惊喜。
蟹肉他他
呢道蟹肉他他可以当作开胃前菜；亦好啱一边share一边饮酒。丝丝蟹肉极有存在感，配埋牛油果、番茄粒、希灵鱼鱼籽酱等做出多重口感。
【多款新推鸡尾酒！】
除咗圣诞限定鸡尾酒系列，店家12月都新推出多款鸡尾酒。同场Mocktail亦好受女生欢迎，食完饭想饮嘢影吓相就啱喇。
Aladin(阿拉丁)
还原超梦幻阿拉丁神灯，亲手拎起神灯倒出蓝色酒，酒杯仲会散出仙气好有电影感。蓝色酒以Rum、椰子、菠萝、柑橘调配。
Pirates Daily(海盗日常)
海盗木桶盛载Dark Rum、花生、坚果、奶油、柑橘调配嘅鸡尾酒，果仁独特味道几有惊喜。
Xipe Totec
充满神秘气氛嘅Xipe Totec，以杜松子酒、茉莉花茶、梨、薑组成，完美结合柔和香辛味道。
Fruity Garden(水果花园)
Fruity Garden有多种口味选择—草莓/黑莓/芒果/仙人掌果等，配以伏特加、橙、菠萝、桃子混合调制。
Espíritu
高脚杯极具格调，以Jack Daniels威士忌，撞上橙汁、菠萝汁、青柠汁同义大利利口酒Frangelico。
REFLECT Restaurant & Bar
地址: 旺角西洋菜南街74-84号旺角城市中心12楼
电话: 94029697