你食过嘅海景餐厅同大海有几近? 由黎巴嫩人Imran Khaleel夥拍埃及总厨Maged Makram开设“Maison Beirut”，行十几步就去到海边影相，真正超近距离海景餐厅呀!!
“Maison Beirut”位于将军澳海傍风景如画，可以饱瞰大海迷人景色。餐厅拥有迷人环境，食客可以享受宁静海岸风景，同时沉醉于正宗黎巴嫩美食中。呢度提供露天用餐体验，将美味食物同美丽自然环境相结合。
最吸引系价钱好抵，蓝天白云下叹个Lunch只系$118，8道菜+甜品+唯美热茶。晚餐必食炭香阿拉伯烤肉低至$198，外国人份量大满足!! 仲有多款黎巴嫩地道鹰嘴豆蓉、香烤哈罗米乾酪、香烤羊肉肠等。趁新开业推出多项优惠，嚟饮酒慢食Chill吓～
“Maison Beirut”新开业优惠详情
优惠1) 生日优惠 3月寿星享免费甜品一份
优惠2) CP值高唯美午餐 逢星期一至五(12:00pm - 3:00pm)，午市套餐只需$118
优惠3) 全日菜单85折 于3月1至3月31日(星期一至五) 全日菜单85折优惠*
*周末和公众假期不适用 |
“Maison Beirut”有户外座位，春夏望海景食饭好Chill。
室内座位都好宽敞。
黎巴嫩菜大受健康人士追捧
当初黎巴嫩老板Imran选址将军澳海傍开店，就系钟意呢度可以望到无敌大海景，所以“Maison Beirut”特设户外座位，踏入初春坐户外吹吓风真系几舒服。
Imran特邀拥40年经验埃及总厨Maged Makram主理，踏遍埃及各地钻研厨艺知识，对食材、味道都好坚持!! 所以“Maison Beirut”都不计成本用高级食材、黎巴嫩香料，甚至引入黎巴嫩最高级橄榄油，煮出黎巴嫩风味。
平时觉得健康嘢多数唔好食，黎巴嫩菜就用味道证明健康&好食可以并存㗎。因为黎巴嫩菜用天然蔬菜、豆类、香料调味，标志性嘅豆蓉、炸鹰嘴豆饼仲可以补充优质蛋白质𠻹。就算当地人好钟意食嘅烤肉都唔使大量松肉粉、调味剂，烤肉原汁原味又有炭香。
(左)主理人Imran Khaleel、(右)埃及总厨Maged Makram
二人完美呈现黎巴嫩风味料理。
【CP值高】唯美午市套餐
呢度嘅午餐真系值得一试，系将军澳区内极罕超抵价!! 只需$118有8道菜+甜品+饮品，仲要系好精致唯美。私心推介饮品一定要拣靓靓阿拉伯茶壶呈上嘅阿拉伯薄荷茶，即刻好有仪式感。
午市套餐咁丰富只系$118，CP值好高。
Lunch跟配阿拉伯薄荷茶，茶壶呈上好唯美。
黎巴嫩开胃菜
一坐低会有是日餐汤暖吓胃先，跟住就有午餐会一大盘上枱，真系俾佢嘅珍宝Size吓亲呀。全部开胃菜、主菜、配菜都喺晒度，几钟意每样食啲嘅感觉，几有新鲜感。
而且好多黎巴嫩料理都未接触过，好似4款黎巴嫩开胃菜之中嘅鹰嘴豆蓉、烤红椒核桃蓉，可以随心用阿拉伯烤饼蘸嚟食。鹰嘴豆蓉绵密淡雅；烤红椒核桃蓉就会酸辣啲啲，几香口惹味。
首先饮是日餐汤，之后享用一大盘Lunch Set。
鹰嘴豆蓉
烤红椒核桃蓉
开胃菜仲有薄脆红石榴酱沙律、炸鹰嘴豆饼，好钟意沙律加咗红石榴酱甜甜地。而外国人好钟意食嘅炸鹰嘴豆饼，同样炸到好脆内绵，单单呢几款前菜已经几满足。
薄脆红石榴酱沙律、炸鹰嘴豆饼
主菜5选1
5款主菜选择都几广泛，相信中东羊肉丸、鸡肉串烧、牛肉沙威玛系热门选择，佢哋嘅烤肉真系烧到有炭香，肉味浓又有肉汁。下昼未想啖啖肉都有香煎盲曹，总厨Maged Makram将盲曹煎到啱啱好，鱼肉嫩嫩滑滑。
其实黎巴嫩菜好啱素食，因为当地人真系将天然蔬菜煮到出神入化，常见嘅鹰嘴豆、红菜头、茄子、番茄都煮得好好味!! 今次午餐主菜都有番茄香草酿茄子(V)拣。如果你身边都有Go Green朋友，真系可以带佢嚟试吓。
中东羊肉丸
鸡肉串烧
最后仲有米布甸食，咁丰富只系$118真系好抵食。
甜品米布甸
“Maison Beirut”午市套餐$118
黎巴嫩开胃菜 是日餐汤 鹰嘴豆蓉 烤红椒核桃蓉 薄脆红石榴酱沙律 炸鹰嘴豆饼
主菜5选1 番茄香草酿茄子(V) 中东羊肉丸 鸡肉串烧 牛肉沙威玛 香煎盲曹
配菜 黎巴嫩米粉饭 阿拉伯烤饼
甜品 米布甸
饮品 咖啡 柠檬茶 阿拉伯薄荷茶 汽水 |
【晚餐啖啖肉】
2人份烧烤拼盘
烧烤拼盘堆满烤羊架、牛肉、鸡肉，上枱嗰阵炭盘依然飘紧烟，真系又香又靓呀，而且呢个烤肉份量真心满足。
2人份烧烤拼盘，烤盘上枱几震撼。
鸡肉串烧／牛肉串烧
串烧烤肉又系另一种风味。唔系一般串烧份量，系大件珍宝份量，同样满足到啖啖肉渴求。
鸡肉串烧，比平时食开嘅串烧大份量好多。
牛肉串烧，下面嘅烤饼吸晒肉汁。
招牌慢煮羊腿
羊肉系黎巴嫩菜名物之一，就算羊腿咁大只一啲都唔韧，慢煮后依然软嫩。
招牌慢煮羊腿，大大只一啲都唔韧。
牛肉炖汤汁
钟意捞饭可以拣呢道牛肉炖汤汁，牛肉炖到好软腍，汤汁有晒肉味精华呀。
牛肉炖汤汁，一嚐牛肉精华捞饭。
黎巴嫩鸡捲
啖啖肉选择以外，呢款鸡捲用鸡肉包住米饭，双重口感几特别。
黎巴嫩鸡捲做出双重口感。
【饮酒必食】
黎巴嫩料理都几啱佐酒，好似香烤哈罗米乾酪，软糯咸香；香烤羊肉肠，一咬爆出羊肉几惹味；红石榴蜜煎鸡肝有独特口感，外甜内嫩好独特。
香烤哈罗米乾酪，软糯咸香好啱饮酒。
香烤羊肉肠，羊肉绵密饱满。
红石榴蜜煎鸡肝，咸甜交替。
【黎巴嫩地道料理】
平时Go Green同朋友食嚟食去都系沙律，黎巴嫩菜真系有新鲜感得多，如多款地道素食Mezze—甜菜根鹰嘴豆蓉、贝鲁特鹰嘴豆蓉、烤茄子蓉等，全部跟配好松软嘅自家制阿拉伯烤饼&粟米片。同场亦有薄脆红石榴酱沙律、塔布勒沙律。
(左上及左下) 甜菜根鹰嘴豆蓉、贝鲁特鹰嘴豆蓉
(右上及右下)羊肉鹰嘴豆蓉、烤茄子蓉
(中间)跟配自家制阿拉伯烤饼&粟米片
塔布勒沙律
塔布勒沙律
Maison Beirut
地址: 将军澳唐贤街29号蓝塘傲格林威治村地下10号舖
电话: 23210368